სოკო იდეალურად უხდება როგორც სუპებს, ისე სალათებს, ღვეზელებს, სხვადასხვა გარნირს. ის კერძებს სასიამოვნო არომატს და გემოს ანიჭებს. სოკოს მოყვარულებს გასწავლით, თუ როგორ უნდა მოამზადოთ შეუდარებელი სოკოს სუპი ამ ინგრედიენტების გამოყენებით.
სოკოს სუპი ასეთი ვარიაციით ესაძლოა უჩვეულო ჩანდეს, თუმცა საბოლოოდ მათი კომბინაცია ქმნის დაუჯერებელ გემოს. სუფი გამოდის ხავერდოვანი და პიკანტური.
ინგრედიენტები
- 50 გ ხის სოკო
- 100 გ შამპინიონი
- 100 მლ სოიოს სოუსი
- ერთი ცალი სტაფილო
- ერთი ცალი ხახვი
- ორი ცალი კარტოფილი
- 1 ს. კ. პირშუშხას ფესვი
- ერთი მწიკვი მარილი
- ნახევარი კონა მწვანე ხახვი
- 150 მლ ქოქოსის რძე
მომზადება
1. მშრალი ხის სოკო ჩაალბეთ 300 მლ მდუღარე წყალში ორი საათით. შემდეგ გადაწურეთ მარლაში და ბულიონი მოათავსეთ ქვაბში 1 ლ წყალთან ერთად. აქვე დაამატეთ სოიოს სოუსი და აადუღეთ სითხე.
2. სოკო გაჭერით შუაზე და ჩაყარეთ ბულიონში.
3. დაჭერით ქამა სოკო, ხახვი და კარტოფილი კუბებად, სტაფილო კი – ნახევარრგოლებად. გადაიტანეთ ინგრედიენტები სუფში და ხარშეთ ნახევარი საათი.
4. შემდეგ დაამატეთ პირშუშხა, მარილი, დაჭრილი მწვანე ხახვი და ქოქოსის რძე.
ხავერდოვანი სოკოს სუფი სამარხვო და ვეგეტარიანული კერძია, ამიტომ მისი მომზადება შეგიძლიათ ყოველთვის და ყველასთვის. შეგიძლიათ პირშუშხას ნაცვლად გამოიყენოთ ვასაბი. ეს სუფი თბილი სახით უფრო სასიამოვნო და არომატულია. გემრიელად მიირთვით და რეცეპტი გაუზიარეთ სხვებსაც.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
