მეცნიერთა აზრით ფერი გავლენას ახდენს ჩვენს განწყობაზე, ჯანმრთელობაზე და აზროვნებაზე. ფერების შესახებ გარკვეული ინფორმაციით თქვენ შეგიძლიათ აკონტროლოთ თქვენი მადა, როცა დიეტაზე ხართ ან გამოკვებოთ უჭმელი ბავშვი, რომელსაც საჭმლის დანახვაზე ისტერიკა ემართება.
ფსიქოლოგიის, მეცნიერებისა და მედიცინის სფეროში ბოლო კვლევები ადასტურებს, რომ ისევე როგორც საკვები ჭურჭლის ფერიც სიფრთხილით უნდა შეირჩეს.
თეთრი
კლასიკური თეთრი ფერის ჭურჭელი ისევ მოდაშია. მაგრამ თუ თქვენ დიეტაზე ხართ, არ გამოიყენოთ თეთრი ფერი, ეს აძლიერებს მადას. თეთრ ფონზე საჭმელი გამოიყურება მიმზიდველად. მასზე შეგიძლიათ დიეტისთვის სასარგებლო ხილი და ბოსტნეული მოათავსოთ. შემთხვევითი არ არის, რომ მზარეულებს უყვართ თეთრი ფერის თეფშების გამოყენება, ეს ფერი სინათლეს ირეკლავს და კარგად ჩანს თითოეული ინგრედიენტის ფერი. ტვინისთვის თეთრი ფერი ასოცირდება ტკბილთან – თეთრ თეფშზე მოთავსებული საკვები როგორც ჩანს ძალიან გემრიელია.
ლურჯი
არ იცით, როგორ შეამციროთ მადა? მიირთვით კერძები ლურჯი ფერის თეფშით. ეს კეთილშობილური ფერი დადებითად მოქმედებს ჩვენს განწყობაზე, ის გააქრობს ჭამის სურვილს და ცოტა საკვები დაგაკმაყოფილებთ. ამ ფონზე კერძები გამოიყურება დიდებულად, მადის დაკარგვა კი შეაკავებს შიმშილის იმპულსებს.
იისფერი
ეს არის ძლიერი სულიერი ფერი, რომელიც ჩვენში წარმოშობს ფანტაზიას, წარმოსახვას და გვაფიქრებს რაღაც დიდებულზე. ასეთი გავლენა არ არის საკვები პროდუქტებისთვის შესაფერისი, გარდა ზოგიერთი პროდუქტისა: ბადრიჯანი, წითელი კომბოსტო, ყურძენი, ქლიავი, სხვა ხილსა და ბოსტნეულს არ გირჩევთ.
ნაცრისფერი
გინდათ ეს ფერი სცადოთ? ვფიქრობ, ნაკლებად სავარაუდოა. ჩვენ აღვიქვამთ ნაცრისფერ საკვებს გაფუჭებულად, ეს ფერი სხვა ფერებსაც ანეიტრალებს მის გარშემო. ნაცრისფერი გვიკარგავს მადას და ჭამის სურვილიც ქრება. ეს სასიამოვნო სიახლეა მათთვის, ვინც აკონტროლებს წონას.
შავი
ეს ფერი ასოცირდება გადასაყრელთან და დამპალ პროდუქტთან, ტვინი შავ თეფშზე მოთავსებულ საკვებს აღიქვამს, როგორც მომწამვლელს და საშიშს ორგანიზმისთვის. შავი ფერის თეფშზე საკვები მიმზიდველად გამოიყურება, თქვენ კი ყოველდღიურად მისი გამოყენება, მიგაჩვევთ ცოტა საკვების მიღებას. ასეთი მუქი ჭურჭელი საუკეთესო გამოსავალია მათთვის, ვინც ბრძოლა გამოუცხადა ზედმეტ კილოგრამებს. თუ სერიოზულად უყურებთ ამ თემას, გააწყვეთ მაგიდა შავი ფერის თეფშებით.
ყავისფერი
ეს ფერი ასოცირდება შოკოლადთან, პურთან, ყავასთან, შემწვარ ხორცთან, მაგრამ მხოლოდ ამ საკვების დანახვის შემთხვევაში მუშაობს ქვეცნობიერი და არა ამ ფერზე მოთავსებული სხვა საკვების დროს. ენერგიის ნაკლებობა ამ ბნელ დაბურულ ფერში გვიკარგავს მადას და დადებითად მოქმედებს დიეტის დროს.
წითელი
ეს ფერი ახალისებს განწყობას, აჩქარებს პულსს, აძლიერებს შიმშილის გრძნობას. ამ ფერის ყოველდღიურად გამოყენება დაგვაკარგვინებს კონტროლს ჭამის დროს და შეიძლება ცოტა ხანში გავსუქდეთ. ვჭამთ დიდი ულუფებით, სწრაფად , ეს კი ზიანს აყენებს არა მარტო წონას, არამედ საფრთხეს უქმნის ჯანმრთელობას.
ფორთოხლისფერი
ეს წითლის მონათესავე ფერია, მასზე საკვები გამოიყურება მადისაღმძვრელად, ფსიქოლოგიურ განწყობას აძლიერებს და ახსენებს ტვინს შიმშილს. ეს ფერი გამოიყენეთ სადღესასწაულო სუფრებისთვის.
ყვითელი
ყვითელი ფერი ზრდის მადას და საშუალებას იძლევა იკვებოთ სწრაფად. თუ ჭამის სურვილი დაგეკარგათ და არაფრის დანახვა არ გინდათ, მიირთვით ყვითელი ან ფორთოხლისფერი თეფშიდან. ბავშვი, რომელსაც ყვითელი თეფშიდან აჭმევთ, ის წინააღმდეგობას აღარ გაგიწევთ.
მწვანე
ეს ფერი ასოცირდება ბუნებასთან. მწვანე ფერის თეფშები და ფინჯნები ხელს უწყობს სიცოცხლისუნარიანობის მომატებას, განწყობის გაუმჯობესებას. გათავისუფლებთ დეპრესიისგან, უძილობისგან.
ამრიგად, მადისაღმძვრელ ფერებს მიეკუთვნება: წითელი, თეთრი, მწვანე, ფორთოხლისფერი და ყვითელი. ეს თეფშები შეგიძლიათ გამოიყენოთ პირველი თავი კერძების დროს. წვნიანები ჩვენს ფიგურას ნაკლებ ზიანს მოუტანს, მეორე თავი კერძისთვის შეარჩიეთ ცივი ტონები: შავი, ყავისფერი და ლურჯი.
