ვარსკვლავები ხშირად ეკრანზე როლს იმდენად ბუნებრივად ასრულებენ, რომ მაყურებელს ეჭვი არ ეპარება სიმართლეში. თუმცა, როგორც წესი, ისინი სხვადასხვა გმირს ასახიერებენ და შესაბამის როლსაც ირგებენ.
ვარსკვლავები რომლებსაც სტატიაში გავნიხილავთ სრულიად განსხვავებული შემთხვევაა რადგან – ეს მსახიობები ფილმებსა და სერიალებში ფეხმძიმე ქალების როლს ასრულებენ, თუმცა მათ თამაში არ უწევდათ, რადგანაც რეალურად იყვნენ ორსულად:
კენდის კინგი სერიალში “ვამპირის დღიურები”
მიზეზი იმისა, რომ კეროლაინი (ასე ერქვა მსახიობის პერსონაჟს) მეშვიდე სეზონში დაორსულდა, ის იყო, რომ კენდისი დაქორწინდა და შვილს რეალურად ელოდებოდა. ამის გამო სცენარი შეიცვალა. თავდაპირველი ვერსიის მიხედვით, მისი გმირი თინეიჯერობაში ვამპირი გახდა და შვილების გაჩენა არ შეეძლო. თუმცა, შემდეგ სცენარისტებმა გამოსავალი მოძებნეს და ამბავს მისტიკური გაგრძელება მოუძებნეს.
ჯილიან ანდერსონი სერიალში “საიდუმლო მასალები”
მსახიობი პირველ ქალიშვილზე იქამდე დაორსულდა, ვიდრე სერიალის პირველი სეზონის გადაღებები დაიწყებოდა. რეჟისორები და სცენარისტები მის ჩანაცვლებაზე ფიქრობდნენ, მაგრამ სერიალის შემქმნელმა, კრის კარტერმა მკაფიოდ განაცხადა, რომ ამ როლისთვის სწორედ ჯილიანი სჭირდებოდა. თავდაპირველად, მსახიობი გადასაღებ მოედანზე მუცელს მალავდა, თუმცა ერთ ეპიზოდში მისი ორსულობა უცხოპლანეტელების მიერ მასზე ჩატარებულ ექსპერიმენტს დაუკავშირეს.
ჯენიფერ გარნერი სერიალში “ჯაშუში”
სერიალის მეხუთე სეზონის გადაღებების დროს ჯენიფერი ბენ აფლეკისაგან პირველ შვილს – ვიოლეტს ელოდებოდა. ამის გამო, სცენარისტებს სიუჟეტის შეცვლა მოუხდათ და მისი ეკრანული გმირიც “დაორსულდა.”
ჯულია რობერტსი ფილმში “ოუშენის თორმეტი მეგობარი”
ფილმში ჯულია რობერტსი ორსულად რეალურად იყო. მიუხედავად იმისა, რომ აღნიშნულ ნამუშევარში მის კარგ შესრულებას ვხედავთ, ფილმმა საბოლოოდ მაინც დაბალი შეფასება მიიღო. გადაღებების შემდეგ რობერტსს ტყუპი შეეძინა.
https://shenipositive.ge/ https://shenisilamaze.ge/
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
