Google DeepMind-მა წარადგინა ამინდის ჭკვიანი ოსტატი სახელად GraphCast, რომელსაც შეუძლია ამინდის პროგნოზირება.
რეცენზირებად ჟურნალ Science-ში, Google-ის AI დეპარტამენტის მკვლევარებმა გამოაქვეყნეს კვლევა, სადაც წარმოადგინილია ხელოვნური ინტელექტის მქონე მოდელი, რომელსაც შეუძლია ამინდის წინასწარმეტყველება 10 დღით ადრე და უპრეცედენტო სიზუსტით ერთ წუთში.ინფორმაციას უცხოური მედია ავრცელებს.
აჯობა ტრადიციულ სისტემებს. უფრო ზუსტია, ვიდრე მაღალი რეზოლუციის პროგნოზი (HRES), რომელიც დამზადებულია საშუალო დიაპაზონის ამინდის პროგნოზების ევროპული ცენტრის (ECMWF) მიერ, ნათქვამია კვლევაში.
გუნდმა შეამოწმა, რამდენად კარგად მუშაობდა GraphCast HRES-თან შედარებით. ხელოვნური ინტელექტი ტრადიციულ სისტემებზე 90%-ით უფრო ზუსტია.
GraphCast არ არის პირველი სისტემა, რომელიც Google-მა ამინდის პროგნოზირებისთვის შეიმუშავა. კომპანიას აქვს შემუშავებული სისტემები, როგორიცაა Nowcasting და MetNet-3. Nowcasting ამინდს 90 წუთით ადრე პროგნოზირებს,MetNet-3 აშშ-სა და ევროპაში ამინდის პროგნოზს 24 საათით ადრე ახდენს.
ხელოვნური ინტელექტის მოდელი ასევე მოგაწვდით ინფორმაციას ციკლონების, წყალდიდობისა და ექსტრემალური ტემპერატურის შესახებ. მას შეუძლია გაგვაფრთხილოს, სანამ ეს მოვლენები მოხდება, დაგვეხმარება უკეთ მოვემზადოთ და პოტენციურად გადავარჩინოთ სიცოცხლე.
„ახალი ხელსაწყოების შემუშავებითა და კვლევების დაჩქარებით, ვიმედოვნებთ, რომ ხელოვნური ინტელექტი უდიდესი ეკოლოგიური გამოწვევების გამკლავებაში დაგვეხმარება”,- ნათქვამია კვლევაში.
QR კოდიshenisilamaze.ge
შენი სილამაზე. (2023). Google DeepMind-მა წარადგინა ამინდის ჭკვიანი ოსტატი, ათი დღის ამინდის პროგნოზირება წუთში შეუძლია. 17 ნოემბერი, 2023. https://shenisilamaze.ge/oogle-deepmind-ma-tsaradgina-amindis-tchkviani-ostati-athi-dghis-amindis-prognozireba-tsuthshi-sheudzlia/
