თავდაპირველად ფეხსაცმელი, უბრალოდ, ფეხის დასაფარად და დასაცავად გამოიგონეს, თუმცა მას მოგვიანებით სხვადასხვა მიზნითა და დანიშნულებით იყენებდნენ.
ფეხსაცმელი გარკვეულ ხასიათს აძლევს ადამიანს. გამოგონებიდან დღემდე მან ევოლუცია განიცადა, რის შედეგადაც სილამაზისა და მიმზიდველობის გასაღებადაც იქცა. ამ მიზნით, ბოლო წლებში უამრავი ქალი იცვამს მაღალქუსლიან ფეხსაცმელს. რადგან უფრო მაღალი, სწორი ტანის, მოდური და თავდაჯერებული გამოჩნდეს.
განსაკუთრებული შემთხვევების დროს, ქალების 88% უპირატესობას მაღალქუსლიან ფეხსაცმელს ანიჭებს. თუმცა, სილამაზის მიღმაც არსებობს ფაქტები, რაც ყურადღების დათმობას საჭიროებს. მაღალქუსლიანი ფეხსაცმლით 3 საათზე დიდი ხნით სიარული არ არის რეკომენდირებული.
ფეხის მთლიანობაში 26 ძვალია. როცა მაღალქუსლიან ფეხსაცმელს იცვამ, თითოეული მათგანი არასათანადო პოზაშია, მაგრამ ამით დარტმას არამხოლოდ ფეხებს, არამედ მთელ სხეულსაც აყენებს. მათ, ვისაც ფეხების ტკივილი ხშირად აწუხებს, მაღალქუსლიანი ფეხსაცმლის ხშირად ჩაცმა, ყოველდღიური ფიზიკური აქტივობების განხორციელებაში შეუშლის ხელს. ასევე ხშირია დაცემისა და დაზიანებების მიღების შემთხვევები.
მაღალქუსლიანი ფეხსაცმელისგან გამოწვეული ტკივილების კუთხით ჩატარდა კვლევა. ამ კვლევაში ჩართული იყვნენ 40-დან 66 წლამდე ქალები, რომლის 42%-მა განაცხადა, რომ 5 წელზე მეტ ხნით მაღალქუსლიანებით სიარულის შედეგად, ფეხების ტკივილი დაეწყოთ, ხოლო გამოკითხულ ქალების 28% ტკივილებს მაღალქუსლიან ფეხსაცმელს არ აბრალებდა.
ზემოთქმულიდან გამომდინარე საუბარი იმაზე კი არ არის, რომ მაღალქუსლიანი ფეხსაცმელების ჩაცმა აუცილებლად გატკენთ ფეხს, არამედ იმაზე, რომ ფეხების ტკივილის ან დაზიანების რისკი მეტია, როცა ხშირად იცვამთ მათ.
ქალებში, რომლებიც რეგულარულად ატარებენ მაღალქუსლიან ფეხსაცმელს, ოსტეოართრიტის განვითარების რისკი მატულობს.
მაღალ ქუსლებზე დიდხანს სიარული იწვევს ტკივილებს, მოტეხილობებს, ნერვისა და რბილი ქსოვილების გადაძაბვასა და სახსრების ცვეთას.
ვარ თუ არა ართრიტის განვითარების რისკის ქვეშ?
თუ მაღალქუსლიან ფეხსაცმელს ყოველდღიურად არ იცვამთ, ართრიტის განვითარება ნაკლებად სავარაუდოა, თუმცა, ისინი, ვინც რეგულარულად ატარებენ 7 სანტიმეტრიანი ან მეტი სიმაღლის ქუსლებს, უფრო დიდი რისკის ქვეშ არიან.
ართრიტის თავიდან ასაცილებლად გამოსავალია კომფორტული ფეხსაცმლის ტარება. სამსახურში ჩასაცმელად აირჩიე ფეხსაცმელი, რომელსაც აქვს 5 სანტიმეტრიანი ან უფრო დაბალი ქუსლი. და თუ ქუსლების დათმობა მაინც არ შეგიძლიათ, გამოიყენეთ ფეხსაცმლის ჩასადები ე.წ. ღაბაშები, რომლებიც მინიმუმამდე შეამცირებს სახსრებზე ზეწოლას და წონას ქუსლისკენ გადაიტანს.წყარო:
https://coastalorthopedics.com/blog/does-wearing-high-heels-lead-to-arthritis/
#drpkhakadze #shenisilamaze #gochadze
QR კოდიshenisilamaze.ge
შენი სილამაზე. (2024). თუ მაღალქუსლიან ფეხსაცმელს ატარებ, აუცილებლად გაეცანი საგანგაშო რისკებსა და სტატისტიკას. 17 მარტი, 2024. https://shenisilamaze.ge/pekhsacmeli/
