საქართველოში DRG მოდელის ამოქმედებიდან ერთი წლის შემდეგ, რეფორმის მიმდინარეობას, ჯანმრთელობის მსოფლიო ორგანიზაციისა და ლატვიის ეროვნული სააგენტოს ექსპერტები აფასებენ – მათი თქმით, სისტემის დანერგვიდან 1 წლის თავზე, ქვეყანამ, ამ მიმართულებით, მნიშვნელოვან პროგრესსა და წარმატებებს მიაღწია.
ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
როგორც ლატვიის ჯანმრთელობის ეროვნული სააგენტოს უფროსი ექსპერტი აღნიშნავს, საქართველომ, რეფორმის ამოქმედებიდან, ზოგიერთი მიმართულებით იმაზე მეტს მიაღწია, ვიდრე ლატვიამ – 10 წლის განმავლობაში. ჯანმრთელობის მსოფლიო ორგანიზაციის ექსპერტის განცხადებით კი, დანერგვიდან 1 წლის შემდეგ, არის ბევრი მიღწევა, რითაც ქვეყანას შეუძლია, იამაყოს.
„სამედიცინო დაწესებულებების დაფინანსების DRG მოდელი, საქართველოში, 2022 წლის ნოემბერში ამოქმედდა. რეფორმის დაწყებიდან, 1 წლის შემდეგ, სამედიცინო სერვისებზე პაციენტის თანაგადახდა, მნიშვნელოვნად, სამჯერ 27%-დან 10%-მდე შემცირდა“, – ნათქვამია ინფორმაციაში.
QR კოდიshenisilamaze.ge
შენი სილამაზე. (2023). DRG მოდელი – სისტემის დანერგვიდან 1 წლის თავზე, ქვეყანამ, ამ მიმართულებით, მნიშვნელოვან პროგრესსა და წარმატებებს მიაღწია. 24 ნოემბერი, 2023. https://shenisilamaze.ge/drg-modeli-sistemis-danergvidan-1-tslis-thavze-qveqhanam-am-mimarthulebith-mnishvnelovan-progressa-da-tsarmatebebs-miaghtsia/
