თმის ქიმიური დახვევა – სწორი და თხელი თმების სქელ, მოცულობით და ხვეულ ვარცხნილობად გადაქცევის საკმაოდ რთული პროცედურაა. ქიმიური დახვევის საშუალებით შესაძლებელია ლამაზი, ტალღოვანი თმის ან წვრილად დახვეული კულულების ეფექტის მიღება.
ქიმიური დახვევის გასაკეთებლად, სილამაზის სალონებში უახლესი კოსმეტიკური პრეპარატები გამოიყენება, რომლებიც აბსოლუტურად გამორიცხავს ჯანმრთელი თმის დაზიანების ნებისმიერ საშიშროებას.
თმის ქიმიური დახვევის ფორმები
არსებობს თმის ქიმიური დახვევის რამდენიმე ფორმა. არჩევანი დამოკიდებულია იმაზე, კონკრეტულად რომელი შედეგის მიღება გსურთ.
ტრადიციული თმის დახვევა ხდება თმის მთელს სიგრძეზე და იმის მიუხედავად, რომ ამ დროს ბიგუდები განლაგებულია ჰორიზონტალურად, არსებობს ათობით კონფიგურაცია, რომელიც დამოკიდებულია ბიგუდების ზომასა და რაოდენობაზე, აგრეთვე სასურველ ეფექტზე:
მსხვილი კულულები – ტრადიციული დახვევის ვარიაციაა. დიდი დიამეტრის ბიგუდები ქმნის რბილ, მსხვილ კულულებს.
რევერსული დახვევა – თმის რევერსული დახვევისთვის იყენებენ ძალიან დიდი ზომის ბიგუდებს, რათა ვიწრო ხვეული თმა გადააქციოს დიდ და რბილ კულულებად.
თმის ძირებთან დახვევა – ბიგუდებს ახვევენ თმის ძირებთან რაც შეიძლება ახლოს, რათა მოხდეს გაზრდილი თმის ძირების დახვევა და მათთვის მოცულობის მინიჭება (თუ თმა მთელს სიგრძეზეა დახვეული). რეკომენდებულია თხელი თმისთვის.
სპირალური დახვევა – ბიგუდების საშუალებით თმას ახვევენ ვერტიკალურად. ასე დახვეული თმის იერსახე ძალიან წააგავს შტოპორს (კორპსაძრობი).
ლოკალური (უზორული) დახვევა – ბიგუდების დახვევა ხდება თმის მხოლოდ გარკვეულ მონაკვეთებზე, რათა მოხდეს მოცულობის დამატება იქ, სადაც ეს საჭიროა.
ვერტიკალური დახვევა – თმის დახვევა ხდება ვერტიკალურად განთავსებულ სპეციალურ ჩხირებზე (საქსოვი ჩხირების მსგავსი). ამ დროს თმის მაქსიმელური სიგრძე უნდა იყოს მხრებამდე.
რჩევები თმის ქიმიურ დახვევამდე და დახვევის შემდეგ
- თუ გადაწყვიტეთ თმის ქიმიური დახვევა, აუცილებელია კვალიფიციური კონსულტაციისთვის მიმართოთ პროფესიონალ სტილისტს, რომელიც შეისწავლის თქვენი თმის სტრუქტურას, მის მდგომარეობას. ამის შემდეგ იგი მიიღებს სწორ გადაწყვეტილებას. იგი პირველ რიგში გირჩევთ, საჭიროა თუ არა თქვენთვის ქიმიური დახვევა და რომელი მეთოდია ოპტიმალური. მეორეს მხრივ, გირჩევთ არ გაიკეთოთ ქიმია, თუ თმა არ არის ჯანმრთელი და დაზიანებულია მისი სტრუქტურა (ცუდი საღებავით, წინა ქიმიით, მზის სხივებით და ა.შ)
- თუ თავის კანი მგრძნობიარე ან დაზიანებულია, უარი თქვით თმის ქიმიურ დახვევაზე. დახვევის წინ თმა დაივარცხნეთ ფრთხილად, ისე, რომ არ დააზიანოთ თავის კანი.
- თუ გრძნობთ, რომ თავის კანი გეწვით, მაშინვე ჩამოიბანეთ ხსნარი, იგივე გააკეთეთ, თუ ხსნარი შემთხვევით თვალში ჩაგივიდათ და მაშინვე მიმართეთ ექიმს.
- თუ ცხიმიანი თმა გაქვთ, ქიმიური დახვევა სასარგებლოც კია. იგი მსუბუქად გააშრობს თავის კანს და ვარცხნილობაც მომხიბვლელად გამოიყურება.
- ძალიან თხელი, ან ძალიან სქელი და ხშირი თმის ქიმიური დახვევა არ არის რეკომენდებული. თხელი თმა კიდევ უფრო დაზიანდება, ხოლო სქელი მეტად აფუვდება და მისი მოვლა გაგიჭირდებათ.
- თუ მცირე ეჭვი მაინც გაქვთ, გაუძლებს თუ არა თქვენი თმა ქიმიურ დახვევას – სცადეთ და გაიკეთეთ საცდელი ტესტი ერთ ან ორ კულულზე მანამდე, ვიდრე ხსნარს მთელს თმაზე წაისვამთ. ამის შემდეგ სტილისტი ყოველ 10 წუთში მოხსნის ბიგუდს და დააკვირდება, თუ როგორ მიდის პროცესი.
- ყურადღება მიაქციეთ, რომ ხსნარი თავზე იყოს ზუსტად განსაზღვრული დროის განმავლობაში, ზედმეტი რამდენიმე წუთიც კი შესაძლოა საშიში იყოს, ამიტომ იყავით ყურადღებით, რომ სტილისტს დრო არ გამოეპაროს.
- ნუ ეცდებით წარუმატებლად გაკეთებული ქიმიური დახვევის გადაკეთებას. მართალია ეს შესაძლებელია, მაგრამ არ არის სასურველი. თუ თქვენ უკმაყოფილო ხართ თმის დახვევის ან გასწორების შედეგით, განიხილეთ შესაძლო ვარიანტები სტილისტთან ერთად, თუმცა გახსოვდეთ, რომ გადაკეთება შეიცავს დიდ რისკს, რომ საერთოდ გაიფუჭებთ ვარცხნილობას.
თუ ზემოთ ჩამოთვლილ რეკომენდაციებს გაითვალისწინებთ, ყველაზე უხეში ქიმიური მეთოდით დახვეული თმის შემთხვევაშიც კი, შეძლებთ თმის იდეალურ მდგომარეობაში შენარჩუნებას.
წყარო: https://www.ambebi.ge/
#drpkhakadze #shenisilamaze #gochadze
