ცხელ ამინდში სახის ყინულის კუბებით გაწმენდა, ოდნავ გაცივება და ამავდროულად, შეშუპების მოცილება საკმაოდ სასიამოვნო პროცესია,
თუმცა სილამაზის ეს ტექნიკა ყველასთვის შესაფერისი არ არის და შეიძლება მნიშვნელოვნად დააზიანოს კანი.
ყინულის კომპრესები მართლაც ეფექტურად აშორებს შეშუპებას, ასევე ხსნის სიწითლეს და ქავილს. მაგრამ ექსპერტები ამბობენ, რომ საუბარია მხოლოდ სიმპტომების დროებით ლოკალიზაციაზე და არა მკურნალობაზე. ყინულის კუბურები არ ამცირებს ნაოჭებს, არ ამკვრივებს კანს, არ არეგულირებს ცხიმის გამომუშავებას და რა თქმა უნდა, არ ანიჭებს კანს ბზინვარებას.
ექსპერტების აზრით, ყინული კანზე დიდხანს არ უნდა წაისვათ. წინააღმდეგ შემთხვევაში, კანს დააზიანებთ და სახეზე წითელი ლაქების გაჩენის რისკს გაზრდით.
მგრძნობიარე, ზედმეტად მშრალი კანის მქონე ადამიანებმა აუცილებლად უნდა შეიკავონ თავი ყინული გამოყენებაზე. ყინულმა შეიძლება დააზიანოს მგრძნობიარე კანის თხელი კაპილარები, ასევე დაარღვიოს ოფლისა და ცხიმოვანი ჯირკვლების სეკრეცია და გამოიწვიოს ჯანმრთელობის სხვადასხვა პრობლემა.
გაითვალისწინეთ რომ ყინულით წმენდის პროცედურის დაწყებამდე შეფუთეთ რამდენიმე ყინულის კუბი თხელ ხელსახოცში. ეფექტის გასაძლიერებლად ყინულს შეგიძლიათ დაამატოთ ალოეს წვენი, გვირილის ნახარში ან კიტრის წვენი.
QR კოდიshenisilamaze.ge
შენი სილამაზე. (2024). გავიწმინდოთ თუ არა ყინულის კუბებით სახის კანი. 20 ივნისი, 2024. https://shenisilamaze.ge/%e1%83%92%e1%83%90%e1%83%95%e1%83%98%e1%83%ac%e1%83%9b%e1%83%98%e1%83%9c%e1%83%93%e1%83%9d%e1%83%97-%e1%83%97%e1%83%a3-%e1%83%90%e1%83%a0%e1%83%90-%e1%83%a7%e1%83%98%e1%83%9c%e1%83%a3%e1%83%9a/
