მრავალი სახის იოგურტი ხილს, კენკრას, ციტრუსებს შეიცავს. ასეთი ნაწარმი ორგანიზმისთვის ორმაგად სასარგებლოა – იოგურტის შემადგენლობას ხილში შემავალი ვიტამინებიც ემატება.
ამჯერად მანგოს შემცველ იოგურტზე შევჩერდები. მანგოს, გარდა შესანიშნავი გემოსი, რომლის გამოც მას ” ღმერთების საზრდოს ” უწოდებენ, დიდი კვებითი ღირებულებაც აქვს. ხორციანი, წვნიანი ნაყოფი შეიცავს C, E, B3, B5, B16 ვიტამინებს, კაროტინოიდებს და საკვები ნივთიერებების მთელ ნაკრებს.
ის აუმჯობესებს საჭმლის მონელებას, გულისა და თირკმელების მუშაობას, ხელს უწყობს ძილისა და ენერგიის აღგენას, მხნეობას მატებს ორგანიზმს. სპეციალისტები მას კბილებისთვის სასარგებლო თვისებებსაც მიაწერენ. ყოველივე ამასთან ერთად, მანგო შეიცავს ნივთიერება მანგიფერინს, რომელიც ეფექტურად ებრძვის ჰერპესის ვირუსს. მანგოს რბილობისგან დამზადებული ფაფა სწრაფად აშუშებს ჭრილობებს. ამ ხილის ნიღაბი კანს სიმკვრივეს, სიგლუვეს ანიჭებს, ხელს უშლის ნაოჭების გაჩენას.
QR კოდიshenisilamaze.ge
შენი სილამაზე. (2024). რატომ უწოდებენ მანგოს ” ღმერთების საზრდოს “. 21 აგვისტო, 2024. https://shenisilamaze.ge/%e1%83%a0%e1%83%90%e1%83%a2%e1%83%9d%e1%83%9b-%e1%83%a3%e1%83%ac%e1%83%9d%e1%83%93%e1%83%94%e1%83%91%e1%83%94%e1%83%9c-%e1%83%9b%e1%83%90%e1%83%9c%e1%83%92%e1%83%9d%e1%83%a1-%e1%83%a6/
