ქართველი მოჭადრაკე, საერთაშორისო დიდოსტატი ქალთა და ვაჟთა შორის, ხუთგზის მსოფლიო და თერთმეტგზის საჭადრაკო ოლიმპიადის ჩემპიონი, მრავალი საერთაშორისო ტურნირის გამარჯვებული, საჭადრაკო „ოსკარის” მფლობელი.
1997 წელს, ფიდემ მსოფლიო ჭადრაკის განვითარებაში შეტანილი განსაკუთრებული წვლილისთვის, დააწესა ნონა გაფრინდაშვილის სახელობის თასი, რომელიც ქვეყნის მამაკაცთა და ქალთა გუნდებს საჭადრაკო ოლიმპიადებზე საუკეთესო ჯამური შედეგისთვის გადაეცემათ.
მას გამოქვეყნებული აქვს წიგნები:
“ჩემი ცხოვრების არსი” და სხვ. მისი თქმით, წარმატებული თამაშების ისტორიაში ძალიან ბევრი მოგებაა.
მაგალითად, საქართველოს მრავალგზის ჩემპიონი იყო 1956 წლიდან, ხუთგზის მსოფლიო ჩემპიონი 1962-78 წლებში, ასევე თერთმეტგზის ოლიმპიური ჩემპიონი 1963-92წწ.
იგი გახლავთ ევროპის ქვეყნების ჩემპიონთა თასის პირველი მფლობელი, საბჭოთა კავშირის ხუთგზის ჩემპიონი.
მისი მიღწევების გამო გადაეცა ზუგდიდის, ბათუმის და თბილისის საპატიო მოქალაქის წოდება. ასევე, მიღებული აქვს ლენინის ორდენი (1966), პირველი საჭადრაკო ოსკარი(1982), საპატიო ნიშნის ორდენი(1987), ღირსების ორდენი(1994), სეოკის ოლიმპიური ორდენი(1996), ვახტანგ გორგასლის II ხარისხის მედალი(1991), ასევე ვახტანგ გორგასლის I ხარისხის მედალი(2001), და სხვა მრავალი.
იგი სხვადასხვა ორგანიზაციისა და ასოციაციის წევრია. 1980- 1986 წლებში იყო ფიდეს ქალთა კომისიის პრეზიდენტი.
1989 წლიდან 1996 წლიდან იყო საქართველოს ეროვნული ოლიმპიური კომიტეტის პრეზიდენტი. ხოლო, 1996 წლიდან დღემდე არის საქართველოს ეროვნული ოლიმპიური კომიტეტის საპატიო პრეზიდენტი.
ზუგდიდელი გოგონა პირველად ბათუმში გამართულ მოსწავლეთა რესპუბლიკურ პირველობაზე მიიწვიეს მის ძმებთან ერთად და თამაშობდა ზუგდიდის ნაკრებში. 1954 წელს კი გადასახლდა თბილისში დეიდასთან და დაიწყო ჭადრაკზე სიარული. ერთ წელში ქალთა შორის დიდებში საქართველოს ჩემპიონი გახდა და საბჭოთა კავშირის ჩემპიონატის ფინალშიც გავიდა.
პირველი აღიარება 1961 წელს მოიპოვა, როდესაც იუგოსლაველ მოჭადრაკე, ლაზარევიჩს შეხვდა. ეს იყო პირველი ძალიან მნიშვნელოვანი და გამორჩეული პარტია მისთვის. დარბაზში ისხდნენ ცნობილი საჭადრაკო თეორეტიკოსები, მწვრთნელები და დიდოსტატები, რომლებიც თითოეულ გაკეთებულ სვლაში თითო წოდებას ანიჭებდნენ… ბოლო სვლაზე კი განაცხადეს – ეს უკვე მამაკაცთა შორისაც უმაღლესი დონეაო.
იმ პარტიით გახდა პრეტენდენტი.
მომდევნო წელს კი მსოფლიო ჩემპიონის ტიტული მოიპოვა. მოსკოვში ითამაშა ელიზავეტა ბიკოვასთან, ძალიან გამოცდილი მოჭადრაკესთან, რომელსაც მასზე მეტი გამოცდილება და წლოვანებაც ჰქონდა, რადგან იგი 9 წლის იყო, ხოლო ნონა 21-ის. 9-2 მოუგო, 4 ყაიმით და არც ერთი პარტია წაუგია.
დღეს კი უფრო ვამაყობთ ჩვენი დიადი ნონა გაფრინდაშვილით ყველა ასაკის ადამიანი, რადგან ის არის ქალი, რომელმაც საქართველო მსოფლიოს გააცნო და რამდენიმე ათეული წელია მისი სახელი და გვარი იცის ყველა დიდმა მოჭადრაკემ და არა მარტო.
წყარო:
