კანის მოვლა; ტრენდული ინექციური ჩარევები; კანის გაახალგაზრდავება/გადაჭიმვა; ყბადაღებული “აკნეს პრობლემა” და მსგავსი თემები, ალბათ, ყველა ქალბატონის და (არამარტო) საფიქრალია. თუ თქვენც შეპყრობილი ხართ ინექციური ჩარევებით და გაინტერესებთ მსგავსი თემები, აუცილებლად უნდა გაეცნოთ ინტერვიუს, რომელიც მედიაჰოლდინგმა “შენი” კოსმეტოლოგ ნინო ხაინდრავასთან ჩაწერა, რომელიც ფართო საზოგადოებამ სოციალურ ქსელში სასარგებლო ვლოგებით გაიცნო…
რა ასაკიდან უნდა მივმართოთ კოსმეტოლოგს და როგორ უნდა გადავავადოთ დაბერების პროცესი? – ამ და სხვა მნიშვნელოვან საკითხებზე ნინო ხაინდრავა საუბრობს:
– ქალბატონო ნინო, გვიამბეთ თქვენი საქმიანობის შესახებ…
– მე ვარ კოსმეტოლოგ- ესთეტიკი. ეს ნიშნავს, რომ ის უფრო მომართულია კანის მოვლაზე და არა მის რეკონსტრუქციაზე და ჯანმრთელობის ზოგად მდგომარეობაზე, რომელიც მოქმედებს კანზეც… პროცედურები, დაბანა, საცხები და ა.შ.
-როდის დაიწყეთ ამ სფეროში საქმიანობა?
– ეს არის ჩემი მეორე პროფესია – შეძენილი. ძირითადი პროფესია მეც მქონდა სხვა… 10-15 წლის წინ, როდესაც დავინტერესდი საკუთარი თავის მიმართ ინექციებით და მოვლებით, მივხვდი, რომ ძალიან გამიტაცა ამან და გადავწყვიტე, ჩავრთულიყავი ამ სფეროში. განათლება მაქვს მიღებული სანკტ პეტერბურგში. ნატალია ბახოვეცის ,,აიუნა – სილამაზის აკადემიაში”, რომელიც თვითონაც აწარმოებს საკუთარ პროდუქციას. იქ მივიღე დიპლომი და კვალიფიკაცია კოსმეტოლოგ- ესთეტიკის.
– რას ნიშნავს თქვენი მთავარი მესიჯი – ,,გაახალგაზრდავება ინექციების გარეშე”?
-საქმე იმაშია, რომ ჩვენთად ტრენდად იქცა – მხოლოდ ინექცია უნდა გავიკეთოთ, გარეგნობის შესაცვლელად, მოსაწესრიგებლად და გასაახალგაზრდავებლად. ინექცია კი – ეს არის უკვე ღრმა ჩარევა. ჩვენთან ძირითადად რეკონსტრუქციულ ინექციას მიმართავენ, მაგრამ ძირითადად როცა ძალიან გაერთობიან ამ ინექციებით, ავიწყდებათ, რომ ეს არ მოქმედებს კანის ხარისხზე. ალბათ, ბევრს გვინახავს, როცა აქვთ შეყვანილი ფილერი, აჭიმული სახე, გაწეული, დაბერილი, მაგრამ კანის ხარისხი ისეთია, ჯობდა ეს არ გააკეთებინათ. ამიტომაც არის მეთოდები, რომელიც ყოველდღიური შრომის შედეგად გვაძლევს ეფექტს გავიუმჯობესოთ გავიხანგრძლივოთ კანის მდგომარეობა. არ არის ეს მხოლოდ გარეგანი საშუალებები – ეს არის ცხოვრების წესი. ჯანსაღი ცხოვრების წესი თუ არ გაქვთ, ვერც ერთი ნემსი და საშუალება, სამწუხაროდ, ვერ გიშველით.
-რა არის ძირითადი რეკომენდაცია, რომ რაც შეიძლება გვიან დაიწყოს დაბერების პროცესი?
– ეს არის შენარჩუნების პროცესი – ყოველდღიური რუტინა შექმნილი კონკრეტული იდნდივიდისთვის, რომლის შესრულებით და ჯანსაღი ცხოვრების წესით ჩვენ შევძლებთ, რაც შეიძლება, მაქსიმალურად გადავავადოთ დაბერების პროცესი და მაქსიმალურად შევინარჩუნოთ ის პოტენციალი, რაც მოგვყვება ახალგაზდობიდან.
– იქნებ უფრო კონკრეტულად გვესაუბროთ, მაგალითად, ცივ პლაზმაზე…
– ცივი პლაზმა არის ერთ-ერთი აპარატული მეთოდი კოსმეტოლოგიაში, რომელსაც ვიყენებთ კანის ხარისხის გასაუმჯობესებლად. ის აორთქლებს კანის ზედაპირს, რათა წამოვიდეს ახალი ჯანსაღი კანი, რომელიც იქნება მკვრივი და არ ექნება პიგმენტური ლაქები დაზიანებულ კანის ზედაპირზე… ასევე, ის ასტიმულირებს ჰიბრობლასტებს, რომელიც იწვევენ კოლაგენის და ელასტინის აქტიურ გამომუშავებას. ამის ხარჯზე კანი მვკვირვდება, ქრება ნაოჭი, ხდება ელასტიური – ამ ორ ეფექტს იძლევა; კანის ვიზუალი უმჯობესდება და დასტიმულირება ხდება შიდა უჯრედების, რომელიც უფრო აქტიურად იწყებენ მუშაობას. მოკლედ, ორ პლუსს იძლევა.
– რა ინტენსივობით ხდება ამ პროცედურის ჩატარება?
– გააჩნია, რა მაჩვენებელია. ის ხშირად გამოიყენება, როცა იარებზე, ნაჭრილობევზე ვმუშაობთ… ერთხელ ტარდება ზოგჯერ და გამეორებას არ საჭიროებს. ასევე ძალიან ეფექტურია აკნესა და ატროფიული ნაწიბურების დროს. ამ შემთხვევაში შეიძლება ორჯერ ჩატარდეს – ინტერვალით ერთი თვე. ვისაც პოსტ აკნე აქვს, ბოლომდე რომ მოვიცილოთ.
-კიდევ ერთი მთავარი კითხვა – რა ასაკიდან უნდა დავიწყოთ სახის კანის მოვლა?
– პირდაპირ გავცემდი რეკომენდაციას – სახის მოვლა უნდა დაიწყოს გარდატეხის ასაკიდან 12 წლიდან. როცა უკვე ჰორმონალური ცვლილებები იწყება. თუ ბავშვი გვყავს მიჩვეული გელებით ვაბანინებდით სახეს. ამ ასაკიდან უკვე სხვა მიდგომაა საჭირო, რომ შემდგომში არ გაჩდეს ის პრობლემები, რასაც ეძახიან აკნეს. ხშირად თვითონ ისვამენ დიაგნოზს და და მერე იწყება არაადეკვატური მიდგომა და მკურნალობა. თუ გვაქვს შესაძლებლობა, მივმართოთ კოსმეტოლოგს, მოვლის დაბანის და მინიმალური დატენიანების პროდუქციას შეურჩევთ. 50% ჩვენ ავირიდებთ თავიდან ისეთ არასასიამოვნო მდგომარეობას, რასაც ჰქვია აკნე… მე ვთვლი, რომ 12 წლიდან ეს ჰიგიენური პროცედურები სწორად უნდა ჩატარდეს.
ავტორი – თამარ ფიცხელაური
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
