ყველასთვის საყვარელმა მოდელმა და მსახიობმა, მონიკა ბელუჩიმ დემნა გვასალიას შექმნილი სამოსი მოირგო.
კადრებს demnagram ავრცელებს.
Netflix-ის ყველაზე ნახვადი შოუს SQUID GAME-ის მეორე სეზონი 2024 წლის ბოლომდე გამოვა
სტრიმინგის სერვისი Netflix კალმარის თამაშის მეორე სეზონს 2024 წლის ბოლომდე გამოუშვებს. ამის შესახებ ინფორმაციას პლატფორმის ხელმძღვანელი ტედ სარანდოსი ავრცელებს.
ამ ეტაპზე უცნობია პოპულარული სამხრეთკორეული სერიალის ახალი სეზონის გამოსვლის ზუსტი თვე და რიცხვი.
კადრი მეორე სეზონიდან
Squid Game 2021 წლის ერთ-ერთი ყველაზე ცნობილი და სენსაციური სერიალია, რომელიც მოკლე დროში Netflix-ის ყველაზე ნახვადი შოუ გახდა. სიუჟეტის მიხედვით ადამიანები დიდი ფულის სანაცვლოდ სასიკვდილო თამაშებში იღებენ მონაწილეობას, რომელსაც იდუმალებით მოცული ორგანიზატორები კუნძულზე ატარებენ.
როგორ მივანიჭოთ მოცულობა თხელ და დაზიანებულ თმას?
თხელი თმა უფრო მგრძნობიარე და მტვრევადია, ხშირად ჩნდება გაყოფილი ბოლოებიც.
ამ ტიპის თმის მქონე ადამიანების საერთო განცდაა ის, რომ თხელი თმა ადვილად ბინძურდება და ვერ ინარჩუნებს რაიმე ტიპის ვარცხნილობას. შესაძლებელია თმას მივცეთ სქელი ეფექტი, ისე რომ თმის სტრუქტურაც გავაუმჯობესოთ?
დიახ, ეს ყოველივე შესაძლებელია სწორი მოვლით.
ნებისმიერი ტიპის თმისთვის აუცილებელია მორგებული თმის მოვლის რუტინა: პირველ რიგში, შევარჩიოთ დელიკატური თმის მოვლის პროდუქტები სპეციალურად შექმნილი იმისათვის, რომ თმას მიეცეს მოცულობა და გამოიყურებოდეს ბუნებრივად დამძიმების გარეშე.
გთავაზობთ კონკრეტული მოვლის სისტემა თმის მოცულობის მისანიჭებლად: სკალპის ნაზად გასაწმენდად და დასატენიანებლად საჭიროა მოცულობის მისანიჭებელი შამპუნი და ნიღაბი.
მოცულობისა და ოპტიმალური სტილის მისაღებად აუცილებელია სკალპის ნორმალიზება და ბალანსის აღდგენა, ამისათვის შეგიძლიათ გამოიყენოთ აღმდგენი სპრეი თმისა და სკალპისთვის.
გარდა ამისა, გირჩევთ თმის თავდაყირა გაშრობას დიფუზორის დახმარებით, რათა თავიდან აიცილოთ ძალიან ცხელი ჰაერი. კუტიკულების დახურვისა და მათი შესანარჩუნებლად, ცვალეთ ცივი და ცხელი ჰაერის ნაკადები მთელ თმაზე და ჩართეთ ყოველდღიურ რუტინაში ორგანული თმის მოვლის საშუალებები.
2026 წლისთვის “ბეჭდების მბრძანებლის” სამყაროზე ახალი ფილმი გამოვა
Warner Bros. Discovery-ის აღმასრულებელმა დირექტორმა და პრეზიდენტმა, დევიდ ზასლავმა თქვა, რომ 2026 წელს ბეჭდების მბრძანებლის სამყაროზე ახალი ფილმი გამოვა.
Warner Bros. Discovery-ის დირექტორის თქმით, ფილმზე იმუშავებს ბეჭდების მბრძანებლისა და ჰობიტის ტრილოგიების რეჟისორი, პიტერ ჯექსონი. ჯექსონს მისივე ცოლი, ფრენ უოლში და ფილიპა ბოიენსი სცენარზე მუშაობაში დაეხმარებიან. უოლში და ბოიენსი წარსულში უკვე მუშაობდნენ ბეჭდების მბრძანებლისა და ჰობიტისსცენარზე.
ზასლავის თქმით, ფილმი “ჩაუღრმავდება ისტორიებს, რომლებიც ჯერ არ მოუყოლიათ”. მისივე თქმით, ბეჭდების მრძანებლის, ჰარი პოტერისა და DC Universe-ის ფრენჩაიზები ნაკლებადაა გამოყენებული, რის “გამოსწორებაზეც” მუშაობენ.
ახალი ფილმის შესახებ დამატებითი დეტალები უცნობია. ეს იქნება პირველი ფილმი ბეჭდებისმბრძანებლის სამყაროზე, რომელსაც Warner Bros.-ს სტუდია გადაიღებს.
ბეჭდების მბრძანებელი ეფუძნება ბრიტანელი მწერლისა და ლინგვისტის, ჯონ რონალდ რუელ ტოლკინის ნაწარმოებებს. ფენტეზის ჟანრის ამ წიგნებში ძირითადი მოქმედება გამოგონილ კონტინენტ შუამიწეთში ხდება.
კანის საერთაშორისო კინოფესტივალი დაიწყო – საქართველო ეროვნული პავილიონით მონაწილეობს
14-25 მაისს ქალაქ კანში 77-ე საერთაშორისო კინოფესტივალი იმართება, რომელზეც საქართველოს ეროვნული კინოცენტრის პავილიონი გაიხსნა.
კულტურისა და სპორტის სამინისტროს, სსიპ-ის „აწარმოე საქართველოში“ და ღვინის ეროვნული სააგენტოს მხარდაჭერით წარდგენილი საქართველოს პავილიონი წარმოაჩენს ქართული კინოს უმდიდრეს მემკვიდრეობას, წარადგენს ახალ პროექტებს, პოპულარიზაციას გაუწევს საქართველოს, როგორც აღმოსავლეთ ევროპაში კინოგადაღებებისთვის უმნიშვნელოვანეს ქვეყანას.
ქართული კინოს სათანადოდ წარდგენისა და პოპულარიზაციის მიზნით, კინოცენტრის დელეგაციაში მონაწილეობს არაერთი ქართველი რეჟისორი და პროდიუსერი, რომლებიც შეძლებენ სხვადასხვა საპროდიუსერო კომპანიის წარმომადგენლების გაცნობას და დასახავენ გეგმებს როგორც ერთობლივი პროდუქციის შესაქმნელად, ასევე, ქვეყნის კინოწარმოების განსავითარებლად. ეს ხელს შეუწყობს ქართველი კინოხელოვანების საერთაშორისო კავშირების განმტკიცებას და მათი მიმდინარე პროექტების წარმატებას. კინორეჟისორებითა და პროდიუსერებით დაკომპლექტებულ დელეგაციას აქვს შესაძლებლობა, საკუთარი შემოქმედებით თუ სამომავლო პროექტებით დააინტერესოს ევროპული ბაზარი და ხელი შეუწყოს ქართული კინოს პოპულარიზაციას.
აღსანიშნავია, რომ საქართველოს ეროვნულმა კინოცენტრმა მიმდინარე წლის მარტში კანის საერთაშორისო კინოფესტივალის კინობაზრობაზე სრულმეტრაჟიანი მხატვრული ფილმების ჩვენების დაფინანსების მიზნით კონკურსი გამოაცხადა, რომლის შედეგადაც კინოფესტივალის ბაზრობაზე რეჟისორ თინათინ ყაჯრიშვილისა და პროდიუსერ ლაშა ხალვაშის ფილმის, „მოქალაქე წმინდანის“ ჩვენება გაიმართება, რომელიც გადაღებულია საქართველოს ეროვნული კინოცენტრის მხარდაჭერით. ფილმი არაერთი საერთაშორისო ჯილდოს მფლობელია.
ევროპულ კინობაზრობაზე საქართველოს დელეგაციამ, რომელსაც ეროვნული კინოცენტრის დირექტორის მოვალეობის შემსრულებელი კობა ხუბუნაია ხელმძღვანელობს, უკვე გამართა შეხვედრები საერთაშორისო კინომწარმოებლებთან, სადისტრიბუციო კომპანიების, საერთაშორისო კინოორგანიზაციებისა და ფონდების წარმომადგენლებთან. ფესტივალის განმავლობაში დაგეგმილია სამუშაო შეხვედრები პროდიუსერებთან, კომპანიების, კინოთეატრების, ონლაინპორტალებისა თუ საერთაშორისო კინოფესტივალების წარმომადგენლებთან. დაიგეგმება პროექტები, რომლებიც საქართველოში უცხოურ ინვესტიციებს მოიზიდავს. ფესტივალის მსვლელობისას დაგეგმილია საქართველოს, როგორც კინოწარმოებისთვის მიმზიდველი ქვეყნის, რეკლამირება/პოპულარიზაცია. ამ მიზნით საქართველოს პავილიონში ეროვნული კინოცენტრის გუნდთან ერთად მუშაობენ პროგრამის – „გადაიღე საქართველოში“ – წარმომადგენლები.
ინფორმაციისთვის, 15-25 თებერვალს ბერლინის საერთაშორისო კინოფესტივალზე ეროვნული კინოცენტრის წარმომადგენლებმა, ქართველმა რეჟისორებმა და პროდიუსერებმა მნიშვნელოვანი და წარმატებული შეხვედრები გამართეს სხვადასხვა ქვეყნის კინომწარმოებელ კომპანიებთან, პროდიუსერებთან, საერთაშორისო კინოფესტივალების პროგრამების შემდგენლებთან და არაერთი ერთობლივი პროექტი დაგეგმეს.
ქართულ და ევროპულ კინოს, ათწლეულებია, მჭიდრო ურთიერთობა აკავშირებს. სწორედ ამ ურთიერთობის გაღრმავებისა და მომავალი თანამშრომლობის პერსპექტივების წარმოსაჩენად იმყოფება წლევანდელ კანის კინოფესტივალზე საქართველოს კინოცენტრის წარმომადგენლობითი დელეგაცია.
ინფორმაციას კულტურის სამინისტროს პრესსამსახური ავრცელებს.
ბანანის მრავალმხრივი გამოყენება – გაეცანით ამ სასარგებლი ხილის აქამდე უცნობ თვისებებს
ცნობილი ფაქტია, რომ ბანანი სასარგებლოა ჯანმრთელობისთვის. თუმცა, ამის გარდა, მას მრავალმხრივი დანიშნულება აქვს, რომელსაც წარმოგიდგენთ მოცემულ სტატიაში.
- სახის ნიღაბი
ბანანისგან შეგიძლიათ დაამზადოთ ბუნებრივი სახის ნიღაბი, რომელიც ატენიანებს კანს და ანიჭებს მეტ სირბილეს. გახეხეთ საშუალო ზომის მწიფე ბანანი და დაამზადეთ პიურე. ნაზად წაისვით სახეზე და კისერზე. 10-20 წუთის შემდეგ ჩამოიბანეთ ცივი წყლით. ბანანის ნიღბის კიდევ ერთი გავრცელებული რეცეპტია 1/4 ჭიქა ჩვეულებრივი იოგურტის, 2 სუფრის კოვზი თაფლისა და 1 საშუალო ზომის ბანანის ნაზავი. ეს შესანიშნავი ხერხია, როდესაც ბანანის ქერქი შავდება და ყოველდღე ბანანის ჭამაც მოსაბეზრებელი გახდა.
- მარტივად მიღებული თეთრი კბილები
ბანანის ქერქი შეიცავს ლიმონმჟავას, რომელიც კბილებზე ზედაპირულ ლაქებს ასუფთავებს. კბილების გამოხეხვის შემდეგ, კბილებზე შეიზილეთ ბანანის ქერქის შიდა მხარე დაახლოებით ორი წუთის განმავლობაში ყოველდღე და თქვენ მიიღებთ უფრო თეთრ და კაშკაშა ღიმილს.
- მშრალი თმა სიჯანსაღისთვის
მშრალი თმის გამოსაჯანსაღებლად მნიშვნელოვანია მწიფე ბანანისგან პიურეს მასის გაკეთება. რაოდენობა დამოკიდებულია თქვენი თმის სიგრძეზე. ბანანის პიურე შეიზილეთ სკალპიდან თმის ბოლოებამდე, გაიჩერეთ 15 წუთით და შემდეგ ჩამოიბანეთ შამპუნით.
- ბანანის ნაყინი
ბანანს გააცალეთ ქერქი და გაჭერით შუაზე. გაჭრილი ადგილიდან დაამაგრეთ ბანანი ხის ჯოხზე, მოათავსეთ ცვილის ქაღალდზე და შედგით საყინულეში. რამდენიმე საათის შემდეგ კი მიირთვით ეს გემრიელი ბანანის ნაყინი.
- ვერცხლის ჭურჭელისა და ტყავის ფეხსაცმლის გასუფთავება
ბანანის ქერქის გამოყენება შესანიშნავი გზაა ვერცხლის ჭურჭლისა და ტყავის ფეხსაცმელის ბზინვარების დასაბრუნებლად. პირველ რიგში ბანანის ქერქი სრულიად გაასუფთავეთ შიგნიდან ყოველგვარი ნარჩენისგან და ქერქის შიგნითა მხარე წაუსვით ვერცხლის ჭურჭელსა და ტყავის ფეხსაცმელს, შემდეგ კი იგი რბილი ქაღალდით ან ქსოვილით გაწმინდეთ. ამ ტექნიკის გამოყენება შესაძლებელია ტყავის ავეჯის გასაახლებლადაც. თუმცა ჯერ პატარა მონაკვეთზე სცადეთ და თავად ნახეთ რამდენად მოგწონთ მიღებული ეფექტი.
ბანანის მრავალმხრივი გამოყენება
ცნობილი ფაქტია, რომ ბანანი სასარგებლოა ჯანმრთელობისთვის. თუმცა, ამის გარდა, მას მრავალმხრივი დანიშნულება აქვს, რომელსაც წარმოგიდგენთ მოცემულ სტატიაში.
1. სახის ნიღაბი
ბანანისგან შეგიძლიათ დაამზადოთ ბუნებრივი სახის ნიღაბი, რომელიც ატენიანებს კანს და ანიჭებს მეტ სირბილეს. გახეხეთ საშუალო ზომის მწიფე ბანანი და დაამზადეთ პიურე. ნაზად წაისვით სახეზე და კისერზე. 10-20 წუთის შემდეგ ჩამოიბანეთ ცივი წყლით. ბანანის ნიღბის კიდევ ერთი გავრცელებული რეცეპტია 1/4 ჭიქა ჩვეულებრივი იოგურტის, 2 სუფრის კოვზი თაფლისა და 1 საშუალო ზომის ბანანის ნაზავი. ეს შესანიშნავი ხერხია, როდესაც ბანანის ქერქი შავდება და ყოველდღე ბანანის ჭამაც მოსაბეზრებელი გახდა.
2. მარტივად მიღებული თეთრი კბილები
ბანანის ქერქი შეიცავს ლიმონმჟავას, რომელიც კბილებზე ზედაპირულ ლაქებს ასუფთავებს. კბილების გამოხეხვის შემდეგ, კბილებზე შეიზილეთ ბანანის ქერქის შიდა მხარე დაახლოებით ორი წუთის განმავლობაში ყოველდღე და თქვენ მიიღებთ უფრო თეთრ და კაშკაშა ღიმილს.
3. მშრალი თმა სიჯანსაღისთვის
მშრალი თმის გამოსაჯანსაღებლად მნიშვნელოვანია მწიფე ბანანისგან პიურეს მასის გაკეთება. რაოდენობა დამოკიდებულია თქვენი თმის სიგრძეზე. ბანანის პიურე შეიზილეთ სკალპიდან თმის ბოლოებამდე, გაიჩერეთ 15 წუთით და შემდეგ ჩამოიბანეთ შამპუნით.
4. ბანანის ნაყინი
ბანანს გააცალეთ ქერქი და გაჭერით შუაზე. გაჭრილი ადგილიდან დაამაგრეთ ბანანი ხის ჯოხზე, მოათავსეთ ცვილის ქაღალდზე და შედგით საყინულეში. რამდენიმე საათის შემდეგ კი მიირთვით ეს გემრიელი ბანანის ნაყინი.
5. ვერცხლის ჭურჭელისა და ტყავის ფეხსაცმლის გასუფთავება
ბანანის ქერქის გამოყენება შესანიშნავი გზაა ვერცხლის ჭურჭლისა და ტყავის ფეხსაცმელის ბზინვარების დასაბრუნებლად. პირველ რიგში ბანანის ქერქი სრულიად გაასუფთავეთ შიგნიდან ყოველგვარი ნარჩენისგან და ქერქის შიგნითა მხარე წაუსვით ვერცხლის ჭურჭელსა და ტყავის ფეხსაცმელს, შემდეგ კი იგი რბილი ქაღალდით ან ქსოვილით გაწმინდეთ. ამ ტექნიკის გამოყენება შესაძლებელია ტყავის ავეჯის გასაახლებლადაც. თუმცა ჯერ პატარა მონაკვეთზე სცადეთ და თავად ნახეთ რამდენად მოგწონთ მიღებული ეფექტი.
რა ჩავიცვათ მაშინ, როდესაც ვფიქრობთ, რომ გარდერობში არაფერი გვაქვს
რა ჩავიცვათ? – თუ ამ კითხვაში საკუთარი თავი ამოიცანით, მაშინ ისიც კარგად ნაცნობი იქნება თქვენთვის, თუ რა რთულია იპოვო ამ კითხვაზე პასუხი.
რა ჩავიცავთ? ნებისმიერ ადამიანს, განურჩევლად სქესისა და ასაკისა, ხშირად, განსაკუთრებით ხშირად კი ქალს, აქვს მომენტი, როცა ფიქრობს, რომ მის გარდერობში არაფერია.
არსებობს დღეები, როცა, მიუხედავად იმისა, რომ საკუთარ გარდერობში ძალიან მცირე თავისუფალი ადგილის პოვნაც შეიძლება გაგვიჭირდეს, რთულია ხასიათის, განწყობისა და ამინდის შესაფერისი ტანსაცმლის არჩევა. უმწეოდ ვდგავართ საკუთარ გარდერობთან, ხალათში შეფუთულები და ვერაფერს ვფიქრობთ. ბუნებრივია, სტილის გამეორება, რომელიც არაერთხელ მოვირგეთ, არ გვსურს. საათის ისრები კი წამის სიზუსტით მიიწევენ წინ და ჩვენი დროც არ იცდის. როგორ მოვიქცეთ?
უპირველესად, განიხილეთ ყველა შესაძლო ვარიანტი, რაც თავში აზრად მოგივიდათ და მიჰყევით ჩვენს რჩევებს, რათა დარწმუნდეთ, რომ ამ პრობლემის გადაწყვეტა, სულაც არ არის შეუძლებელი.
1. შეუფერეთ სხვადასხვა ტანსაცმელი ერთმანეთს
თუ გაქვთ ტანზე მომდგარი კაბა, რომელიც ხშირად გაცვიათ, სცადეთ და გადმოიცვით მასზე სვიტერი. ასევე, შეგიძლიათ, ორი ერთმანეთისგან სრულიად განსხვავებული ფერისა და სტილის ტანისამოსიც მოირგოთ, რაც თქვენს იმიჯს გამოაცოცხლებს.
გახსოვდეთ, რომ რამდენიმე ძველი ტანსაცმელის ერთმანეთთან შეხამებით, ახალ იმიჯს შეიძენთ.
2. გაამხიარულეთ თქვენი ჩაცმულობა სამკაულით
ყველას გვაქვს ისეთი ტანსაცმელი, რაშიც თავს კომფორტულად ვგრძნობთ და შესაბამისად, ხშირად ვატარებთ მას. თუ წარმოდგენა არ გაქვთ რა ჩაიცვათ და ალტერნატივად კვლავ ყველაზე კომფორტულს განიხილავთ, ჩაიცვით. თუმცა, ამით ნუ დაკმაყოფილდებით. სცადეთ მოირგოთ სამკაული, რომელიც თქვენს ტანისამოსს მოუხდება და განაახლებს. ნებისმიერ დროს, როცა იდეა თითქმის არ გაქვთ, სცადეთ თქვენი უბრალო სტილი სამკაულის წყალობით გააცოცხლოთ და გაალამაზოთ.
3. შეუხამეთ გასასვლელი ყოველდღიურს
თითქმის არ არსებობს ადამიანი, ვინც თავის გარდერობს ორ ნაწილად არ ჰყოფს: ყოველდღიური და გასასვლელი ტანისამოსის მიხედვით. ერთი შეხედვით, ეს ორი ვერასოდეს გადაკვეთს ერთმანეთს, თუმცა, თუ კარგად დავფიქრდებით, გადაკვეთს კიდეც და ძალიან საინტერესო შედეგსაც მივიღებთ.
სცადეთ, ერთმანეთს შეუხამოთ გასასვლელი და ყოველდღიური ტანსაცმელი. მაგალითად ლამაზი და გასასვლელი ზედა, ყოველდღიურ ჯინსის შარვალსა და სპორულ ფეხსაცმელზე მოირგეთ. ან თქვენი ყველაზე ელეგანტური ქუსლიანი ფეხსაცმელი შეუხამეთ ჯინსებსა და თავისუფალ პიჯაკს. ეცადეთ, თავად შექმნათ საკუთარი სტილი!
4. აქცენტი ფეხსაცმელზე გააკეთეთ
შესაძლოა, ფიქრობთ, რომ ფეხსაცმელი ჩვენი სტილი ყველაზე პატარა და უმნიშვნელო დეტალია, თუმცა, წარმოდგენაც არ გაქვთ, რა როლს თამაშობს იგი ჩვენს გარეგნობაში. თქვენი ინდივიდუალურობიდან გამომდინარე, შეარჩიეთ ორიგინალური ფეხსაცმელი, რომელიც გამოაცოცხლებს სტილს და აუცილებლად მიიქცევს უცხოს ყურადღებას.
5. გაფერადდით
სხვადასხვა ფერებში შემოსვა ისეთივე ეფექტურია, როგორც მონოქრომატული ტანისამოსი. შეარჩიეთ საკუთარ გარდერობში ორი ერთმანეთისგან განსხვავებული ფერის ტანსაცმელი და მოირგეთ ისინი. არჩეულ ფერებს კიდევ სხვა ფერის ფეხსაცმელი დაუმატეთ და გაფერადდით. გარდა იმისა, რომ ამით საკუთარ სტილურობას გაუსვამთ ხაზს, სტილის მოსაფიქრებლად დიდ ძალისხმევასაც დაზოგავთ!
6. აირჩიეთ კლასიკური ჟაკეტი
აიღეთ ძველი ჯინსი, მაისური და კლასიკური ჟაკეტი. თქვენი ავანგარდული იმიჯიც მზადაა!
7. ატარეთ აქსესუარები განსხვავებულად
შეუცვალეთ დანიშნულებები თქვენს აქსესუარებს. მაგალითად, სცადეთ ყელსაბამი თმაზე, ხოლო თმის აქსესუარი ყელზე. ეს სიახლე იმდენად საუცხოო ეფექტს მისცემს თქვენს გარეგნობას, თავადაც გაკვირვებული დარჩებით. იყავით კრეატიულები და სცადეთ სიახლეები!
8. გაყავით ერთი ფერის ტანისამოსი ორად
საკმაოდ ეფექტურია ერთი ფერის ტოპი, შარვალი ან კაბა. გარდა ერთი ფერისა, ასევე, შთამბეჭდავია ერთნაირი პრინტისა და დატვირთული ფონის მქონე ტანისამოსიც.
9. ითამაშეთ ქსოვილებით
როცა ფიქრობთ, რომ არაფერი გაქვთ, რასაც ჩაიცვამდით, აარჩიეთ ერთი ქსოვილის ტანსაცმელი და ფეხსაცმელი. მაგალითად, ჩაიცვით ფუმფულა ტოპი ტყავის უბკასა და ტყავის ფეხსაცმელებზე.
10. მარტივი უკეთესია
ხანდახან, საკმაოდ მსუბუქი ჩაცმულობა უფრო შთამბეჭდავი, ხოლო, მარტივი კი, გაცილებით უკეთესია. ხანდახან ზედმეტი აქსესუარისა და ზემდეტი დეტალის დამატება ძალიან ბანალურსა და უბრალოს ხდის ჩვენს იმიჯს.
ამიტომაც, სცადეთ მარტივი, თუმცა ორიგინალური მეთოდები, მაგალითად, მოკლე ან გრძელი სადა კაბები, რომლებიც, თავიანთ სათქმელს ისედაც ამბობენ.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
არაჟნის ნიღაბი – როგორ მოვუაროთ სახის კანს სახლის პირობებში
არაჟნის ნიღაბი
სახლის პირობებში ამ ნიღბის დასამზადებლად აიღეთ ცხიმიანი არაჟანი, ერთი სუფრის კოვზი რძის პროდუქტი, ჩაის კოვზ ლიმონის წვენს შეურიეთ, დაიტანეთ სახეზე ნახევარი საათით. შემდეგ პროცედურაზე დაამატეთ რამდენიმე წვეთი ფორთოხლის ან ლავანდის ეთერზეთი
5 რჩევა სქელი თმის ზრდისთვის ✨️
თმის შესაბამისი მოვლა მნიშვნელოვანია სქელი და ჯანსაღი თმის ზრდისთვის. მოცემულ სტატიაში თავმოყრილია 5 რჩევა, რომელიც დაგეხმარებათ ხელი შეუწყოთ უფრო სქელი და ჯანსაღი თმის ზრდას.
- თმის ზეთით დამუშავება
სკალპის მასაჟი ისეთი ბუნებრივი ზეთის გამოყენებით, როგორიცაა ქოქოსის, ნუშის ან ამლას ზეთი, სასარგებლოა თმის ფოლიკულების სტიმულირებისთვის, რაც ხელს უწყობს სქელი თმის ზრდას.
- სწორად შეარჩიეთ შამპუნი
შეარჩიეთ თქვენი თმისთვის შესაბამისი შამპუნი, რომელიც არ შეიცავს ქიმიკატებს. ცხიმიანი სკალპის შემთხვევაში, შამპუნი ორ დღეში ერთხელ გამოიყენეთ.
- თმის კონდიციონერი
თმის დაბანვის შემდეგ წაისვით კონდიციონერი და თითებით გაისწორეთ ერთმანეთში გადახლართული თმა. კონდიციონერი გაიჩერეთ 5 წუთით და შემდეგ ჩამოიბანეთ.
- წაისვით შრატი
სველ თმაზე შრატის წასმა დაგეხმარებათ თმის ცვენისა და გათხელების თავიდან აცილებაში. შრატი შეგინარჩუნებთ, გამოკვებავს და ხელს შეუწყობს ჯანსაღი თმის ზრდას.
- თმის სტილი
შეიკარით თმა განსაკუთრებით მაშინ, როცა გარეთ გადიხართ, თმების აბურდულობისა და თმისცვენის თავიდან ასაცილებლად. თმის შეკვრა არის საშუალება, რომელიც თმას ნორალურ მდგომარეობას უნარჩუნებს და ხელს უწყობს მისი მოცულობის ზრდას.