ზოგიერთი ადამიანისთვის ზაფხულს სიხალისე და კარგი განწყობა მოაქვს, მაგრამ ამინდს ნეგატიური მხარეც აქვს: გაოფლიანებას იწვევს. გააირეთ კონსულტაცია ექიმთან, თუ ყველაფერი რიგზე გაქვთ, რამდენიმე ხრიკს გასწავლით, რომელიც გამოგადგებათ.
სწორი დეოდორანტის არჩევა ჭარბ ოფლიანობაში დაგეხმარებათ.
შეცდომები:
1. არასწორი დეოდორანტის არჩევა და მისი გადაჭარბებული მოხმარება (მაგალითად ალკოჰოლის შემცველი)
დეოდორანტის არჩევისას ხშირად გვავიწყდება მოცემულობის კითხვა. გაიგეთ შეიცავს თუ არა ის ალკოჰოლს. მუდმივად მოხმარების შემთხვევაში ის კანის დეჰიდრაციას გამოიწვევს.
2. რეკლამების დაჯერება, რომ დეოდორანტს 48 საათით შეუძლია თქვენი დაცვა
მხოლოდ იმიტომ, რომ დეოდორანტის შეკვრა გეუბნებათ, რომ 48 საათით მოქმედებს, არ ნიშნავს რომ ორ დღეში ერთხელ შეისხათ/წაისვათ. ყველა განსხვავებულები ვართ, ჩვენ-ჩვენი ცხოვრებისეული რიტმით და ამიტომაც ჩვენს სხეულს დაკვირვებით უნდა მოვუსმინოთ.
3. დღეში რამდენჯერმე მოხმარება
მარტივი წესი არსებობს: შხაპის მიღების შემდეგ, გაიმშრალეთ კანი პირსახოცით, დაელოდეთ სრულყოფილად გაშრობას და შემდეგ გამოიყენეთ პროდუქტი. დეოდორანტი მხოლოდ შხაპის შემდეგ უნდა წაისვათ. ბევრი ფენის წასმა იღლიის სისველეს და სუნს წარმოქმნის.
4. სველ კანზე გამოყენება
გამოიყენეთ მხოლოდ მშრალ და სუფთა კანზე! წინააღმდეგ შემთხვევაში არ გაგიკვირდეთ თუ კარგად არ მუშაობს.
5. დაბნეულობა შესასხმელ და წასასმელ დეოდორანტს შორის
ამ ორ სახეობას შორის ფუნდამენტური განსხვავებაა. ბურთულიანი დეოდორანტი არასასიამოვნო სუნს ნიღბავს, შესასხმელი კი სისველეს ამცირებს, რადგანაც ალუმინის სულფატს შეიცავს. თუ ოფლიანობის პრობლემა არ გაქვთ, ბურთულიანი იხმარეთ, თუ სველი იღლიები ზაფხულს გიფუჭებთ, მაშინ შესასხმელი.
