ხელნაკეთი აქსესუარები თუ თქვენი ინტერესის სფეროა, გაგაცნობთ დიზაინერს, დეკორატორ-გამფორმებელ თეონა ბედოშვილს, რომელიც საკუთარი ხელით ულამაზეს ნივთებს ქმნის – Teissa accessories თეისსა
მათ შორის არის:
მოზაიკური ჩანთები – პლასტმასისა და შუშის თვლებით, გულსაბნევები, თმის სამაგრი-ბაფთები, საყურეები, სამაჯურები და ა.შ.
თეონას მოსწავლეებიც ჰყავს, ონლაინკურსების მეშვეობით ყველა მსურველს აქსესუარების შექმნას ასწავლის, როგორც საქართველოში, ისე – საზღვარგარეთ.
როგორც თავად ამბობს, რამდენიმე პროფესიის შესწავლის შემდეგ არ აკმაყოფილებდა არც ერთი საქმიანობა:
“სულ ძიების ფაზაში ვიყავი, ამ პროცესში აღმოვაჩინე ნინო ნადირაშვილის მოდის სახლი, სადაც ხელნაკეთი აქსესუარების დამზადება ავითვისე და მას მერე ჩემს პროფესიად ვაქციე. საერთოდ, ხელსაქმისადმი მიდრეკილება ბავშვობიდან მქონდა, დედა კარგად ქსოვდა. მისი ნამუშევრები მომწონდა და სულ ვაკვირდებოდი. თავდაპირველად ჩემი პირველი ნამუშევრები მოზაიკურ თემაზე იყო აწყობილი და ასე ვაკეთებდი სამაჯურებს, საყურეებს, ყელსაბამს და სხვადასხვა აქსესუარს.
მას შემდეგ, რაც მოდის სახლში მოვხვდი, სადაც დღემდე ვმუშაობ და მთავარი დეკორატორ-გამფორმებელი ვარ, ჩემი ნამუშევრები უფრო მრავალფეროვანი გახდა და გულსაბნევები, ყელსაბამები და სხვა ნივთები შეემატა.
ჩემთვის ეს პროცესი ხელოვნების დონეზეა აყვანილი, თითოეული მცირე თუ დიდი ზომის ნამუშევარი ჩემი სულის ნაწილია და ეს საქმე ძალიან მიყვარს.”
QR კოდიshenisilamaze.ge
შენი სილამაზე. (2024). ულამაზესი ხელნაკეთი აქსესუარები – გაგაცნობთ ქართველი დიზაინერის შთამბეჭდავ ნაწარმს ✨️Teissa accessories თეისსა ✨️. 6 ივნისი, 2024. https://shenisilamaze.ge/%e1%83%ae%e1%83%94%e1%83%9a%e1%83%9c%e1%83%90%e1%83%99%e1%83%94%e1%83%97%e1%83%98-%e1%83%90%e1%83%a5%e1%83%a1%e1%83%94%e1%83%a1%e1%83%a3%e1%83%90%e1%83%a0%e1%83%94%e1%83%91%e1%83%98-%e1%83%97%e1%83%94/
