როცა სწორ კვებაზე საუბრობენ, სასარგებლოსა და მრავალფეროვან კერძებს გულისხმობენ. ხოლო, საკვების ტემპერატურაზე, თუ როგორ რეაგირებს კუჭი ცივსა და ცხელზე, ცოტა თუ უფიქრდება.
დაუკვირდით, როცა სამსახურში ქათმის მკერდი და სალათი მიგაქვთ და გათბობას ვერ ახერხებთ, ცივის ჭამის შემდეგ დისკომფორტი გიპყრობთ და კუჭში სიმძიმეს გრძნობთ.
თითქოს უცხიმო ხორცი ნებისმიერ მდგომარეობაში სასარგებლო და მკვებავია, მაგრამ ასე არაა. ექიმებმა დაამტკიცეს, რომ ცივი კერძების მიღება, განსაკუთრებით ცილებით სავსე პროდუქტის, შესაძლოა დისბაქტერიოზის განვითარების ან ნივთიერებათა ცვლის გაუარესების მიზეზი გახდეს.
ცივი საკვები
საკვების გადამუშავების დრო კუჭში მის ტემპერატურაზეა დამოკიდებული. თუ საკვები თბილია, ის კუჭში 2-3 საათის განმავლობაში იმყოფება.
ცივი საკვები უფრო მოკლე დროში ახერხებს მის გავლას, მაგრამ ცილები ბოლომდე გადამუშავებული არაა და ორგანიზმს ვერ ხმარდებიან.
შედეგად ჩნდება დისბაქტერიოზი, ირღვევა ნივთიერებათ ცვლა, სისხლში ტოქსიკური ნივთიერებები ხვდება რაც ორგანიზმის ინტოქსიკაციას იწვევს.
აღსანიშნავია, რომ ბებიები სპაზმებისა და ტკივილების დროს თბილ ჩაის ან ცხელ სუპს გვასმევდნენ. ეს შემთხვევითი არაა: თბილი კუნთებს მოდუნების საშუალებას აძლევს და კუჭს ამშვიდებს.
არასრულ საკვების გადამუშავებას ასევე საჭმელზე ცივი სასმლის დაყოლება იწვევს. ეს პრინციპი მაკდონალდსმა დაამკვიდრა. კატლეტზე ყინულიანი კოლის დაყოლება მალე გაშიებთ.
ბევრი დიეტოლოგი სოლიდარულია ბებიების მიმართ: “შეჭამეთ, სანამ თბილია!”
საკვების ოპტიმალური ტემპერატურა
საკვების ტემპერატურა კომფორტული და სხეულის ტემპერატურასთან ახლოს უნდა იყოს – 36 გრადუსიდან 40 გრადუსამდე. გაექეცით ზედმეტად ცივ ან ზედმეტად ცხელ საკვებს, ასე ორგანოებს ნორმალურად ფუნქციონირების უფლებას მისცემთ.
დილას და საღამოს ცივ საკვებზე საერთოდ უარი თქვით, იმიტომ რომ ამ დროს მეტაბოლიზმი ნელდება და პროცესი სწორად აღარ ჩაივლის. სადილზე კი შეგიძლიათ მიირთვათ ლაბა ან ნაყინი.
