პაპილომა კანის კეთილთვისებიანი სიმსივნური გამონაზარდია. ძუძუს თავის ფორმა აქვს და ღია ყავისფრიდან მუქ ტონალობაში გადადის. პაპილომას მიზეზი პაპილომას ვირუსია. ის უკიდურესად გადამდებია. შეიძლება გადავიდეს როგორც სქესობრივი გზით, ასევე ყოველდღიური სიტუაციით: ხელის ჩამორთმევით, საზოგადოებრივ თავშეყრის ადგილას, სხვისი ჰიგიენის ნივთით… ამას კანზე სხვადასხვა მიკროტრავმა მოყვება.
როცა უსიამოვნება სახეზე ან თვალების გარშემო იჩენს თავს – აუცილებლად სპეციალისტს უნდა მიმართოთ. დანარჩენ შემთხვევებში ბუნებრივ ხერხებს მიმართეთ.
წინასწარ კონსულტაციისთვის მიმართეთ დერმატოლოგს, ზოგიერთი პაპილომა ტენდეციურ ხასიათს ატარებს და მალე პატარავდება და ქრება.
როგორ გავაქროთ პაპილომა სახლის პირობებში?
ხალხური საშუალებები
ქრისტესისხლას წვენი
ყველაზე ცნობილი მეთოდი… ასე იქცეოდნენ ჩვენი წინაპრები, რადგანაც ის ასუფთავებს კანს. პაპილომას გარშემო კანი ბავშვის კრემით დაიცავით, ხოლო თვითონ დაზიანებულ ადგილზე ყოველ 2-3 სთ-ში წვენი წაისვით.
კარტოფილის წვენი
პაპილომათი დაზიანებული კანის ნაწილები შეგიძლიათ ამ წვენით დაამუშავოთ. ეს დღეში 2-3-ჯერ უნდა გააკეთოთ. შედეგი უკვე 1 კვირაში იქნება შესამჩნევი. მკურნალობა მის შემცირებამდე ან საბოლოო გაქრობამდე უნდა ჩაიტაროთ.
ვიტამინი Е
ვიტამინი E-დან ზეთი გამოწურეთ და პრობლემურ ადგილას დღეში 2ჯერ დაიწვეთეთ. შედეგს 1-2 კვირა უნდა ელოდოთ. საუკეთესო ეფექტისთვის ვიტამინი ნიორთან აურიეთ და რამდენიმე ღამე დადგით.
ბაბუაწვერას ნაყენი
თუ პაპილომა ზაფხულის პერიოდში გაჩნდა, ბაბუაწვერას მიმართეთ. ჭურჭელში მოათავსეთ მოკრეფილი ყვავილები და დაასხით სამმაგი ოდეკოლონი. დააყენეთ 2 კვირა ბნელ ადგილას. ამ ხსნარით პაპულომა დღეში 5-ჯერ დაიმუშავეთ საბოლოო გაქრობამდე.
ჯანჯაფილი
დაზიანებული ადგილი 2 კვირის მანძილზე ნედლი ჯანჯაფილით დაიმუშავეთ.
ჩაის ხის ზეთი
ჩაის ხის ზეთის 2-3 წვეთი ბამბაზე დააწვეთეთ და პაპილომაზე ფრთხილად დაიდეთ. 10 დღის განმავლობაში დღეში სამჯერ დაიკეთეთ.
ვაშლის ძმარი
პროცედურის წინ პაპილომასთან არსებული კანი კრემით ან მცენარეული ზეთით დაიმუშავეთ. შემდეგ ბამბა ვაშლის ძმარში დაალბეთ და პაპილომაზე დაიდეთ.
ბამბა პლასტირის მეშვეობით დაიფიქსირეთ და 30 წუთი გაიჩერეთ. 6-7 საათში პროცედურა გაიმეორეთ. შედეგს საშუალოდ 5 დღე სჭირდება.
ლიმნის წვენი
ლიმონი ლიმონმჟავას შეიცავს, რომელიც პაპილომის პრობლემის გადაჭრაში დაგეხმარებათ. ბამბა ლიმნის წვენში დაასველეთ და დაზიანებულ ადგილას დაიდეთ. აცადეთ შეიწოვოს. დღეში 2-3 ჯერ გააკეთეთ იგივე 2-3 კვირის მანძილზე, სანამ კანი არ გასუფთავდება.
თავშავას ზეთი
თავშავა ანტიბაქტერიული და ანთების საწინააღმდეგო თვისებებით გამოირჩევა. ზეთის 2-3 წვეთი ქოქოსის ზეთის 4-6 წვეთში აურიეთ. მასა პაპილომაზე გაანაწილეთ. პროცედურა დღეში სამჯერ გაიმეორეთ. პაპილომა გახმება და ჩამოვარდება.
