ახალმა კვლევამ აჩვენა, რომ მკრთალმა შუქმაც კი შეიძლება გამოიწვიოს ძილის დარღვევა, რაც ზრდის ხანდაზმულებში ჯანმრთელობის სერიოზული პრობლემების რისკს. ამის შესახებ CNN-ი ნორსვესტერნის უნივერსიტეტის ახალ კვლევაზე დაყრდნობით იტყობინება.
„ძილის პერიოდში ნებისმიერი რაოდენობის სინათლის ზემოქმედება დაკავშირებული იყო დიაბეტის, სიმსუქნისა და ჰიპერტენზიის უფრო მაღალ გავრცელებასთან როგორც ხანდაზმულ მამაკაცებში, ასევე ქალებში“, – ამბობს უფროსი ავტორი ფილის ზი, ჩიკაგოს ჩრდილოდასავლეთის უნივერსიტეტის ფეინბერგის მედიცინის სკოლის ძილის მედიცინის უფროსი.
”ადამიანებმა ყველაფერი უნდა გააკეთონ, რათა თავიდან აიცილონ ან მინიმუმამდე დაიყვანონ სინათლის რაოდენობა ძილის დროს,” – დასძინა მან.
კვლევაში 552 ქალი და კაცი მონაწილეობდა, რომელთა ასაკიც 63 – 84 წელს შორის მერყეობს. მეცნიერებმა მათ სპეციალური მოწყობილობები დაურიგეს, რომელიც ძილის ციკლებს, ძილის დროს მოძრაობასა და შუქის რაოდენობას ზომავდა.
კვლევის მონაწილეთა 53%-ზე მეტს ძილის დროს ოთახში ამა თუ იმ ფორმით შუქი ჰქონდათ ჩართული (სანათები, ტელევიზორი და ა.შ.). რაც უფრო ინტენსიურია შუქი, მით უფრო მაღალი იყო ადამიანებში დიაბეტის, ჭარბი წონისა და ჰიპერტენზიის განვითარების შემთხვევები.
ხანდაზმულებს ხშირად უწევთ ღამით ადგომა ჯანმრთელობის პრობლემების ან მედიკამენტების გვერდითი ეფექტების გამო, თქვა ზეიმ, ამიტომ ამ ასაკობრივ ჯგუფს ყველა შუქის ჩაქრობის რეკომენდაციით შესაძლოა დაცემის რისკი შეუქმნას.
ასევე დადგინდა, რომ შუქი ძილის ციკლს არღვევს. კერძოდ კი, მის იმ სტადიას, რომლის დროსაც უჯრედების განახლება ხდება.
QR კოდიshenisilamaze.ge
შენი სილამაზე. (2023). კვლევა: ძილის დროს ნებისმიერი სინათლის ზემოქმედება დაკავშირებულია სიმსუქნესთან, ჯანმრთელობის სერიოზულ პრობლემებთან. 17 ნოემბერი, 2023. https://shenisilamaze.ge/kvleva-dzilis-dros-nebismieri-sinathlis-zemoqmedeba-dakavshirebulia-simsuqnesthan-janmrthelobis-seriozul-problemebthan/
