ჩვენი ქალაქის ნესტიანი ჰავის პირობებში ცხიმიანი სახის კანი ბევრი ქალისთვის დიდი პრობლემაა. ცხიმიანი კანის გასაწმენდად გამოიყენება სკრაბი. არსებობს სხვადასხვა დანიშნულებისა და ხარისხის სკრაბი.ასევე აუცილებელია მისი მოხმარება კვირაში ერთხელ ან ორჯერ, კანის ცხიმიანობის მიხედვით.
თუ თქვენი კანი სისტემატურ გაწმენდას საჭიროებს, სასურველია რბილი სკრაბი გამოიყენოთ, კანი რომ არ გამოგიშრეთ. სკრაბი საშუალოდ 5-7 წუთის შემდეგ უნდა ჩამოიბანოთ. საერთოდ, თუ რამდენ ხანს უნდა გაიჩეროთ სკრაბი სახეზე, მის შეფუთვაზეა მითითებული.
სასურველია სკრაბი აბაზანის მიღების შემდეგ გამოიყენოთ, რადგან აბაზანის ორთქლი აფართოებს კანის ფორებს, რაც მათგან ჭუჭყის გამოდევნის საუკეთესო საშუალებაა.
საერთოდ, სკრაბი კანის გაღიზიანებას არ იწვევს, მთავარია, ზედმეტად ხშირად არ მოიხმაროთ, კანი რომ არ გამოგიშრეთ.
არსებობს სკრაბის სახლის პირობებში დამზადების ხერხებიც: ნებისმიერ მკვებავ კრემში შეურიეთ გაუცრელი მჭადის ფქვილი და მიღებული მასა წაისვით სახეზე. მას შემდეგ, რაც კრემი კარგად გაშრება, ჩამოიბანეთ; ან პომიდორს აათალეთ ყუნწის მიმდებარე ნაწილი ყუნწიანად, ამოსვარეთ შაქარში, წაისვით სახეზე და რამდენიმე წუთის შემდეგ ჩამოიბანეთ.
წყარო: http://lifestylebatumelebi.blogspot.com/
#drpkhakadze #shenisilamaze #gochadze
QR კოდიshenisilamaze.ge
შენი სილამაზე. (2024). როგორ უნდა გამოვიყენოთ სახის სკრაბი სწორად?. 12 მარტი, 2024. https://shenisilamaze.ge/%e1%83%a0%e1%83%9d%e1%83%92%e1%83%9d%e1%83%a0-%e1%83%a3%e1%83%9c%e1%83%93%e1%83%90-%e1%83%92%e1%83%90%e1%83%9b%e1%83%9d%e1%83%95%e1%83%98%e1%83%a7%e1%83%94%e1%83%9c%e1%83%9d%e1%83%97-%e1%83%a1/
