სილამაზისკენ სწრაფვისას უამრავ რამეზე მივდივართ, მათ შორის ვატარებთ ექსპერიმენტებს ფრჩხილის ლაქის შერჩევისას. საკუთარი სიამოვნებისთვის, ან ყურადღების მიქცევისთვის ფრჩხილებზე გელ-ლაქებს ვისვამთ, რათა ხელები გავალამაზოთ. სამწუხაროდ, ბევრი კოსმეტიკური საშუალება არა სასარგებლო, არამედ მავნეა. ხანდახან საჭიროა შეისვენოთ და დაზიანებული ფრჩხილები აღადგინოთ.
ფრჩხილების გამაგრება
წარმოგიდგენთ 4 ხერხს თუ როგორ გავამაგროთ ისინი და ზრდა დავასწრაფოთ.
ზეითუნის ზეთი
ზეთი ღრმა ჯამში ჩაასხით. ჩაუშვით ხელები და გააჩერეთ 10-15 წთ. ზეითუნის ზეთი გაამაგრებს ფრჩხილის სტრუქტურას და ხელს უფრო გლუვს გახდის. შედეგი პირველივე მიღებისას იქნება შესამჩნევი.
ლიმნის წვენი
ამ მიზნისთვის მხოლოდ ნედლი წვენი გამოგადგებათ და არა გამზადებული პლასტიკურ პაკეტში. დაჭერით ლიმონი და მის წვენში ფრჩხილები ამოავლეთ. თუ ფრჩხილებს გარშემო კანი დაზიანებული გაქვთ, ფრთხილად იყავით, არ აგეწვათ.
კენკრის ნიღაბი
ფრჩხილების ნიღაბი შეგიძლიათ ნებისმიერი კენკრისგან დაიმზადოთ. გამოიყენეთ ან ნედლი ან გაყინული. აირჩიეთ ალუბალი, წითელი მოცხარი, მოცვი.
კენკრისგან პიურე დაამზადეთ. მიღებული მასა ფრჩხილებზე დაიდეთ და 15-20წთ გაიჩერეთ. შემდეგ დაიბანეთ.
მარილის აბაზანები
ფრჩხილებს საუკეთესოდ ზღვის მარილი აღადგენს. ნაყენი დაამზადეთ შემდეგნაირად: 100 მლ წყალში 2 ს.კ. მარილი გახსენით. თუ გსურთ რამდენიმე წვეთი სასურველი ეთერული ზეთი დაამატეთ. თიტების ბოლოები ჩაყავით და 15 წუთამდე გააჩერეთ.
QR კოდი
სტატიის ციტირება
შენი სილამაზე. (2024). 4 რამ დაზიანებული ფრჩხილებისთვის – აღადგინეთ გელ-ლაქის შემდეგ. 28 აგვისტო, 2024. https://shenisilamaze.ge/4-რამ-დაზიანებული-ფრჩხილე/
