ჯუდ ლოუ ჰოლივუდის ერთ-ერთ ყველაზე მიმზიდველ მამაკაცად ითვლება და მსახიობს დღემდე უამრავი თაყვანისმცემელი ჰყავს.
ჯუდ ლოუ, 51 წლის ვარსკვლავი გასულ წელს კინოკარიერას კვლავ აქტიურად დაუბრუნდა, თუმცა თუკი მას მაყურებელი, ძირითადად, რომანტიკული კომედიების განუყოფელ ნაწილად აღიქვამდა, მსახიობმა საკუთარი შესაძლებლობები განსხვავებულ ამპლუაში გამოსცადა. მაგრამ ჯუდ ლოუს, რომელიც მთელი ცხოვრება იდეალურ ფორმაში იყო, გარკვეულ მსხვერპლზე წასვლა მოუწია და მეფე ჰენრი VIII-ის როლისთვის 20 კილოგრამი მოიმატა.
ახლა ჯუდ ლოუ შესანიშნავად გამოიყურება. როგორც მსახიობი ამბობს, მომატებული კილოგრამების დაკლებაში სპორტისადმი განსაკუთრებული სიყვარული დაეხმარა. ჯუდ ლოუ ბავშვობიდან სპორტით აქტიურადაა დაკავებული, ყოველ კვირას მიმართავს იოგას, დარბის და კრივითაა გატაცებული. გარდა ამისა, როგორც ვარსკვლავი ამბობს, ინტერვალურ შიმშილს მიმართავს და ე.წ. 16-საათიან დიეტაზეა. ამ პრინციპით, მსახიობს 24 საათიდან კვების უფლება 8 საათის განმავლობაში აქვს.
ჯუდ ლოუმ გაიხსენა, რომ 20 კილოგრამის მომატების მიზნით ღამით ჭამა დაიწყო, რასაც იქამდე არასოდეს აკეთებდა. ასევე, მიირთმევდა მაღალკალორიულ საკვებს და 2 თვის შემდეგ კოლეგების წინაშე იმდენად შეცვლილი წარდგა, რომ მისი ცნობა ყველას გაუჭირდა.
https://shenipositive.ge/ https://shenisilamaze.ge/
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
QR კოდიshenisilamaze.ge
შენი სილამაზე. (2024). ჯუდ ლოუ -საოცარი ტრანსფორმაციის შესახებ. 4 დეკემბერი, 2024. https://shenisilamaze.ge/%e1%83%af%e1%83%a3%e1%83%93-%e1%83%9a%e1%83%9d%e1%83%a3/
