დაბანა როგორც თმის, ასევე წვერისთვის უმჯობესია ბუნებრივი შემადგენლობის მოსავლელი საშუალებების გამოყენება.
გამოიყენეთ ნატურალური შემადგენლობის საპონი ეთერზეთებით და არა არომატიზატორებით. შამპუნისთვის ეს კიდევ უფრო აქტუალურია. წვერი ხშირად უნდა დაიბანოთ, რადგანაც თმა სწრაფად იჟღინთება სუნით და ხელებთან მუდმივი კონტაქტის გამო სუფთა იერს კარგავს. გელი, შამპუნი ან საპონი უნდა გამოიყენეთ კვირაში 1-2-ჯერ, ყოველდღიურად უნდა დაიბანოთ სუფთა წყლით, რომ არ დავარღვიოთ კანის ბუნებრივი ცხიმიანობა.
წვერი და ულვაში თმასავით ხშირად არ უნდა გავიშროთ ელექტროსაშრობით. ამისათვის შესანიშნავია პირსახოცი. წვერი შეიმშრალეთ რბილი მოძრაობით ზევიდან ქვევით, ხოლო ულვაში – თმის ზრდის მიმართულებით.
თუ ძალიან გეჩქარებათ, წვერისთვის ელექტროსაშრობის გამოყენება, კვირაში 1-2-ჯერ, შესაძლებელია ქვევიდან ზევითა მიმართულებით, ამავდროულად, გამოიყენეთ სავარცხელი. ასე ძალიან არ გამოაშრობთ თმას, მთელი დღის განმავლობაში წვერი იქნება მოცულობითი და სასიამოვნო შესახედაობის.
ყველაზე დაუმორჩილებელი თმაც კი, ადრე თუ გვიან, გაიზრდება სწორი მიმართულებით, თუ მას ყოველდღიურად დაივარცხნით. წვერისთვის სპეციალური სავარცხელი შეიძინეთ. უპირატესობა მიანიჭეთ ხის სავარცხელს – საუკუნეების განმავლობაში გამოცდილი, ეკოლოგიურად სუფთა კონსტრუქცია ფართოდ განლაგებული მომრგვალებული კბილებით არ გააღიზიანებს და დააზიანებს კანს. მოვლა: ზეთი, ბალზამი, კონდიციონერი.
ზეთი შესანიშნავად ატენიანებს წვერს, ანიჭებს ბზინვარებას მთელი დღის განმავლობაში, თმასა და კანს ამარაგებს ვიტამინებით და აქვს ბუნებრივი არომატი.
ბალზამი და კონდიციონერი – სირბილეს, სისუფთავესა და არომატს სძენს წვერს და მათი გამოყენება შეიძლება ეთერზეთებთან ერთად. მოვლის ეს საშუალებები წვერს ნაკლებად მკვეთრ სურნელს ანიჭებს, ვიდრე ეთერზეთი და შესაძლებელია ინდივიდუალურად შერჩევა. მაგალითად, მოცულობის მიმცემი კონდიციონერი და ა.შ.
წვერის ზრდის საწყის ეტაპზე მას არ უნდა შევეხოთ, მაგრამ რა სიხშირით არის წვერის კორექცია საჭირო, თუ მან სასურველ სიგრძეს მიაღწია? თვეში, სულ მცირე, ერთხელ.
