იტალიელი ქალბატონები საკუთარი დახვეწილობით მსოფლიო მოდას იპყრობენ. მათ უამრავი მიმდევარი ჰყავთ. თუ მონიკა ბელუჩის, აზია არჯენტოსა და სოფი ლორენის სტილი გხიბლავთ, დახვეწილობის 7 მთავარ იტალიურ საიდუმლოს გაეცანით.
მარტივი სილუეტი
ფორმებით ექსპერიმენტები და ასიმეტრია იტალიელებს არ ხიბლავთ. ისინი კლასიკურ, დროით გამოცდილ სილუეტებს ამჯობინებენ. მათი აზრით, წელში გამოყვანილი კაბა, კაბა-ხალათი და new look-ი ქალს უფრო მეტად ალამაზებს, ვიდრე რთული ფანტასტიკურ-არქიტექტურული სტილი.
საუკეთესოს ძიებაში
არც ერთი იტალიელი ქალი არ ჩქარობს კაბის შეძენას. მათ ჰყავთ საკმაოდ გამოცდილი მკერავი ქალები, რომლებსაც ერთადერთ და განუმეორებელ კაბას აკერინებენ.
დახვეწილი ფერები
სად გინახავთ იტალიელი ლამაზმანი, რომელიც ჭრელაჭრულა ფერშია გამოწყობილი? მათ მხოლოდ ბუნებრივ ფერებში შესრულებული სამოსი აცვიათ, რომელიც კიდევ უფრო გამოხატავს იტალიელი ქალის სილამაზეს.
ძვირფასი ჩანთა და ფეხსაცმელი
იტალიელი ბებიები ბავშვობიდან ასწავლიან შვილიშვილებს, რომ ჩანთასა და ფეხსაცმელზე ეკონომია არ უნდა გააკეთონ. ფეხსაცმელი აუცილებლად უნდა იყოს დახვეწილი და ხარისხიანი (სხვათა შორის, იტალიაში ფეხსაცმელებს დღემდე ხელით კერავენ). მოთხოვნა ჩანთის მიმართაც აქვთ. იგი უნდა იყოს დახვეწილი ფორმისა და ზომის. არავითარი უფორმო ტომარა.
ქაშმირი
იტალიელი ქალები აღმერთებენ ქაშმირს. ეცადეთ, თქვენც დაუმეგობრდეთ ამ ქსოვილს. ყველა ქალის გარდერობში უნდა იყოს უბრალო, შავი ქაშმირის სვიტერი.
აქცენტი ოქროზე
არავითარი ვერცხლი, იტალიელი ლამაზმანები ოქროს აღმერთებენ. უპირატესობას ძველმოდურ სამკაულებს ანიჭებენ და მათ მხოლოდ წვეულებებზე კი არ იკეთებენ, საღამოს კაბებთან, არამედ ყოველდღიურ ცხოვრებაში, თეთრ მაისურსა და ჯინსზე.
აქსესუარების სიყვარული
არც ერთი იტალიელი ქალი არ შეზღუდავს საკუთარ თავს აქსესუარებში. თუმცა, რაოდენობა და დახვეწილობა ერთმანეთში არ ერევათ.
წყარო: https://marao.ge/
#drpkhakadze #shenisilamaze #gochadze
QR კოდიshenisilamaze.ge
შენი სილამაზე. (2024). იტალიელი ქალების 7 ოქროს წესი, რომელიც იმიჯის შენარჩუნებაში დაგეხმარებათ. 8 მარტი, 2024. https://shenisilamaze.ge/%e1%83%98%e1%83%a2%e1%83%90%e1%83%9a%e1%83%98%e1%83%94%e1%83%9a%e1%83%98-%e1%83%a5%e1%83%90%e1%83%9a%e1%83%94%e1%83%91%e1%83%98%e1%83%a1-7-%e1%83%9d%e1%83%a5%e1%83%a0%e1%83%9d%e1%83%a1-%e1%83%ac/
