გადაცემა „იმუნიტეტი“
მესამე სტადიის კიბოს დადგენის შემთხვევაშიც კი – სწორად შერჩეული მკურნალობის მეთოდი იძლევა კარგ შედეგს!
თეიმურაზ ბეშკენაძის პირადი ისტორია
#datashvil #drpkhakadze #sheniganatleba #sheniambebi #sheniekimi
როგორია ცხოვრება მკურნალობის შემდეგ? – სახელმწიფო დღეს 100%-ით აფინანსებს ქიმიო და სხივურ თერაპიებს
გადაცემა „იმუნიტეტი“
სახელმწიფო დღეს 100%-ით აფინანსებს ქიმიო და სხივურ თერაპიებს
როგორია ცხოვრება მკურნალობის შემდეგ?
გადაცემაში სტუმრად:
ნათია ჯოხაძე – კლინიკური ონკოლოგი, “ამერიკული ჰოსპიტალი თბილისის” კლინიკური ონკოლოგიის მიმართულების ხელმძღვანელი
#datashvil #drpkhakadze #sheniganatleba #sheniambebi #sheniekimi
კლინიკების 80%-მა უკვე დაიწყო საერთაშორისო აკრედიტაციის გავლის პროცესი
ჯანდაცვის მინისტრობის კანდიდატმა, ზურაბ აზარაშვილმა საკანონმდებლო ორგანოში საერთაშორისო აკრედიტაციის გავლის პროცესის შესახებ ისაუბრა.
ზურაბ აზარაშვილის განცხადებით, კლინიკების 80%-მა უკვე დაიწყო საერთაშორისო აკრედიტაციის გავლის პროცესი.
„ქვეყანაში ყველა პირობა იქმნება იმისთვის, რომ სამედიცინო ხარისხი გაუთანაბრდეს საერთაშორისო სტანდარტს. 2023 წლიდან საერთაშორისო აკრედიტაციის ვალდებულების შემოღების საპასუხოდ, კლინიკების 80%-ზე მეტმა უკვე დაიწყო საერთაშორისო აკრედიტაციის პროცესი, რაც 2025 წლიდან საყოველთაო ჯანდაცვის პროგრამაში მონაწილეობის მთავარი პირობა იქნება.
აუცილებლად უნდა აღინიშნოს, რომ ასოცირების ხელშეკრულების ფარგლებში სამინისტრო მუშაობს განახლებული საკანონმდებლო ჩარჩოს შესაბამისად. საკანონმდებლო ორგანოში წარმოსადგენად მზად არის სამედიცინო მოწყობილობის შესახებ შემუშავებული ახალი კანონპროექტი“, – განაცხადა აზარაშვილმა.
მისი თქმით, იგეგმება იმპორტირებული კოსმეტიკური საშუალებების რეგულირება, ქიმიური უსაფრთხოების სტანდარტების დაცვის მიზნით. სამინისტროში ამბობენ, რომ საკითხზე ჯერ მუშაობა მიმდინარეობს და მეტ დეტალს ვერ დაასახელებენ.
#datashvil #drpkhakadze #sheniganatleba #sheniambebi #sheniekimi
„მედიკამენტების ხარისხის კონტროლის მიზნით, ჯანდაცვის სამინისტრომ ბანგლადეშის, ინდოეთისა და უზბეკეთის საწარმოები შეამოწმა“-აზარაშვილი
მედიკამენტების ხარისხის კონტროლის მიზნით გატარებულ რეფორმებზე ისაუბრა ჯანდაცვის მინისტრობის კანდიდატმა, ზურაბ აზარაშვილმა საკანონმდებლო ორგანოში.
„სამინისტრომ, რეგულირების სააგენტოს მეშვეობით, იმ უცხოურ საწარმოების შემოწმება დაიწყო, რომელთა მედიკამენტებიც, საქართველოში იმპორტით შემოდის.
მედიკამენტების ხარისხის კონტროლისა და მაღალი ხარისხის წამლის მიმოქცევის უზრუნველყოფის მიზნით, ჩვენ, უკვე შევამოწმეთ ბანგლადეშის, ინდოეთისა და უზბეკეთის საწარმოები, საიდანაც საქართველოს ბაზარზე მედიკამენტები აქტიურად შემოდის. ფარმაცევტული სფეროს რეგულირების მექანიზმების კიდევ უფრო დახვეწა სამომავლო რეფორმების ერთ-ერთ მთავარ პრიორიტეტად რჩება.
წამლის ხარისხის კონტროლის ლაბორატორია 2023 წელს აამოქმედა, ის სრული დატვირთვით განაგრძობს მუშაობას. ლაბორატორია საერთაშორისო სტანდარტების შესაბამისად, ულტრათანამედროვე აპარატურით აღიჭურვა და კვალიფიციური პერსონალით დაკომპლექტდა. შედეგად, ჩვენ გვაქვს შესაძლებლობა ქვეყანაში წარმოებული თუ იმპორტირებული წამლების ხარისხი მონიტორინგი ვაწარმოოთ“, – განაცხადა ზურაბ აზარაშვილმა.
#datashvil #drpkhakadze #sheniganatleba #sheniambebi #sheniekimi
რა ხდება ორგანიზმში, როდესაც გრიპის დროს ანტიბიოტიკს ვიღებთ?
გრიპი მწვავე რესპირატორული დაავადებაა, რომელიც ძირითადად გამოწვეულია A და B ტიპის ვირუსებით. გრიპი ზოგადად მწვავე, თვითლიმიტირებადი ინფექციაა, თუმცა ის შეიძლება მიმდინარეობდეს მძიმედაც და გართულდეს სხვადასხვა დაავადებებით და დასრულდეს ფატალური შედეგითაც,
სიმპტომებით გრიპი ჰგავს გაციებას, რომელიც რეალურად ასევე მწვავე რესპირატორული ინფექციაა და შესაბამისად არის გადამდებიც. ამიტომ მიდგომა – „მხოლოდ გაციებული ვარ“ და გადამდები არ ვარ, სრულიად არასწორია.
#datashvil #drpkhakadze #sheniganatleba #sheniambebi #sheniekimi
„მივიღეთ უალტერნატივო, სწორი, სახელმწიფოებრივი, გრძელვადიანი გადაწყვეტილება“-ზურაბ აზარაშვილი
რესპუბლიკურ საავადმყოფოს, თავისი ადგილმდებარეობიდან გამომდინარე, ნამდვილად აქვს შესაძლებლობა, რომ მტკვრის მარჯვენა სანაპიროზე, ჩვენ უზრუნველვყოთ მრავალპროფილური, მაღალკვალიფიციური მომსახურებით ჩვენი მოქალაქეები. ეს არის სწორედ ის ადგილი, სადაც შეგვიძლია, სამედიცინო უნივერსიტეტთან კოორდინაციით, მძლავრი სახელმწიფო კლინიკა შევქმნათ, – აღნიშნულის შესახებ ზურაბ აზარაშვილმა საკანონმდებლო ორგანოში დეპუტატების კითხვებზე პასუხისას განაცხადა.
ჯანდაცვის მინისტრობის კანდიდატმა, თბილისის რესპუბლიკურ საავადმყოფოსთან დაკავშირებით, გავრცელებულ სპეკულაციებსაც უპასუხა. აღნიშნა, რომ კოვიდის პერიოდში ქვეყანა სხვა რეალობის წინაშე იდგა, შესაბამისად, მაშინ, კლინიკაში სარემონტო სამუშაოები, სწორედ პანდემიური პირობებიდან გამომდინარე ჩატარდა.
„ის, რომ რამდენიმე წლის წინ კოვიდის პერიოდში, იქ სარემონტო სამუშაოები ჩატარდა, ეს არ ნიშნავს გრძელვადიან გადაწყვეტას. თუ შევაფასებთ კლინიკის მდგომარეობას, სხვადასხვა დასკვნების საფუძველზე, ჩვენ მივიღეთ უალტერნატივო, სწორი, სახელმწიფოებრივი გადაწყვეტილება. რესპუბლიკური საავადმყოფოს ადგილას აშენდება 500 საწოლზე გათვლილი, მძლავრი სახელმწიფო კლინიკა, რომელიც იქნება მრავალპროფილური და ასევე ერთ-ერთი დასაყრდენი და ბაზა სამედიცინო უნივერსიტეტისთვის“, – განაცხადა ზურაბ აზარაშვილმა.
მისი თქმით, კლინიკასთან დაკავშირებულ სამომავლო გეგმებსა თუ ნებისმიერ სხვა საკითხზე თანამშრომლებთან შეხვედრები ყოველდღიურ რეჟიმში ხორციელდება.
„მე რამდენჯერმე მქონდა მცდელობა შეხვედრის. ერთ-ერთი, ბოლო მცდელობა იყო ერთი კვირის წინაც და კონკრეტულად შეთანხმებულ დროს სამწუხაროდ ვერ მოხერხდა, რადგან ბოლო მომენტში აღმოჩნდა, რომ შეხვედრა დამოკიდებული ყოფილა მთავრობის იმ გადაწყვეტილების გაუქმებასთან, რაც ჩვენ რესპუბლიკურ საავადმყოფოსთან დაკავშირებით გვაქვს მიღებული. თუმცა, აქ კიდევ ერთხელ დავადასტურებ, რომ ეს არის უალტერნატივო გამოსავალი, რაც რესპუბლიკურ საავადმყოფოსთან დაკავშირებით, შეიძლება სახელმწიფოებრივად ჩვენ გავაკეთოთ და გრძელვადიანად, ჩვენ ქვეყანას დავუტოვოთ მძლავრი სახელმწიფო კლინიკა, რომელიც ასევე იქნება ძალიან ძლიერი კონკურენტი კერძო სექტორისთვის.
თანამშრომლებთან შეხვედრებისთვის, ყოველდღიურად, საღამოს 6 საათზე სპეციალური ჯგუფია გამოყოფილი, რომელიც ნებისმიერ თანამშრომელს, ნებისმიერ საკითხთან დაკავშირებით შეხვდება. ისინი იქ არიან ყოველდღიურად, ელოდებიან და რამდენადაც ვიცი ბოლო დღეებში აქტიური შეხვედრები მიმდინარეობს“, – განაცხადა ზურაბ აზარაშვილმა.
ჯანდაცვის მინისტრობის კანდიდატმა, დეპუტატების კითხვებს, რესპუბლიკურ საავადმყოფოს ამჟამინდელ მდგომარეობასა და ახალი კლინიკის მშენებლობის დაფინანსებასთან დაკავშირებითაც უპასუხა.
„რესპუბლიკურის სარდაფის ნახვას ვერ შემოგკადრებთ და ვერ შემოგთავაზებთ რომ ერთად გვენახა. იქ არსებულ სიტუაციას კლინიკასთან თუ შეიძლება რამე საერთო ჰქონდეს. აქ იგულისხმება კანალიზაცია, ჩამდინარე წყლები, სადრენაჟე წყლები, თუ ყველანაირი ტიპის ნაგავი ასე ვიტყოდი, რაც ორი სართულის სიმაღლეზე იქ არის. ის, რასაც თქვენ სამედიცინო უნივერსიტეტში სწავლისას ნახულობდით იყო ათეულობით წლის წინ, ახლა წლებია იქ ჩასვლა საერთოდ აკრძალულია“, – უპასუხა ზურაბ აზარაშვილმა ნატო ჩხეიძეს, რომელიც რესპუბლიკური საავადმყოფოს სარდაფში არსებული მდგომარეობით დაინტერესდა.
ზურაბ აზარაშვილის განცხადებით, როგორც დემონტაჟი, ასევე პროექტთან დაკავშირებული ხარჯები სამინისტროს ასიგნებებიდან ანაზღაურდება. თუმცა, თუ იქნება ამის საჭიროება, ძალიან ბევრი საერთაშორისო საფინანსო ინსტიტუტი მზად არის აღნიშნული პროექტი დააფინანსოს.
#datashvil #drpkhakadze #sheniganatleba #sheniambebi #sheniekimi
„მძიმედ მიმდინარეობს ორ წლამდე და 65 წელს გადაცილებულ მოსახლეობაში. ფიქსირდება მცირე რაოდენობით, მაგრამ მაინც კორონავირუსი“-ივანე ჩხაიძე
იაშვილის სახელობის ბავშვთა ცენტრალური საავადმყოფოს სამედიცინო დირექტორის ივანე ჩხაიძის განცხადებით, ქვეყანაში გრიპის ვირუსის ჩამოყალიბებული პიკია, რომელიც მარტის ბოლომდე გაგრძელდება.
„ჩამოყალიბებული პიკია. ყველაზე ხშირად გრიპთან ერთად არის რესპირატორულ-სინციტიური ვირუსი, რომელიც დადასტურებული შემთხვევების 24%-ია. ასევე, ფიქსირდება მცირე რაოდენობით, მაგრამ მაინც კორონავირუსი. რესპირატორულ-სინციტიური ვირუსი დაავადების მძიმე მიმდინარეობით ხასიათდება, განსაკუთრებით ორ წლამდე ასაკის ბავშვებში და 65 წელს გადაცილებულ მოსახლეობაში. მოსალოდნელია სხვა ტიპის ვირუსების აქტიურობა ისევ გაგრძელდეს და ალბათ მარტის ბოლომდე, რასაც სტატისტიკურ მონაცემებზე დაყრდნობით ვსაუბრობთ, მიმართვიანობა რესპირატორულ-სინციტიური ვირუსის როგორც ჯანდაცვის ცენტრებში, ისე კლინიკებში დარჩეს მაღალი“, – განაცხადა ივანე ჩხაიძემ „ქრონიკასთან“.
„ვინც განცხადებებს აკეთებდა, თითქოს, ჩვენ ხელს ვუწყობდით უხარისხო მედიკამენტების ქვეყანაში შემოსვლას, თვითონ შემოჰქონდათ უხარისხო მედიკამენტები“-აზარაშვილი
იყო სპეკულაციები, თითქოს, კონკრეტული მედიკამენტის შემცვლელებთან მიმართებაში, ხარისხს ვერ ვაკონტროლებდით და რეფერენტული ფასწარმოქმნით, მოტივაცია შევუქმენით, იაფფასიანი, აზიური მედიკამენტების ბაზარზე შემოსვლასა და მათ ძვირად გაყიდვას. ამას სიმართლესთან არანაირი კავშირი არ აქვს. სამწუხაროდ, ხშირ შემთხვევაში, ვინც განცხადებებს აკეთებდა, თითქოს, ჩვენ, ხელს ვუწყობდით უხარისხო მედიკამენტების ქვეყანაში შემოსვლას, თვითონ შემოჰქონდათ უხარისხო მედიკამენტები. ეს, უბრალოდ, უხერხულია და ძალიან საზიანოა ჩვენი ქვეყნისთვის. ეს, ეტაპობრივად, უკვე აღვკვეთეთ და გავაგრძელებთ პრევენციას“, – განაცხადა ჯანდაცვის მინისტრობის კანდიდატმა ზურაბ აზარაშვილმა, პარლამენტში, გაერთიანებულ საკომიტეტო მოსმენაზე.
მისივე განცხადებით, სწორედ მედიკამენტების ხარისხის კონტროლის მიზნით, ბოლო თვეების განმავლობაში, მოხდა მაღალრისკიანი ქვეყნების იდენტიფიცირება, სადაც სამედიცინო და ფარმაცევტული საქმიანობის რეგულირების სააგენტო, ადგილზე ამოწმებს ყველა იმ საწარმოს, რომლებიდანაც საქართველოში, მედიკამენტების იმპორტი ხორციელდება.
„ზუსტად, ამ ყველაფრის საფუძველზე, მივიღეთ გადაწყვეტილება, უახლოეს დღეებში, როგორც კი მთავრობა დამტკიცდება, წარმოვადგინოთ შესაბამისი ცვლილებები – სამწუხაროდ, დაფიქსირებულია ფაქტები, რომ რამდენიმე მაღალრისკიანი ქვეყნიდან, მედიკამენტების შემოტანა ხდება დაუფასოებელ და თხევად მდგომარეობაში, შემდეგ კი აქ ხდება დაფასოება. ასეთი ტიპის, საეჭვო წარმომავლობის მედიკამენტების ქვეყანაში შემოტანა და წარმოება შეიზღუდება“, – განაცხადა ზურაბ აზარაშვილმა.
#datashvil #drpkhakadze #sheniganatleba #sheniambebi #sheniekimi
„პანდემიამ და ასევე სხვადასხვა რეფორმებმა, რომელიც ჯანდაცვის სისტემაში გავატარეთ დაგვანახა მძლავრი, მრავალპროფილური სახელმწიფო კლინიკების საჭიროება“-ზურაბ აზარაშვილი
„პანდემიამ და ასევე სხვადასხვა რეფორმებმა, რომელიც ჯანდაცვის სისტემაში გავატარეთ დაგვანახა მძლავრი, მრავალპროფილური სახელმწიფო კლინიკების საჭიროება. შესაბამისად, ჩვენ 2023 წელს ძალიან გავააქტიურეთ ორ დიდ სახელმწიფო კლინიკაში, ბათუმისა და რუხის რესპუბლიკურ საავადმყოფოში, ყველა საჭირო სამედიცინო სერვისებით აღჭურვისა, კვალიფიციური კადრებით დაკომპლექტების პროცესი“, – აღნიშნულის შესახებ, ზურაბ აზარაშვილმა, პარლამენტში, დეპუტატების კითხვებზე საუბრისას განაცხადა.
ზურაბ აზარაშვილმა აღნიშნა, რომ რუხის რესპუბლიკურ საავადმყოფოს, ძირითადი სამედიცინო მიმართულებები დაემატა და სერვისით უკვე ათასობით ადამიანმა ისარგებლა.
„ათასობით ადამიანმა სამეგრელოს რეგიონიდან უკვე მიიღო კლინიკაში მომსახურება. ასევე, ყველაზე კარგია ის, რომ ოკუპირებული აფხაზეთიდანაც ასეულობით ადამიანი ჩამოდის და იღებს სამედიცინო სერვისს. ასევე ბათუმის რესპუბლიკური საავადმყოფოს შემთხვევაშიც მნიშვნელოვანია რაც კეთდება და იქაც მძლავრად არის სახელმწიფო კლინიკა წარმოდგენილი“, – განაცხადა ჯანდაცვის მინისტრობის კანდიდატმა.
#datashvil #drpkhakadze #sheniganatleba #sheniambebi #sheniekimi
ჯანდაცვის სამინისტრო ონკოლოგიური დაავადებების მქონე პაციენტებს ადრეულ კვლევებსაც დაუფინანსებს
ჯანდაცვის უწყების ხელმძღვანელმა განაცხადა, უახლოეს პერიოდში ჯანდაცვის სამინისტრო ონკოლოგიური დაავადებების მქონე პაციენტებს ადრეულ კვლევებსაც დაუფინანსებს.
“განსაკუთრებული ყურადღება ეთმობა ონკოლოგიური დიაგნოზის მქონე მოქალაქეების საჭიროებების გათვალისწინებას. გასული წლიდან, საქართველოს ყველა მოქალაქისთვის ფინანსდება ქიმიო, ჰორმონო და სხივური თერაპიის, ასევე – ონკოქირურგიის სერვისები.
2023 წელს დაწყებული ონკოლოგიური დიაგნოზის მქონე ბავშვების საზღვარგარეთ მკურნალობის პროგრამა, რომლის ფარგლებში ბავშვებისთვის ხარისხიანი და მაღალტექნოლოგიური მომსახურებები იფარება ესპანეთის, ისრაელისა და თურქეთის პარტნიორ 6 კლინიკაში. პროგრამის ამოქმედებიდან დღემდე, პროგრამით ისარგებლა ან მომსახურების პროცესშია, ჯამში, 50 პატარა პაციენტი“, – განაცხადა ჯანდაცვის მინისტრობის კანდიდატმა ზურაბ აზარაშვილმა.
#datashvil #drpkhakadze #sheniganatleba #sheniambebi #sheniekimi