შარდსადენის კიბო
შარდსადენის, შარდის ბუშტიდან სხეულის გარეთ შარდის გამომტანი მილის, კიბო იშვიათია და ძირითადად 50 წლის ასაკის ზემოთ გვხვდება ორივე სქესში. ზოგ ადამიანში ერთ-ერთ გამომწვევად ადამიანის პაპილომავირუსის რამდენიმე ტიპი ითვლება. სხვა შემთხვევებში მიზეზი უცნობია.
პირველი სიმპტომი, როგორც წესი, სისხლიანი შარდვაა. სისხლმა შეიძლება წითლად შეფეროს შარდი ან იმდენად მცირე რაოდენობით იყოს, რომ მისი აღმოჩენა მხოლოდ მიკროსკოპით მოხერხდეს. შარდის დინება შესაძლოა შეფერხდეს, რაც მოშარდვას აძნელებს, ნაკადი კი სუსტდება. ნაზი, სისხლმდენი წარმონაქმნები ქალის შარდსადენის გარეთა ხვრელთან შესაძლოა ავთვისებიანი იყოს. დიაგნოზის დასაზუსტებლად ბიოფსიის ჩატარებაა აუცილებელი.
შარდსადენის კიბოს სამკურნალოდ სხივური თერაპია, ქირურგიული ამოკვეთა ან მათი კომბინაცია გამოიყენება, სხვადასხვა შედეგით. პროგნოზი დამოკიდებულია კიბოს ზუსტ მდებარეობასა და გავრცელების ხარისხზე.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)
#datashvil #drpkhakadze #sheniganatleba #sheniambebi #sheniekimi
