დადგენილია, რომ კვებაში შეზღუდვა მნიშვნელოვნად ამცირებს დაავადებების რიცხვს და ხელს უწყობს სიცოცხლის ვადის გახანგრძლივებას.
ცნობილია,რომ ადამიანი მომწიფდება თუ არა სქესობრივად, ჰიპოფიზი იწყებს „მოხუცებულობის ჰორმონების“ გამოყოფას. ზომიერი დიეტა იწვევს ამ ჰორმონების მკვეთრ შემცირებას და შესაბამისად გამაახალგაზრდავებლად იმოქმედებს.
ჩვეულებრივ პირობებში ადამიანმა უარი უნდა თქვას ზედმეტ საუზმეზე, სადილსა თუ ვახშამზე, ამისათვის სულაც არ არის საჭირო, აშკარა შიმშილი რომ იგრძნოთ.
მნიშვნელოვანია საკვების მიღების რეგულარობა. უნდა ვჭამოთ ყოველთვის ერთსა და იმავე დროს – ასე გამომუშავდება პირობითი რეფლექსი, უფრო აქტიური, ფერმენტებით მდიდარი კუჭის წვენის გამოსაყოფად. ამ შემთხვევაში საკვები ხვდება კუჭის მიერ მომზადებულ ნიადაგზე და ენერგიულად გადამუშავდება.
საკვებსა და საკვების მიღებას შორის შუალედი თუ შეადგენს 7-8 საათს და მეტს, მადა აღწევს უკიდურეს ზღვარს, შედეგად ჩვენ უფრო მეტს ვჭამთ, ვიდრე ეს საჭიროა ორგანიზმისთვის. მსგავს რეჟიმს მოსდევს არასასურველი შედეგები.
კვების შეცდომების თავიდან აცილებაში დაგეხმარებათ რაციონის ანალიზი.
აღნიშნეთ თითოეული თქვენს მიერ მირთმეული საკვების მომზადების ხერხი: მოხარშული, შემწვარი, უმი და ა. შ.
ჩაიწერეთ მიზეზები, რომლებმაც თქვენ აღგიძრათ სურვილი ამა თუ იმ პროდუქტის შესაჭმელად.
დააფიქსირეთ საკვების ყოველი მიღების დრო და თან ჩართეთ ყოველგვარი შემთხვევითი „ღეჭვა.“
დღის ბოლოს გააანალიზეთ ჩანაწერები და მიხვდებით როდის და რატომ დაუშვით შეცდომები.
იმისათვის, რომ კვების რაციონალურ სისტემაზე გადახვიდეთ მიმართეთ უბრალო ღონისძიებებს:
დაიმზადეთ საკვები პატარა ულუფებით. ყოველთვის იმეორეთ თქვენთვის: „მე გულდასმით ვაკონტროლებ ჩემ კვებას.“აიწონეთ ყოველ დილით. ნუ შეჭამთ 7 საათის შემდეგ. უარი თქვით სოუსებზე. უპირატესობა მიანიჭეთ უცხიმო საკვებს, ნაკლებად მიირთვით ცომეული და ტკბილეული.
