გაიგეთ რომელია 2024 წლის სექტემბრის 3 ყველაზე საინტერესო ფილმი
2024 წლის სექტემბერი კინომოყვარულებს უამრავ საინტერესო ფილმს ჰპირდება. ამ თვეში მრავალი ახალი საინტერესო ფილმი გამოდის. მაგრამ რამოდენიმე მათგანი მაყურებლის განსაკუთრებულ ინტერესს იწვევს. გაიგეთ რომელია ყველაზე საინტერესო სამი ფილმი :
“გრაფი მონტე- კრისტო,,
ალექსანდრ დიუმას ამავე სახელწოდების რომანის ახალი ადაპტაცია, სადაც ედმონ დანტესის როლს პოპულარული ფრანგი მსახიობი პიერ ნინე განასახიერებს. ფილმი მოგვითხრობს ახალგაზრდა კაცზე, რომელიც შეთქმულების მსხვერპლი ხდება და ქორწილის დღეს დააპატიმრებენ იმ დანაშაულისთვის, რომელიც არ ჩაუდენია. მრავალწლიანი ტყვეობის შემდეგ, მთავარი გმირი სულ სხვა მიზნებითა და გეგმებით ბრუნდება…
,,მოწყალების სახეები”
იორგოს ლანთიმოსის ახალ ფილმს მაყურებელი განსაკუთრებით ელოდება. ფილმი რამდენიმე სხვადასხვა სიუჟეტისაგან შედგება. პირველი ისტორია მამაკაცზეა, რომელიც ცდილობს, საკუთარი ცხოვრება გააკონტროლოს. მეორე პოლიციელის შესახებ მოგვითხრობს, რომლის ცოლიც ზღვაში გაუჩინარებიდან გარკვეული პერიოდის შემდეგ ბრუნდება და სულ სხვა ადამიანად იქცევა. მესამე ისტორია კი ქალზეა, რომელიც ცდილობს, უნიკალური შესაძლებლობის მქონე ადამიანი იპოვოს. მთავარ როლებს ემა სტოუნი, უილემ დეფო და ჯესი პლემონსი ასრულებენ.
,,დასასრული საიდანაც ვიწყებთ”
ფილმი მეგან ჰანტერის ბესტსელერზეა დაფუძნებული. სიუჟეტის მიხედვით, ლონდონში საშინელი ეკოლოგიური კრიზისია. რამდენიმე თვე წვიმს და ყველაფერს ანადგურებს. ახალგაზრდა ქალი, რომლის როლსაც ჯოდი კომერი ასრულებს, პატარა შვილთან ერთად გადარჩენისთვის იბრძვის. ჯოდი კომერის გარდა, ფილმში ბენედიქტ კამბერბეტჩი და მარკ სტრონგიც მონაწილეობენ.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
