shenisilamaze.ge გაგაცნობთ სტარტაპს, რომელმაც საქართველოში პირველმა დაიწყო ჩვილი ბავშვის სამოსის წარმოება სერთიფიცირებული ქსოვილით – ეკოლოგიურად სუფთან ნედლეულით (ბამბა) – Soma Kids • სომა ქიდს
ჩვენი პროდუქტი გამოირჩევა თავისი ეროვნული ნიშით, რაც გულისხმობს ძველი ქართული ორნამენტების გადმოტანას სამოსზე ნაქარგის სახით…
ასევე, იმით არის გამორჩეული “სომა ქიდსი”, რომ პროდუქციას ვფუთავთ მხოლოდ ქაღალდით და ხის გრავირებული ყუთით.
რადგან ვართ მინი მწვანე საწარმო, პროდუქტის 100 %-ით ნატურალურობაა მთავარი და ამით განისაზღვრება ხარისხი პირველ რიგში… ასევე “სომა ქიდსს” აქვს არაერთი სოციალური პასუხისმგბელობა აღებული, მაგალითად, ყოველ წლიურად მინიმუმ 10 ნერგი დაირგოს სომა ქიდსის სახელით ქალაქის იმ ლოკაციაზე, რომელსაც ადგილობრივი გამგეობა გამოგვიყოფს.
მინდა, გითხრათ კიდევ ერთი მნიშვნელოვანი მიმართულება ჩვენი საწარმოსი – ეს არის ნარჩენების მართვა… ჩვენი წარმოებიდან მიღებული ტექსტილის ნარჩენების სრულად გამოყენება ხდება კეთილი საქმისთვის. ვკერავთ შინაური ცხოველების საძილე ტომრებს და ჩვენს ქალაქში არსებულ მიუსაფარი ცხოველების თავშესაფარს გადავცემთ, რათა თბილად და კომფორტულად იგრძნონ თავი განსაკუთრებით ცივ ზამთარში.
