93 წლის მოდელი კარმენ დელ’ორეფისის კარიერა უამრავი ქალისთვის მოტივაციაა.
ქალმა პენსიაზე გასვლის ნაცვლად, საყვარელი საქმის გაკეთება, კარიერა გააგრძელა და ყველას დაუმტკიცა, რომ ასაკი მხოლოდ ციფრებია.
კარმენმა სამოდელო კარიერა 1944 წელს, 13 წლის ასაკში დაიწყო. როგორც ცნობილია, მაშინ მის ოჯახს ფინანსურად განსაკუთრებით უჭირდა, ამიტომაც გოგონას სამოდელო კარიერას სახლში იმედით შეჰყურებდნენ. მიუხედავად იმისა, რომ კარმენს გამორჩეული გარეგნობა ჰქონდა, პირველი გადაღებები განსაკუთრებით წარმატებული არ ყოფილა და მხოლოდ სტანდარტულ ფოტოსესიას მოიცავდა.
კარიერა პირველი ნაბიჯების შემდეგ, კარმენი 15 წლის ასაკში Vogue-ის გარეკანზე აღმოჩნდა… ეს კი მისი ბრწყინვალე კარიერაში გამარჯვებების დასაწყისი იყო.
2023 წელს კარმენ დელ’ორეფისი ჩეხოსლოვაკიის Vogue-ის გარეკანზე გამოჩნდა. ის მსოფლიოში ყველაზე ხანდაზმული მოდელი გახდა, რომელმაც ეს შეძლო.
კარმენი სხვა ქალებს არა მხოლოდ საკუთარი გარეგნობით, არამედ სიძლიერითა და შეუპოვრობით აძლევს მაგალითს. მისი ცხოვრება თავდაპირველად ფინანსური სირთულეებით იყო სავსე. როგორც აღვნიშნეთ, 13 წლის ასაკში სამოდელო კარიერა ფულის გამომუშავების მიზნით დაიწყო. თუმცა, ოჯახს ფინანსურად მაინც უჭირდა. ამიტომ, დედას, რომელიც მკერავი იყო, თავადაც ეხმარებოდა. მოგვიანებით მოდელმა გაიხსენა, რომ სწორედ ამ რთულმა პერიოდმა გამძლეობა და სიმტკიცე ასწავლა.
ქალი 1950-იან წლებში ბილ მაილსზე დაქორწინდა. თუმცა, ეს კიდევ ერთი რთული პერიოდის დასაწყისი აღმოჩნდა. მაილსმა ცოლის წარმატებული კარიერა ბოროტად გამოიყენა, სამოდელო სააგენტოების მიერ გაგზავნილი ფულადი ჩეკები შეაგროვა და კარმენს მხოლოდ მიზერული თანხა მისცა, დანარჩენი თავად წაიღო.
ამის შემდეგ კარმენი ფოტოგრაფ რიჩარდ ჰეიმენზე დაქორწინდა. თუმცა, ეს ქორწინებაც ხანმოკლე აღმოჩნდა და ისინი ერთმანეთს 1958 წელს დაშორდნენ. სწორედ ამ პერიოდში კარმენი სამოდელო ინდუსტრიას ჩამოშორდა, რიჩარდმა კი მიატოვა. მოდელმა მოგვიანებით გაიხსენა, რომ ეს განშორება მისთვის საკმაოდ მტკივნეული იყო.
კარმენის ცხოვრებაში კვლავ ფინანსური სირთულეები დაიწყო. ამიტომაც, 1978 წელს სამოდელო კარიერას ისევ დაუბრუნდა. მალევე ქალი ისევ პოპულარული ჟურნალების გარეკანებზე მოხვდა და მასთან თანამშრომლობის სურვილი კვლავ არაერთმა სააგენტომ და ბრენდმა გამოთქვა. მას შემდეგ კარმენი დაუღალავად მუშაობს, ხელმძღვანელობს სარეკლამო კამპანიებს, ჩნდება უამრავ ჟურნალსა და გავლენიანი ბრენდების შოუებზე. და მისი კარიერა სწორედაც რომ ზენიტშია.
წარმატებული კარიერა, სილამაზისა და დღეგრძელობის საიდუმლოზე კი 93 წლის მოდელი ამბობს:
“ქალმაც და მამაკაცმაც საკუთარ თავზე უნდა იზრუნოს. აშენოს კარიერა, სილამაზის შენარჩუნების ერთ-ერთი საიდუმლო არის იმის გაკეთება, რასაც ბავშვებისთვის ვაკეთებთ – გავზარდოთ და გამოვკვებოთ სიყვარულით. ეს არის ის, რაც საკუთარი თავისთვის უნდა გავაკეთოთ.
