როგორ მოვუაროთ თავს სახლის პირობებში – ნინო ჩხეიძის გამოცდილება
ნინო ჩხეიძის გამოცდილება: “არც ძვირი ჯდება, მთავარია, მონდომება, თორემ სახლის პირობებშიც გადასარევად შეგიძლია, თავს მიხედო, გამოიმუშაო რუტინა, არ დაგეზაროს და ლამაზად გამოიყურებოდე…”
მომღერალი არა მარტო საზოგადოებას, არამედ ოჯახის წევრებსაც კი არ უნახავთ სახელდახელოდ ჩაცმული, მოუწესრიგებელი და გაუპრანჭავი. როგორც თავად ამბობს, ეს მის ხასიათშია და ადრეული ასაკიდან ცდილობს, საკუთარ სხეულსა და გარეგნობაზე განსაკუთრებულად იზრუნოს.
,,მთავარია, მონდომება, თორემ სახლის პირობებშიც გადასარევად შეგიძლია, თავს მიხედო, გამოიმუშაო რუტინა, არ დაგეზაროს და ლამაზად გამოიყურებოდე. რა თქმა უნდა, მეც მაქვს პერიოდები, როცა სიზარმაცე შემომიტევს, გადაღლილი ვარ და განსაკუთრებულად არ ვუვლი თავს, რაც ახლა მჭირს. მაგრამ, არის პერიოდები, როცა ძალიან ვაქცევ თავის მოვლას ყურადღებას. თუმცა, რაც არ უნდა მოდუნებული და დაღლილი ვიყო, მოუწესრიგებელს სახლში ვერ მნახავთ, სულ ფორმაში ვარ. სახლის ტანსაცმელი არ მაქვს და ეს ბებიამ მასწავლა. მეუბნებოდა: ქალს სახლის და საგარეო ტანსაცმელი არ უნდა ჰქონდეს, სულ გაპრანჭული უნდა იყოსო. რასაკვირველია, ეს იმას არ ნიშნავს, რომ სახლში გიპიურითა და მაქმანებით დავდივარ, მაგრამ ლამაზი ტანსაცმელი მაცვია.” -ამბობს მომღერალი.
ნინო ჩხეიძე სახის კანს განსაკუთრებულად უვლის. ცდილობს ხარისხიანი კოსმეტიკა გამოიყენოს და არასოდეს იტოვებს სახეზე მაკიაჟს, სახლში მისვლისთანავე, მაშინვე იბანს. ყოველთვის ხმარობს ღამისა და დღის საცხს. უყვარს კანის კომპლექსური მოვლა, რომელიც დაახლოებით, 25 წლიდან დაიწყო.
წლების მატება კი არ აშინებს. მისი თქმით მნიშვნელობა არ აქვს რამდენი წლის ხარ, მნიშვნელობა აქვს, როგორი ხასიათის ხარ, როგორ განწყობაზე და როგორი აურა გაქვს.
ახალი წლის შემდეგ ისევ გვრჩება სადღესასწაულო და რომანტიული განწყობა, რომელიც გსურს რაც შეიძლება დიდხანს შეინარჩუნო.
რომანტიული განწყობის შესანარჩუნებლად გთავაზობთ ფილმების ჩამონათვალს, საღამოებისთვის ორი ადამიანისთვის.
რომაული არდადეგები
უკვდავი ისტორია ქალბატონზე და მაწანწალაზე, რომელიც უილიამ უალერმა 1953 წელს გადაიღო. ფილმი ” რომაული არდადაგები” – მოკლე, მაგრამ გულწრფელ შეხვედრაზე, ერთი დღე, რომელიც პრინცესამ და ჟურნალისტმა ერთად გაატარეს და ერთმანეთში საუკეთესო თვისებები აღმოაჩინეს.
კასაბლნკა
მთელი მსოფლიო ინგრევა, ჩვენ კი ეს დრო შევარჩიეთ სიყვარულისთვის. “კასაბლანკა” ნამდვილად უნიკალური ფილმია, რომელშიც ომის დროს სყვარულია ასახული. იმ დროს, როცა გარშემო მილიონობით ადამიანი იღუპებოდა, ორმა ადამიანმა შეძლო და შეიყვარა ერთმანეთი.
მოჩვენება
მგრძნობიარე ფილმი სიყვარულზე, რომელიც სიკვდილის შემდეგაც გადაარჩენს ადამიანს. სიუჟეტის მიხედვით, სემი ტრაგიკული დაღუპვის შემდეგ ცდილობს დაიცვას თავისი შეყვარებული, მაგრამ როგორ, თუ მას არ ესმის და ვერ ხედავს ? რეჟისორმა ჯერი ცუკერმა შეძლო მაყურებლამდე მიეტანა აზრი : “შენ დაიჯერებ”. ჩვენ დავიჯერეთ ნამდვილი სიყვარულის, კეთილი გულის და ლამაზი ზღაპრის.
მონანიება
ფილმი იენა მაკიუენის რომანის მოტივებზეა გადაღებული. სიუჟეტის მიხედვით, პატარა ბრიონმა იცის, რომ მოსამსახურის შვილი რობი შეყვარებულია მის უფროს დაზე და ისიც ასევე პასუხობს. მაგრამ როდესაც მისი ბიძაშვილი სექსუალური ძალადობის მსხვერპლი ხდება , ბრიონი რობის ადანაშაულებს – ასე უკარნახა მას წრმოსახვამ.
ცვლილებების გზა
მეორე ფილმი, სადაც ლეონარდო დიკაპრიო და ქეით უინსლეტი ერთად თამაშობენ. ჩვენ სპეციალურად არ ავარჩიეთ მათი პირველი ფილმი “ტიტანიკი”, რადგან სწორედ “ცვლილებების გზა”-ში არის ცხოვრებისეული და ოჯახური სიძნელეები აღწერილი. ეს ფილმი არ არის ბედნიერ სიყვარულზე, არამედ იმაზე, თუ რამდენად მნიშვნელოვანია გაურთხილდეს წყვილი გრძნობებს მრავალწლიანი თანაცხოვრების შემდეგ.
“საქართველოს საზოგადოებრივი ჯანდაცვის ინსტიტუტმა” (PHIG) საქართველოში პირველად ჩაატარა კვლევა სილამაზის პროდუქტების ხელმისაწვდომობასთან დაკავშირებით.
რეიტინგს “საზოგადოებრივი ჯანდაცვის ინსტიტუტის” თავმჯდომარე, ჯანდაცვის საერთაშორისო ორგანიზაციის ექსპერტი, პროფესორი გიორგი ფხაკაძე აქვეყნებს:
PHIG 2025 January
კვლევის მიზანი:
“საქართველოს საზოგადოებრივი ჯანდაცვის ინსტიტუტმა” (PHIG) განახორციელა აფთიაქების ფასების, ხელმისაწვდომობისა და მომსახურების ხარისხის შეფასების კვლევა. პირველად საქართველოში შეიქმნა აფთიაქების დამოუკიდებელი რეიტინგი, რომელიც ემყარება მონაცემების ანალიზსა და სამართლიან შეფასებას.
კვლევის მთავარი მიზანი იყო მომხმარებელთა ინფორმირება და აფთიაქების მომსახურების გაუმჯობესების სტიმულირება.
რატომ Nivea?
კვლევისთვის შერჩეული იქნა Nivea-ს სახისა და ტანის კრემები (100მლ და 200მლ).
✔ პოპულარობა: Nivea საქართველოში ერთ-ერთი ყველაზე მოთხოვნადი პროდუქტია.
✔ ფასების ვარიაცია: აფთიაქებს შორის ფასების მნიშვნელოვანი განსხვავებაა.
✔ სტანდარტიზაცია: Nivea-ს პროდუქტი ყველა აფთიაქში ერთნაირი ხარისხით ხელმისაწვდომია, რაც კვლევას სამართლიანს ხდის.
შეფასების მეთოდოლოგია
აფთიაქები შეფასდა 6 ძირითადი ინდიკატორის მიხედვით, თითოეულისთვის მინიჭებული ქულებით (0-5).
რეიტინგის განაწილება შემდეგნაირია:
• 🟢 მწვანე (25-30 ქულა): შესანიშნავი მომსახურება.
• 🟡 ყვითელი (15-24 ქულა): საშუალო დონის მომსახურება.
• 🔴 წითელი (<15 ქულა): დაბალი დონის მომსახურება.
მთავარი მიგნებები და შედეგები
💸 ფასები
• Nivea 100მლ კრემის ფასი მერყეობდა 16.74-18.85 ლარამდე.
• Nivea 200მლ კრემის ფასი მერყეობდა 14.08-28.15 ლარამდე.
👉 ავერსი და ფარმადეპო & GPC გამოირჩეოდნენ ყველაზე დაბალი ფასებით.
🌐 ვებსაიტები და ონლაინ მაღაზიები
• ფარმადეპო & GPC, PSP და ავერსის ვებსაიტები მომხმარებლისთვის ყველაზე ფუნქციონალური და მარტივი იყო.
• ფარმა ჰაუსსა და იმპექსს ონლაინ შეძენის შესაძლებლობა საერთოდ არ გააჩნიათ.
💬 Facebook Messenger რეაგირება
• ფარმა ჰაუსმა უპასუხა მომხმარებლის შეკითხვას 1 წუთში.
• სხვა აფთიაქების კომუნიკაცია Facebook-ზე არაეფექტური იყო.
აფთიაქების რეიტინგი
1. ავერსი: 21 ქულა (🟡 საშუალო)
2. ფარმადეპო & GPC: 19 ქულა (🟡 საშუალო)
3. PSP: 19 ქულა (🟡 საშუალო)
4. ფარმა ჰაუსი: 14 ქულა (🔴 დაბალი)
5. იმპექსი: 1 ქულა (🔴 დაბალი)
PHIG-ის შეფასება
როგორც პროფესორი გიორგი ფხაკაძე აღნიშნავს:
“აფთიაქების შეფასების სისტემა არა მხოლოდ მომხმარებლებს, არამედ თავად ქსელებსაც სთავაზობს განვითარებისა და გაუმჯობესების შესაძლებლობას.”
PHIG-ის დასკვნით, მიუხედავად იმისა, რომ ავერსის, ფარმადეპო & GPC-ის მომსახურება უკეთესია, მნიშვნელოვანი პოტენციალი არსებობს ყველა ქსელში.
რეკომენდაციებიაფთიაქებისთვის:
1. Facebook Messenger-ის კომუნიკაცია გააუმჯობესეთ – სწრაფი და ზუსტი პასუხები აუცილებელია.
2. განავითარეთ ონლაინ პლატფორმები – თანამედროვე ბაზარზე ვებსაიტები და ონლაინ მაღაზიები კონკურენტული უპირატესობაა.
3. გაზარდეთ ფასების გამჭვირვალობა და პროდუქციის მრავალფეროვნება.
📌 მომხმარებლებისთვის:
შეფასების სისტემა დაგეხმარებათ ინფორმირებული არჩევანის გაკეთებაში. შედით www.shenisilsmaze.ge-ზე და იპოვეთ აფთიაქების დეტალური რეიტინგი.
შეჯამება:
PHIG-ის ინიციატივამ განაპირობა პირველი დამოუკიდებელი აფთიაქების შეფასების სისტემა, რომელიც სილამაზის პროდუქტებზე ხელმისაწვდომობის გაუმჯობესებას ისახავს მიზნად საქართველოში.
მონიკა ბელუჩი Dolce&Gabbana-ს გამოფენაზე, რომელიც პარიზში გაიმართა
მონიკა ბელუჩი ღონისძიების განსაკუთრებულ სტუმრებს შორის იყო.
Dolce & Gabbana-მ კვლავ მოახდინა შთაბეჭდილება მოდისა და კულტურის მოყვარულებზე გრანდიოზული ღონისძიებით, რომელიც გაიმართა პარიზში, გრანდ-პალესში. გამოფენა, სახელწოდებით „Alta Moda: ხელოვნებისა და მოდის სინთეზი“, მოიცავდა 200-ზე მეტ უნიკალურ კოსტიუმს, რომლებიც წარმოადგენდნენ ბრენდის ფანტაზიასა და ხელოვნებისადმი სიყვარულს.
Dolce & Gabbana-მ გლობალური მოდის ისტორიისთვის მნიშნელოვანი კოლექციები წარმოადგინა. ნამუშევრები შეიქმნა საუკეთესო იტალიელი ოსტატების ხელით და აერთიანებდა ხელნაკეთი დეტალების, ძვირფასი მასალებისა და კულტურული მემკვიდრეობის მოტივებს. ბრენდის ისტორიული განვითარების ყველა ეტაპი, Alta Moda-ს მდიდრული, ხელოვნებასთან შერწყმული კოლექციები, საოცარი დეტალიზაციით იყო წარმოდგენილი.
ბელუჩი, რომელიც მრავალი წლის განმავლობაში იყო Dolce & Gabbana-ს მუზა, ღონისძიებაზე კლასიკური შავი კაბით წარდგა. მისი იმიჯი გამოხატავდა იტალიური მოდის სიმბოლოს — სიძლიერისა და ქალურობის უნიკალურ კომბინაციას.
ოქროს გლობუსზე“ მსახიობი, ემა სტოუნი ყველასთვის მოულოდნელად ახალი იმიჯით წარსდგა– „გარსონის“ ვარცხნილობა.
ემა სტოუნი ახალი ვარცხნილობით საკმაოდ უჩვეულო იყო და ახალი იმიჯის შესაჩვევად ალბათ დროც დაგვჭირდება.
ვარსკვლავი ცერემონიაზე Louis Vuitton-ის კაბით გამოჩნდა, მიუხედავად „ოსკარის“ დაჯილდოებაზე მცირე ინციდენტისა. მაშინ სწორედ ამ ბრენდის კაბა მოულოდნელად პირდაპირ სცენაზე გაიხსნა.
შარლიზ ტერონი Dior-ის კანის მოვლის ხაზის Dior Capture-ის სახე გახდა
შარლიზ ტერონი 2025 წლის Dior-ის ლეგენდარული კანის მოვლის ხაზის Capture-ის სახე გახდა. ვარსკვლავი იდეალურად განასახიერებს Dior Capture-ის ქალის იმიჯს: ძლიერი, თავდაჯერებული და კიდევ უფრო მიმზიდველი.
ახალი საერთაშორისო ელჩი Dior Capture შარლიზ ტერონი დიდი ხანია ბრენდის მეგობარია. მისი ფასეულობები და ურყევი სიძლიერე იდეალურად ერწყმის ხაზის ახალ კონცეფციას. სამხრეთ აფრიკის მკვიდრი, ოსკაროსანი მსახიობი შარლიზ ტერონი თანამედროვე კინოს ერთ-ერთი ყველაზე გამორჩეული ვარსკვლავია. მისი შთამბეჭდავი შესრულება პეტი ჯენკინსის ფილმში „მონსტრი“ დაჯილდოებული იყო „ოსკარით“, „ოქროს გლობუსით“, ამერიკის კინომსახიობთა გილდიის ჯილდოთი და „დამოუკიდებელი სულის“ პრემიით.
მსახიობური კარიერის მიღმა, ტერონი არის გაეროს მშვიდობის ელჩი და პროექტის Charlize Theron Africa Outreach Project (CTAOP) დამფუძნებელი. ეს ინიციატივა მიზნად ისახავს სამხრეთ აფრიკის ახალგაზრდების ჯანმრთელობის, განათლებისა და უსაფრთხოების გაუმჯობესებას. CTAOP თანამშრომლობს საზოგადოებრივ ორგანიზაციებთან სექსუალური და რეპროდუქციული ჯანმრთელობის ხელშეწყობისთვის, აივ ინფექციის პრევენციისთვის და გენდერული ძალადობის წინააღმდეგ საბრძოლველად. COVID-19-ის პანდემიის დროს ტერონმა და CTAOP-მა წამოიწყეს კამპანია Together for Her (ერთად მისთვის), ორგანიზაციებთან CARE და გასართობი ინდუსტრიის ფონდთან ერთად, რათა ებრძოლათ გენდერული ძალადობის წინააღმდეგ.
შარლიზ ტერონისა და Dior-ის თანამშრომლობა 2004 წელს დაიწყო, როდესაც მსახიობი გახდა ბრენდის ლეგენდარული სუნამოს, J’Adore-ის, სახე. ამ პარტნიორობამ წლების განმავლობაში მრავალი წარმატებული კამპანია მოიცვა, სადაც ტერონი განასახიერებდა Dior-ის ელეგანტურობასა და ქალურობას.
ერთ-ერთ ინტერვიუში შარლიზ ტერონმა აღნიშნა: „Dior-თან მუშაობა ჩემთვის დიდი პატივია. მათი ხედვა და შემოქმედებითი მიდგომა ყოველთვის შთამაგონებს.“ ეს თანამშრომლობა არა მხოლოდ კომერციული წარმატების, არამედ მხატვრული თვითგამოხატვის შესაძლებლობადაც იქცა მსახიობისთვის.
Dior-ის წარმომადგენლებმა ასევე გამოხატეს აღფრთოვანება ტერონთან მუშაობის შესახებ: „შარლიზი იდეალურად ასახავს ჩვენი ბრენდის ღირებულებებს. მისი სიძლიერე, სილამაზე და ელეგანტურობა სრულად ერწყმის J’Adore-ის სუნამოს სულისკვეთებას.“
ამ მრავალწლიანმა თანამშრომლობამ შარლიზ ტერონი და Dior მჭიდროდ დააკავშირა, შექმნა რა მრავალი დაუვიწყარი სარეკლამო კამპანია, რომელიც დღემდე შთაბეჭდილებას ახდენს მოდის სამყაროზე.
კალიფორნიის შტატის ლოს-ანჯელესის ოლქში მეოთხე დღეა მძვინვარებს ტყეებიდან დაწყებული მასშტაბური ხანძარი, რომელიც ძლიერი ქარის გამო სწრაფად გავრცელდა დასახლებულ რაიონებზე.
ხანძარი ამ დრომდე არ არის ლიკვიდირებული და დაღუპულია, სულ მცირე, 10 ადამიანი. სტიქიური უბედურების ზონიდან ევაკუირებულია ათეულობით ათასი ადგილობრივი მცხოვრები.
ტელეკომპანია CNN-ის ცნობით, 9 იანვრის დღის ბოლოსთვის მეხანძრეები ცეცხლის გავრცელებას ებრძოდნენ ხუთ რაიონში. ხანძარმა უკვე გაანადგურა 10 000-ზე მეტი სახლი და სხვა შენობა.
ყველაზე მეტად დაზარალდა პასიფიკ-პალისეიდსის რაიონი.
აშშ-ის პრეზიდენტმა ჯო ბაიდენმა კალიფორნიაში მასშტაბური სტიქიური უბედურების რეჟიმი გამოაცხადა და შესაბამის ფედერალურ სამსახურებს დაავალა შტატისთვის ყველა სახის აუცილებელი დახმარების გაწევა. ხანძრის გამო ბაიდენმა იტალიაში ვიზიტი გადადო.
2025 წლის იანვრის ხანძარი ლოს-ანჯელესის ისტორიაში ყველაზე გამანადგურებელი აღმოჩნდა.
რიანას ორეული საქართველოში – გაიცანით როუზ კოენი, რომლის ჩამოსვლასაც ხმაური მოჰყვა
როუზ კოენი, რიანას დოპელგანგერია. ის წარმოშობით ბრაზილიელია და ესპანეთში ცხოვრობს, როუზს წარმოუდგენელი მსგავსება აქვს სუპერვარსკვლავთან და უყვარს მისი განსახიერება. თუმცა, როუზისთვის ეს მხოლოდ სამუშაო არ არის; როგორც რიანას მასიური გულშემატკივარი, იგი ამას მომღერლის პატივისცემის გზად მიიჩნევს.
აღსანიშნავია რომ რიანას ორეული საახალწლოდ საქართველოს ეწვია და საახალწლო შოუებშიც მიიღო მონაწილეობა, რამაც ქართველ მაყურებელში არაერთგვაროვანი ემოცია გამოიწვია.
შობა-ახალ წელიწადის მოახლოებასთან ერთად შესაბამის თემატიკაზე გადაღებული ფილმების პოპულარობა უფრო და უფრო იზრდება. გამოვყოთ სამი ყველაზე მაღალშემოსავლიანი საახალწლო ფილმი
მაღალშემოსავლიანი საახალწლო ფილმების სამეული ასე გამოიყურება:
ჩამონათვალში პირველ ადგილს 511.8 მილიონი აშშ დოლარით ანიმაციური ფილმი „გრინჩი“ იკავებს. შეგახსენებთ, რომ მისი რეჟისორები სკოტ მოჟე და იაროუ ჩეინი არიან. ფილმი, რომელიც ამერიკელი საბავშვო მწერლისა და ანიმატორის, დოქტორ სიუზის მიერ 1957 წელს გამოქვეყნებული ნაწარმოების – „როგორ მოიპარა გრინჩმა შობა!“ ეკრანიზაციას წარმოადგენს, კინოთეატრებში 2018 წლის 9 ნოემბერს გამოჩნდა. 86-წუთიანი ანიმაციის გადაღება საერთო ჯამში 75 მილიონი აშშ დოლარი დაჯდა.
მეორე პოზიციას 476.7 მილიონი აშშ დოლარით კრის კოლუმბუსის რეჟისორობით გადაღებული კომედია „მარტო სახლში“ იკავებს. ფილმში ცნობილი მსახიობები – მაკოლეი კალკინი, ჯო პეში, კეტრინ ო’ჰარა და სხვები მონაწილეობენ. კინოსურათის პრემიერა ჩიკაგოში 1990 წლის 10 ნოემბერს შედგა. აღსანიშნავია, რომ ფილმის ბიუჯეტი 18 მილიონ აშშ დოლარს შეადგენს.
345.1 მილიონ აშშ დოლარით სიაში მესამე ადგილს ფილმი „როგორ მოიპარა გრინჩმა შობა“ სჯერდება. ის კომპიუტერული ანიმაცია „გრინჩის“ მსგავსად დოქტორ სიუზის ნაწარმოებზეა დაფუძნებული. ფილმი, რომლის რეჟისორიც რონ ჰოვარდია, კინოთეატრებში 2000 წლის 17 ნოემბრიდან გამოჩნდა. კომედიურ დრამაში მთავარ როლს ცნობილი მსახიობი ჯიმ ქერი ასრულებს. კინოსურათის გადაღება ჯამში 123 მილიონი აშშ დოლარი დაჯდა.
ვიოლა დევისი, ტედ დენსონი ოქროს გლობუსი 2025-ის დაჯილდოების ცერემონიაზე ბრწყინავდნენ
ოქროს გლობუსი 2025 წლის გრანდიოზული დაჯილდოება 3 იანვარს გაიმართა. სადაც ტედ დენსონმა მიიღო კეროლ ბერნეტის ჯილდო, ხოლო ვიოლა დევისს გადაეცა სესილ ბი დემილის ჯილდო ინტიმური სცენისთვის, რომელიც ერთდროულად მხიარულიც იყო და ღრმად ემოციურიც.
ცერემონიაზე ნომინანტები წინასწარ გახდა ცნობილი. ოქროს გლობუსმა გადაწყვიტა მთელი საღამო მიეძღვნა გახსნის ცერემონიისთვის, გრძელი კლიპებისთვის, შესავალი შენიშვნებისა და ნომინანტი გამოსვლებისთვის, რამაც დრო მისცა არტისტებს თავიანთი კუთვნილი პრიზი და პრიზის გადაცემის მომენტი ბოლომდე შეეგრძნოთ.
Globes-ის პრეზიდენტმა ჰელენ ჰოენმა აღნიშნა, რომ დევისი და დენსონი არიან “საუკეთესოები, საუკეთესოთა შორის”. მან საღამო შეადარა ისეთ მომენტს, როდესაც შეგვიძლია აღვნიშნოთ ყველაფერი, რაც გვხიბლავს კინოსა და ტელევიზიაში.
დენსონს ჯილდო მისმა მეუღლემ, მერი სტინბურგენმა გადასცა, რომელმაც ხაზი გაუსვა თავისი მეუღლის ემოციურობას და დაახასიათა როგორც კარგი კოლეგა, კარგი ადამიანი და მეუღლე.
აღსანიშნავია რომ მსახიობი მხარს უჭერს დედამიწის ეკო სისტემაზე ზრუნვას.
ჯილდოს მიღებისას დევისმა კი თქვა: „ვგრძნობ, თითქოს ვიღაცამ ცეცხლი წამიკიდა“ და ნანობდა, რომ მომზადებული სიტყვა გადააგდო. შემდეგ მან დაიწყო 15-წუთიანი მონოლოგი იმის შესახებ, რომ ღარიბ ოჯახში იზრდებოდა და ხშირად ესმოდა რომ ლამაზი არ იყო. კარიერის დასაწყისში მან აღიარა, რომ იღებდა ნებისმიერ სამუშაოს, რომელშიც ფულს სთავაზობდნენ.
200 სტუმარს შორის იყვნენ ცნობილი სახეები, მათ შორის ტედ სარანდოსი, ჯეინ ფონდა, ტროი ჰეიდენი, ბეიფეისი და ენტონი ანდერსონი. სტუმრები შეექცეოდნენ ზღვის პროდუქტებს, სტეიკსა და ვეგეტარიანულ კერძებს.
დაჯილდოებულებს წარადგენენ 82-ე ყოველწლიურ ოქროს გლობუსზე, სეზონის პირველ მთავარ დაჯილდოების ცერემონიაზე, რომელიც გაიმართება ბევერლი ჰილტონში და პირდაპირ ეთერში გავა 2025 წლის 5 იანვარს, საღამოს 5 საათზე მსოფლიოს სხვადასხვა არხებზე.
