ბათუმის კლინიკაში ოკუპირებული აფხაზეთიდან გადმოყვანილი 6 წლის ბავშვი დაიღუპა. ინფორმაციას ტელეკომპანია “მთავარი“ ავრცელებს. მიზეზი,სავარაუდოდ, გართულებული ვირუსული ინფექცია გახდა.
ბავშვი თავდაპირველად გალიდან ზუგდიდში გადაიყვანეს, ადგილზე ბავშვთა რეანიმაციის არ არსებობის გამო, ბათუმში გადაიყვანეს, თუმცა მცირეწლოვანის გადარჩენა ვეღარ შეძლეს.
ექიმის ინფორმაციით, მშობლების მიერ თვითდინებით იქნა შეყვანილი ბავშვი, რომელსაც ჰქონდა ცხელების, სუნთქვის გაძნელების და ხველის რამდენიმედღიანი ანამნეზი. ბათუმის დედათა და ბავშვთა ჰოსპიტალში გადაყვანის შემდეგ, პირველადი დახმარებისა და რეანიმაციული ღონისძიებების ჩატარების შემდეგ, მცირეწლოვანი გარდაიცვალა.
ექიმების განცხადებით, ჰოსპიტალიზაცია დაგვიანებული იყო, თუმცა ზუსტი მიზეზი, რითი გარდაიცვალა მცირეწლოვანი ექსპერტიზა დაადგენს. ამ დროისთვის გარდაცვლილი ექვსი წლის ბავშის ცხედარი უკვე გადაასვენეს, ოკუპირებულ აფხაზეთში, საკუთარ სახლში.
#datashvil #drpkhakadze #sheniganatleba #sheniambebi #sheniekimi
