„37-მა ბავშვმა უკვე ისარგებლა ონკოლოგიური დიაგნოზის მქონე ბავშვების საზღვარგარეთ მკურნალობის პროგრამით, ეს ოჯახებისთვის დიდი შეღავათია“

ბოლო განახლება: დეკემბერი 25, 2023 12:02 pm

SheniSilamaze.ge

გამოქვეყნებული: დეკემბერი 25, 2023

1 წუთიანი წაკითხვა

37-მა ბავშვმა უკვე ისარგებლა ონკოლოგიური დიაგნოზის მქონე ბავშვების საზღვარგარეთ მკურნალობის პროგრამით, ეს ოჯახებისთვის დიდი შეღავათია და ვფიქრობ ეს მოდელი თავის შედეგებს დაგვანახებს მომავალში, – აღნიშნულის შესახებ ჯანდაცვის მინისტრის პირველმა მოადგილემ განაცხადა.

თამარ გაბუნიას თქმით, პარალელურად, სახელმწიფო აქტიურად მუშაობს, რომ ონკოლოგიური დიაგნოზის მქონე ბავშვებს, მაღალხარისხიანი სერვისების მიღება ადგილზე, საქართველოშიც შეეძლოთ.

„ქვეყანაში უნდა გაძლიერდეს პერსონალის გადამზადება, კლინიკური ბაზების ჩამოყალიბება და ეს რა თქმა უნდა ახალ შესაძლებლობებს შექმნის. ყველას გვესმის, რომ საქართველოში უნდა განვითარდეს ეს სერვისი და მუდმივად დამოკიდებული არ ვიყოთ უცხო ქვეყნის კლინიკებზე. ვმუშაობთ სამედიცინო პერსონალის ტრენინგის მიმართულებით,

Sheni Network

რასაც დიდი დრო ჭირდება. ხდება კლინიკების მოძიება და აქედან რეზიდენტურის პროგრამაზე ახალგაზრდა კადრების გაგზავნის მიმართულებით მუშაობა”, – განაცხადა თამარ გაბუნიამ.

მინისტრის მოადგილის განცხადებით, მთავარი მიზანია, საქართველოში შეიქმნას გამართული, პედიატრიული ონკოლოგიური სერვისი, რისთვისაც სამინისტრო აქტიურად მუშაობს.

#datashvil #drpkhakadze #sheniganatleba #sheniambebi #sheniekimi

ამ სტატიის ციტირება (Vancouver)

SheniSilamaze.ge. „37-მა ბავშვმა უკვე ისარგებლა ონკოლოგიური დიაგნოზის მქონე ბავშვების საზღვარგარეთ მკურნალობის პროგრამით, ეს ოჯახებისთვის დიდი შეღავათია“ [Internet]. თბილისი: Shenisilamaze.ge; 2023 [ციტირებულია: 2026 აგვ 29]. ხელმისაწვდომია: https://shenisilamaze.ge/37-%e1%83%9b%e1%83%90-%e1%83%91%e1%83%90%e1%83%95%e1%83%a8%e1%83%95%e1%83%9b%e1%83%90-%e1%83%a3%e1%83%99%e1%83%95%e1%83%94-%e1%83%98%e1%83%a1%e1%83%90%e1%83%a0%e1%83%92%e1%83%94%e1%83%91/

shenisilamaze.ge