სუნამოს დაპკურება ბევრ ადამიანს უყვარს
თუმცა, ალბათ, შეგიმჩნევიათ, რომ რაც არ უნდა ძვირად ღირებული იყოს ის, ზოგჯერ არომატი მალევე ქრება და არც თუ ისე შესამჩნევია. თუ მსგავსი პრობლემა გაქვთ, შესაძლოა, სუნამოს არასწორად იპკურებთ. დღეს გაგიზიარებთ პროფესიონალების რჩევებს, სხეულის რომელ ნაწილებში უნდა გამოიყენოთ ის, რომ არომატი დიდხანს გაგყვეთ:
თმა არომატს იმაზე დიდხანს ინახავს, ვიდრე კანი. ამიტომ, ერთ-ერთი კარგი ვარიანტი, რომ სურნელი დიდხანს გაგყვეთ, სწორედ სუნამოს თმაზე დაპკურებაა.
ითვლება, რომ ყურის უკანა მხარეს მიპკურებული სუნამოს რამდენიმე წვეთიც კი საკმარისია, რომ სურნელი მთელი დღის განმავლობაში გაგყვეთ.
პარფიუმერიის ექსპერტები ამბობენ, რომ კისრის უკანა მხარე სხეულის კიდევ ერთი ისეთი ნაწილია, რომელიც არომატს ყველაზე უკეთ ინარჩუნებს.
იდაყვის მოპირდაპირე მხარე, მკლავის შუა ნაწილი სუნამოს სურნელს ასევე შესანიშნავად ინარჩუნებს და მთელი დღის განმავლობაში გაგყვებათ. თუმცა, იქამდე, ვიდრე სუნამოს გამოიყენებთ, ჯობს კანი კარგად დაიტენიანოთ.
პარფიუმერიის სპეციალისტები ამბობენ, რომ მუხლის უკანა მხარე ზემოთ ჩამოთვლილ ყველა ზონაზე უკეთ მუშაობს და არომატს შესანიშნავად ინარჩუნებს.
მასალის გამოყენების პირობები
