მეცნიერები დიდი ხანია საუბრობენ იმის შესახებ, რომ ხორცში გაცილებით ნაკლები სასარგებლო ნივთიერებაა, ვიდრე პარკოსნებში. ვეგეტარიანელები სპორტსმენებს შორისაც არიან. ისინი ამტკიცებენ, რომ ხორცზე უარის თქმა – ეს მათი საუკეთესო გადაწყვეტილება იყო.
ამავე დროს, ხორცის მოყვარულებს არ სჯერათ, რომ მცენარეული ცილები საკმარისია დიდი ფიზიკური დატვირთვისთვის. გავარკვიოთ, რაშია ვეგეტარიანელობის პლიუსები და მინუსები ერთი საინტერესო ექსპერიმენტის მაგალითზე.
ტყუპმა ძმებმა – ჰიუგომ და როსმა – ჩაატარეს ექსპერიმენტი, რომელშიც ერთი ძმა 12 კვირის მანძილზე ხორცს არ იღებდა, ხოლო მეორეს თავისი რაციონი არ შეუცვლია. ისინი აქტიური სპორტით არიან დაკავებულები.
ვეგეტარიანელობის პლუსები
ჰიუგომ ვეგეტარიანელობა გამოსცადა. ექსპერიმენტის დასაწყისში ის ძალიან გახდა. შემდეგ კი ყველა პარამეტრი აღიდგინა. მისი წონა არ შეცვლილა, თუმცა ცხიმოვანი ფენა 13%-დან 12%-მდე შეუმცირდა.
ექსპერიმენტის დასრულების შემდეგ აღმოჩნდა, რომ ჰიუგოს სისხლში ქოლესტერინის რაოდენობა შეუმცირდა. ის გახდა მეტად ენერგიული და კონცენტრირებული. ძმისგან განსხვავებით, როსმა წონაში მოიმატა. ცხიმის რაოდენობა კი 15%-მდე გაეზარდა. ქოლესტერინის რაოდენობა მასთან არ შეცვლილა.
ვეგეტარიანელობის მინუსები
მცენარეული პროდუქტებით კვებისას, აუცილებელია წესების დაცვა. ვეგეტარიანელებს ხშირად აღენიშნებათ რკინის, ვიტამინებისა და ამინომჟავების დეფიციტი.
ვეგეტარიანული ცხოვრების უცბად დაწყება შეუძლებელია კუჭისთვის ზიანის მიყენების გარეშე. კვების ჩვევები ნელ-ნელა უნდა შეცვალოთ, თორემ გექნებათ მუცლის შებერილობა და შესაძლოა გასტრიტიც დაგეწყოთ.
ამგვარად, ჩვენ მეტ-ნაკლებად მიმოვიხილეთ ვეგეტარიანელობის პლუსები და მინუსები. ძმები ჩვეულ ცხოვრებას დაუბრუნდნენ. მათ გადაწყვიტეს, უფრო მეტი მცენარეული საკვები მიიღონ, ხოლო ხორცის შემთხვევაში უპირატესობას მიანიჭებენ ხარისხს და არა რაოდენობას. თქვენც იმავეს გირჩევთ!
თავად როგორი დამოკიდებულება გაქვთ ვეგეტარიანელობასთან? გაგვიზიარეთ კომენტარებში!
QR კოდი
სტატიის ციტირება
შენი სილამაზე. (2024). რა დადებითი და უარყოფითი მხარეები აქვს ვეგეტარიანელობას. 28 აგვისტო, 2024. https://shenisilamaze.ge/რა-დადებითი-და-უარყოფითი/
