თმის ცვენა საკმაოდ შემაწუხებელი ფაქტია და თუ გაწუხებთ, იცოდეთ, რომ მარტო არ ხართ. ადამიანები სწორედ ამ პრობლემით მიმართავენ ყველაზე ხშირად დერმატოლოგებს.
უმეტეს შემთხვევაში განკურნების გზები არსებობს. უპირველეს ყოვლისა უნდა გაირკვეს თმის ცვენის მიზეზი და ადრეულ ეტაპზევე უნდა დაიწყოს მკურნალობის კურსი.
თმის ცვენა ხდება როგორც კაცებში, ასევე ქალებში. ამისგან ფატალური შედეგი არ დგება, თუმცა განცდა და თმის ცვენის ყურება არასდროსაა სასიამოვნო.
თმის ცვენის საშიშროების წინაშე ხართ, თუ თქვენ:
- თმა საგრძნობლად შეგითხელდათ და განსაკუთრებით ეს იგრძნობა თმის ბოლოებში.
- უფრო მეტი ცარიელი სივრცეები გიჩნდებათ თმის ღერებს შორის
აქვე წარმოგიდგენთ თმის ცვენის 5 გავრცელებულ მიზეზს:
- ასაკი
ასაკთან ერთად, სკალპში ნაკლები ცხიმის გამომუშავება ხდება, რაც თმას უფრო სუსტს და მტვრევადს ხდის. რის გამოც თმის ცვენა და გათხელების პროცესი მეტად სავარაუდოა.
- გენეტიკა
თმის ცვენის ყველაზე გავრცელებული ტიპი – ანდროგენული ალოპეცია – არის მემკვიდრეობითი და ასაკთან დაკავშირებული. ეს არის თმის ცვენის უფრო ექსტრემალური ფორმა, რომელიც ჩვეულებრივ იწყება ახალგაზრდობაში და თანდათან პროგრესირებს ასაკთან ერთად.
ალბათ გსმენიათ, რომ თმის ცვენის გარკვეული ტიპები მემკვიდრეობით მიიღება დედის მხრიდან, თუმცა, კვლევა აჩვენებს, რომ მრავალი გენი თამაშობს როლს კონკრეტული ტიპის თმის ცვენის ალბათობის დადგენაში. სხვა სიტყვებით რომ ვთქვათ, ეს არ არის მხოლოდ დედის მემკვიდრეობით განსაზღვრული, არამედ გავლენას ახდენს გენეტიკური ფაქტორების ერთობლიობა.
- ჰორმონალური ცვლილებები
ჰორმონალური ცვლილებების პრობლემა მაშინ დგება, როდესაც თმი ცვენასთან ერთად ისეთი სიმპტომებიც ვითარდება როგორიცაა:
- აკნე
- სახეზე და სხეულზე თმის მკვეთრი ზრდა
- არარეგულარული მენსტრუაციული ციკლი
ეს და ჰორმონების სხვა ისეთი მკვეთრი ცვლილებები, როგორიცაა: ორსულობა, მშობიარობა და მენოპაუზა შესაძლოა იყოს მიზეზი თმის ზრდის შეფერხებისა.
- სტრესული ცხოვრებისეული მოვლენები
ისეთმა სტრესულმა მოვლენებმა, როგორიცაა საყვარელი ადამიანის დაკარგვა, ქირურგიული ჩარევა ან სერიოზული ავადმყოფობის დიაგნოზი, შეიძლება გაზარდოს თმის ცვენის რისკი. თუმცა, ასევე უნდა აღინიშნოს, რომ თავად თმის ცვენაც შეიძლება იყოს სტრესული. აღნიშნულ შემთხვევაში თმის ცვენა არის დროებითი და მკურნალობას არ საჭიროებს.
- კვებითი დარღვევები
ზოგიერთ შემთხვევაში, თმის ცვენა შეიძლება მოხდეს არასათანადო კვების გამო. რკინის, D ვიტამინის და თუთიის დაბალი დონე პირდაპირ კავშირშია თმის ცვენასთან.
უმეტეს შემთხვევაში, დიეტურ დანამატებს შეუძლიათ ვიტამინის დეფიციტის გამოსწორება, თუმცა კონსულტაციისთვის აუცილებლად უნდა მიმართოთ ექიმს.
წყარო
#drpkhakadze #shenisilamaze #gochadze
