თვალის ირგვლივ კანი ძალიან ნაზია, ის პირველ რიგში განიცდის ასაკობრივ ცვლილებებს. კანი ნაოჭდება და იცვლის ფერს. ამ პრობლემებს ადვილად უმკლავდება ასკორბინის მჟავა. ის საუკეთესო ანტიოქსიდანტია, რომელიც უამრავ კოსმეტიკური კრემების შემადგენლობაში შედის, მაგრამ ამავე დროს მათი ფასი ძალიან მაღალია.
გასწავლით, როგორ დაამზადოთ სახლის პირობებში ნიღაბი ასკორბინის მჟავას შემცველობით, მის ამპულებს ნებისმიერ აფთიაქში შეიძენთ.
ასკორბინის მჟავას გააჩნია გამაჯანსაღებელი, მათეთრებელი და აღმდგენი თვისება. აუმჯობესებს კოლაგენის გამომუშავებას, რაც ხელს უწყობს კანის სიმკვრივეს. კანს იცავს მზის სხივებისგან, აღიავებს პიგმენტურ ლაქებს, აქრობს სხვადასხვა ნაკლოვანებებს.
სხვა აქტიურ ნივთიერებებთან კომპლექსში აი ღრმად აღწევს კანში და აძლიერებს ეფექტს.
ასკორბინის მჟავა არ შეიძლება ცალკე რომ გამოიყენოთ, მას სამკურნალო ეფექტი სხვა ინგრედიენტებთან გაზავების შედეგად აქვს. შეურიეთ ვიტამინებს, კრემებს, ზეთებს და ისე წაისვით კანზე.
კრემის დასამზადებლად მეტალის ჭურჭელი არ გამოიყენოთ, გამოგადგებათ სპეციალური კრემის ქილა ან ფაიფურის ჭურჭელი.
ინგრედიენტები:
1 ამპულა 10 %-იანი ასკორბინის მჟავა
3 წვეთი ნეროლის, ჟოჟობას ან ავოკადოს ზეთი
1 ჩ/კ. შაქარი
1 ჩ/კ. მაწონი
მომზადება და გამოყენება:
ჭურჭელში ჩაასხით მაწონი და დაუმატეთ შაქარი, კარგად გახსენით შაქრის კრისტალები. შაქარი ნიღაბს გლიკოლის მჟავით გაამდიდრებს, რაც ხელს უწყობს კანის სიგლუვეს და დატენიანებას. შემდეგ დაუმატეთ ასკორბინის მჟავა და ზეთი.
წაისვით ნარევი თვალის ქვეშ, ჩამოიბანეთ 10 წუთის შემდეგ და წაისვით თვალის კრემი. თვალში მოხვედრისას გამოირეცხეთ თვალი ცივი წყლით.
ნიღაბი რეკომენდებულია ძილის წინაც, დილით არავითარი შეშუპება და დაღლილობის კვალი არ გექნებათ. თვალის ირგვლივ კანი უფრო დაჭიმული იქნება, ნაოჭები შეუმჩნეველი, მუქი წრეები გაქრება. გაიკეთეთ ეს ნიღაბი კვირაში ორჯერ, ეს მგრძნობიარე კანისთვისაც საუკეთესოა.
