თუ გსურთ, რომ ჯანმრთელად დაბერდეთ, ივარჯიშეთ რეგულარულად.
ყველასთვის ცნობილი ფაქტია, რომ რეგულარულ ფიზიკურ აქტივობას ასაკთან დაკავშირებული ქრონიკული დაავადებების განვითარების საწინააღმდეგო ეფექტი აქვს; ისეთი დაავადებების, როგორიცაა, მაგალითად, ოსტეოპოროზი, სარკოპენია ანუ კუნთების განლევა, კუნთების სიძლიერის დაკარგვა, გულ-სისხლძარღვთა დაავადებები და დიაბეტი.
უამრავი კვლევა აჩვენებს, რომ ძალისმიერი და წინააღმდეგობის ვარჯიშები (მაგალითად წონის აწევა და დაჭიმვა), რომლებიც კუნთოვანი მასის განვითარებას უწყობენ ხელს, აუმჯობესებენ ჰორმონულ, გულ-სისხლძარღვთა და მეტაბოლურ ჯანმრთელობას, ამცირებენ დემენციისა და კოგნიტური დარღვევების რისკს, აძლიერებენ ჩვენს ძვლებს და ახანგრძლივებენ სიცოცხლეს.
კვლევები აჩვენებს, რომ ქალები, რომლებსაც აქვთ კუნთოვანი მასის დამაკმაყოფილებელი დონე, ნაკლებად იღუპებიან გულის დაავადებებისგან, ნაკლებად აწუხებთ ან არ აწუხებთ მენოპაუზის სიმპტომები, ადვილად აკონტროლებენ წონას.
ანუ, მარტივად რომ ვთქვათ, წინააღმდეგობის ვარჯიშს და ძალისმიერ აქტივობას დაბერების საწინააღმდეგო ეფექტი აქვს, რაც მეცნიერულად დასტურდება.
ერთ-ერთი მორიგი კვლევა ეფუძნება უკვე არსებულ კვლევებს ამ საკითხზე და ადგენს, რომ წინააღმდეგობის ვარჯიში ამცირებს ანთებას და ოქსიდაციურ სტრესს ხანდაზმულებში; იწვევს ცვლილებებს უჯრედულ დონეზე, რაც ამცირებს ქრონიკული დაავადებისა და ადრეული სიკვდილის რისკს. (კვლევის ბმულს კომენტარებში ნახავთ).
კვლევის შესახებ წერს აშშ-ში მოღვაწე ქართველი ექიმი, ქეთი შავლიაშვილი.
