ქალებს ყოველთვის დიდი შრომა უწევდათ იმისთვის, რომ იმ დროისა და კულტურისთვის დამახასიათებელი ქალური სილამაზის იდეალები დაეკმაყოფილებინათ.
მიუხედავად იმისა, რომ ქალის სილამაზის აღქმა დროთა განმავლობაში შეიცვალა, უცვლელი დარჩა ის მსხვერპლი, რომელიც ქალმა ამ სტანდარტების დასაკმაყოფილებლად უნდა გაიღოს.
სილამაზის სტანდარტებისაგან განთავისუფლებას წარმოუდგენელს ხდის ის ყოველდღიური წნეხი, რომელიც მასმედიის სხვადასხვა საშუალებით მოდის. სილამაზის სტანდარტები ერთ-ერთი ყველაზე მძლავრი იარაღია, რომლის საშუალებით დღესაც ყველაზე განვითარებულ საზოგადოებებშიც კი ქალის დაქვემდებარება და მამაკაცის დომინანტური პოზიციის შენარჩუნება ხორციელდება.
რაც უფრო გაძლიერდა ქალი, როგორც სოციალური ფიგურა, მით უფრო გაიზარდა იმის მოლოდინი, რომ ის ფიზიკური სილამაზის სტანდარტების ერთგული იქნება.
მოდისა და სილამაზის ინდუსტრიები, ქალთა მთავარ ექსპლუატატორად ითვლება. ქალებს უნდა მიეცეთ საშუალება, აკეთონ ის, რაც უნდათ და გამოიყურებოდნენ ისე, როგორც უნდათ, იმის შიშის გარეშე, რომ სილამაზის აღიარებული სტანდარტების არდაკმაყოფილების შემთხვევაში ეკონომიკური, ფსიქოლოგიური და სოციალური წნეხის ქვეშ მოექცევიან.
QR კოდიshenisilamaze.ge
შენი სილამაზე. (2024). როგორია სილამაზის სტანდარტები. 11 ივნისი, 2024. https://shenisilamaze.ge/%e1%83%a1%e1%83%98%e1%83%9a%e1%83%90%e1%83%9b%e1%83%90%e1%83%96%e1%83%98%e1%83%a1-%e1%83%a1%e1%83%a2%e1%83%90%e1%83%9c%e1%83%93%e1%83%90%e1%83%a0%e1%83%a2%e1%83%94%e1%83%91%e1%83%98/
