ოფისში მუშაობა, სატელევიზიო გადაცემების ზედმეტი ყურება, მუდმივად სოციალური ქსელების თვალიერება პლანშეტების მეშვეობით, ნაკლები ფიზიკური აქტივობა და არაჯანსაღი კვება ყველაფერი სხვადასხვა დაავადებების მიზეზია, მაგრამ ყველაზე ხშირი და უსიამოვნოა ოსტეოქონდროზი. კერძოდ, კისრის ოსტეოქონდროზი. აქედან გამომდინარე, ჩნდება თავბრუსხვევა, გულისრევა, კისრის ტკივილი, რომელსაც მოაქვს დაღლილობა.
კისრის ნაწილის ოსტეოქონდროზი სხვადასხვა სიმპტომებით ვლინდება, რაც ხერხემლის ანატომიური თავისებურებებით არის გამოწვეული. კისრის ოსტეოქონდროზის გართულებაა მხრის, იდაყვის, ლავიწის სახსრების ართროზი, რომელსაც თან სდევს მოძრაობის შეზღუდვა და ხელისა და მხრის ტკივილი მოძრაობისას. ხერხემლის კისრის ნაწილის ოსტეოქონდროზის დროს, განსაკუთრებით ხანდაზმულ ასაკში, აღინიშნება რბილი ქსოვილების გამკვრივება.
ოსტეოქონდროზის მკურნალობისთვის თერაპიული ტანვარჯიშები ყველაზე ეფექტური მეთოდია. იგი ხელს უწყობს სისხლის მიმოქცევის ნორმალიზებას კისრის მიდამოში და ხერხემლის სწორი პოზიციის აღდგენას.
ერთ-ერთ ყველაზე ეფექტურად ითვლება დოქტორი ბატრიმოვის სავარჯიშოების კომპლექტი, რომელიც მან 30 წელზე მეტი ხნის განმავლობაში შეიმუშავა.
ვლადიმერ ბატრიმოვი – რეფლექსოლოგ-თერაპევტი, ფსიქოთერაპევტისა და ინსტრუქტორ- თერაპევტი ტანვარჯიშში. 30 წელზე მეტი ხნის განმავლობაში სწავლობდა და შეარჩია ყველაზე ეფექტური მეთოდები და წვრთნები კისრის ოსტეოქონდროზის მკურნალობისთვის და ზურგის კუნთების სისტემის გაძლიერებისათვის. მისი ტექნიკა ფართოდ გავრცელდა და ბევრი ადამიანი განიკურნა.
ვარჯიში საკმაოდ მარტივი შესასრულებელია, მაგრამ თქვენ უნდა დაიცვათ მნიშვნელოვანი წესი.
დოქტორი ბატრიმოვი მიიჩნევს, რომ აუცილებელია სავარჯიშოების შესრულებისას სრული რელაქსაციის მიღწევა. თქვენ უნდა იყოთ მოდუნებული და ყველაფერი ძალიან ნელა გააკეთოთ.
ოსტეოქონდროზის მკურნალობის ზოგადი პრინციპია მოძრაობის ადეკვატური რეჟიმის დაცვა და სამკურნალო ვარჯიშების შესრულება. ამასთანავე, კისრის ოსტეოქონდროზის დროს უნდა შესრულდეს ისეთი ვარჯიშები, რომლებიც სრული უმოძრაობის პირობებში მნიშვნელოვან კუნთოვან დაძაბულობას იწვევს.
არავითარ შემთხვევაში არ გააკეთოთ მოულოდნელი მოძრაობები და სწრაფი გადასვლა წვრთნებს შორის. ეს ეხება ნებისმიერ წვრთნას, რომელიც მიზნად ისახავს ხერხემლის მკურნალობას.
მნიშვნელოვანია ასევე სამკურნალო კვება, რომელიც მიმართულია სიმსუქნის წინააღმდეგ (საკვების ენერგეტიკული ღირებულება უნდა შემცირდეს ცხიმების, ადვილად ასათვისებელი ნახშირწყლების შემცირების ხარჯზე; სასარგებლოა განტვირთვის დიეტები).
ხერხემლის კისრის ნაწილის ოსტეოქონდროზის დროს შესასრულებელი ვარჯიშები:
მათი შესრულებისას მზერა პირდაპირ უნდა გქონდეთ მიპყრობილი.
შუბლი ძლიერად მიაჭირეთ ხელისგულს, ხელისგულით კი წინააღმდეგობა გაუწიეთ.
ხელისგული მთელი ძალით დაიჭირეთ კეფაზე, კეფით კი წინააღმდეგობა გაუწიეთ.
არც თავი და არც ხელისგული ზეწოლის დროს არ უნდა მოძრაობდეს.
მარჯვენა საფეთქელი ძლიერად დააჭირეთ მარჯვენა ხელისგულს.
იგივე გააკეთეთ მარცხენა საფეთქლითა და მარცხენა ხელით. ზეწოლისას საფეთქელიც და ხელისგულიც უძრავი უნდა დარჩეს.
ნიკაპი ხელისგულს დააჭირეთ და ძლიერად დააწექით, ხელისგულით კი წინააღმდეგობა გაუწიეთ. ყოველი მოძრაობა გაიმეორეთ 3-5-ჯერ 7-10 წამის განმავლობაში. სცადეთ, ნიკაპი კისერთან მიიტანოთ, ხოლო თხემი მაღლა ასწიოთ. ნიკაპი ასწიეთ და თავი ბოლომდე მიაბრუნეთ ჯერ მარჯვნივ, შემდეგ მარცხნივ (გაიმეორეთ 5-ჯერ).
თავი დახარეთ და მიაბრუნეთ ჯერ მარჯვნივ, შემდეგ მარცხნივ (5-ჯერ). თავი ოდნავ უკან გადასწიეთ. შეეცადეთ, მარჯვენა ყურით შეეხოთ მარჯვენა მხარს. იგივე მოძრაობა გაიმეორეთ მარცხენა მხარეს (5-ჯერ).
კისრის ოსტეოქონდროზს მხოლოდ კისრის კუნთების რეგულარული ვარჯიშით თუ მოვირჩენთ. ეცადეთ, ვარჯიშები შეასრულოთ დღეში 2-ჯერ, თავდაპირველად – 10-10 წუთის განმავლობაში, მერე და მერე კი ვარჯიშის დრო ყოველთვიურად თითო წუთით გაახანგრძლივოთ.
