ზაფხულობით გარუჯული სხეული სილამაზესთან და თავის მოვლასთან ასოცირდება. ათასობით ქალი სოლარიუმებს სტუმრობს და შოკოლადისფერი ნამზეურის მისაღებად თანხებს არ იშურებს.

აფრთხილებენ თუ არა რუჯის მოყვარულებს იმ საფრთხის შესახებ, რაც სოლარიუმში გარუჯვას ახლავს, მფლობელებს ერთი პასუხი აქვთ:”სოლარიუმი ჯანმრთელობას საფრთხეს არ უქმნის!” დღეს თბილისში სოლარიუმები ყოველ ნაბიჯზე გვხვდება. ერთი წუთის ფასი 0.75 თეთრიდან 3 ლარამდეა. რა უფრო მავნეა – სოლარიუმი თუ მზეზე გარუჯვა? ამ და სხვა საკითხებზე ჯანდაცვის მსოფლიო ორგანიზაციის წარმომადგენლობის ხელმძღვანელი საქართველოში მარიან ივანუშა “კვირის პალიტრას” ესაუბრა. – ჯანდაცვის მსოფლიო ორგანიზაცია 2009 წელს კიბოსთან დაკავშირებულ კვლევებში განმარტავს, რომ UV ულტრაიისფერ სხივებს, რომელსაც სოლარიუმის აპარატი ასხივებს, აქვს კანცეროგენული (სიმსივნის გამომწვევი) თვისებები. ღია კანის ფერის ადამიანებში კანის კიბო ყველაზე გავრცელებულია.

ბოლო წლებში მელანომის შემთხვევებმა იმატა. 2012 წელს აშშ-ში 5.4 მილიონი შემთხვევა გამოვლინდა. მთავარი მაპროვოცირებელი მიზეზი ულტრაიისფერი გამოსხივება UV რადიაციაა. სოლარიუმის მავნე ზემოქმედება უკვე დამტკიცებულია – სიმსივნე, დამწვრობა, კანის ნაადრევი დაბერება, კონიუნქტივიტი, იმუნური სისტემის დაქვეითება… ყველაზე საზიანო ულტრაიისფერი სხივების დოზაა და არა – აპარატი. საზოგადოებაში არსებობს მოსაზრება, რომ აპარატით გარუჯვა უფრო უსაფრთხოა, ვიდრე მზეზე, რადგან სოლარიუმში გამოიყოფა UV-A (ყველაზე სუსტი, მაგრამ ღრმად აღწევს კანში და შეუძლია გამოიწვიოს ღრმა დამწვრობა) რადიაცია და უფრო კონტროლირებადია.

ამ მოსაზრებას გაგიბათილებთ, რადგან ადრე, სანამ UV-A რადიაციის მავნებლობას აღმოაჩენდნენ, თვლიდნენ, რომ ის არ იწვევდა ზიანს, ბოლო დროის კვლევები კი ადასტურებს, რომ მან შესაძლოა კანის კიბო გამოიწვიოს. სოლარიუმებში არ არის დაცული უსაფრთხოების ზომები. შემდეგი სტერეოტიპის მიხედვით, სოლარიუმის მოყვარულები მიიჩნევენ, რომ ისინი იღებენ D ვიტამინს, რომელიც ჯანმრთელობისთვის აუცილებელია. სოლარიუმის რუჯი არ არის D ვიტამინის მისაღები ეფექტური საშუალება. D ვიტამინის ბალანსს ორგანიზმში მზის სხივების მცირე დოზაც კი განსაზღვრავს. ვისაც D ვიტამინის ნაკლებობა აქვს და მზეს ემალება, სჯობს, ვიტამინი მიიღოს მედიკამენტოზურად და არა – კანცეროგენული მეთოდით.

გაითვალისწინეთ, რომ სილამაზისა და ეფექტურობის შესაძენად არ მიმართოთ ისეთ ხერხებს, რომლებიც თქვენს ჯანმრთელობას დიდი საფრთხის ქვეშ დააყენებს.

წყარო: https://kvirispalitra.ge/

კანზე პიგმენტური ლაქების გაჩენა თეორიულად ნებისმიერ ასაკშია შესაძლებელი, მაგრამ თუ ისინი ახალგაზრდას გაუჩნდა, მიზეზი შესაძლოა იყოს ორსულობასთან დაკავშირებული ჰორმონული ცვლილებები, საეჭვო ხარისხის კოსმეტიკის ხანგრძლივი გამოყენება, ზოგიერთი კონტრაცეპტივის ან სამკურნალო საშუალების მიღება.

პიგმენტური ლაქების გაჩენის ყველაზე გავრცელებული მიზეზი დაბერებაა. ორმოცი-ორმოცდაათი წლიდან ისინი განსაკუთრებით ინტენსიურად ჩნდება. რისი ბრალია ეს? უმთავრესად იმისა, რომ უჯრედები თანდათანობით კარგავს პიგმენტის წარმოების შეწყვეტის უნარს. სიტუაციის გაურესება მენოპაუზის თანმხლებ ჰორმონულ დისბალანსსაც შეუძლია. ამდენად, პიგმენტური ლაქები შეიძლება გაჩნდეს:

• ქალური დაავადებების (საკვერცხეების დისფუნქცია, ანთებითი დაავადებები) და ორსულობის დროს;
• ღვიძლისა და ნაღველგამომყოფი გზების დაავადებების დროს;
• ჰორმონული კონტრაცეპტივების მიღების შედეგად;
• შარდსასქესო სისტემის ქრონიკული ანთებითი პროცესების შედეგად;
• ფარისებრი ჯირკვლის ფუნქციის დარღვევისას;
• ნერვული და ქრონიკული დაავადებების ფონზე;
• მაღალ ტემპერატურაზე ქიმიურ ნივთიერებებთან სისტემატური მუშაობისას;
• С ვიტამინის დეფიციტის შემთხვევაში;
• ძლიერ გამღიზიანებელი კრემებისა და მალამოების გამოყენებისას;
• ტრავმების შედეგად.

სახეზე პიგმენტური ლაქების გაჩენაში დიდ როლს ასრულებს მზე, ამიტომ ლაქები, ისევე როგორც ჭორფლი, გაზაფხულის მზის პირველი სხივების მოხვედრისთანავე უფრო მკაფიოდ ჩნდება. მათი გაჩენის თავიდან ასაცილებლად, გაზაფხულზე და ზაფხულში უნდა ვერიდოთ მზეს და დავიცვათ სახის კანი.

წყარო: https://mkurnali.ge/

გლოსის მიზანია ტუჩს შემატოს დახვეწილი ფერი და ბზინვარება.ის შეიძლება იყოს თხევადი ან შედარებით უფრო მყარი მასის.აქვს ასევე ბრჭყვიალები და სიბზინვარე.გლოსი შესანიშნავი საშუალებაა მათთვის, ვისაც სურს გამოკვეთოს ტუჩის ლამაზი ფორმები.

გლოსი არა მხოლოდ მაკიაჟისთვის, არამედ ტუჩების დასატენიანებლადაც გამოიყენება, მისი გამოყენების შემდეგ თქვენი ტუჩი ხდება უფრო რბილი და გლუვი.კონტურის ან მატოვი ტუჩსაცხის შემდეგ თქვენ შეგიძლიათ წაისვათ გლოსი, რათა მიიღოთ სრულყოფილი მაკიაჟი და მაქსიმალურად კმაყოფილი დარჩეთ შედეგით.

ტუჩის გლოსი აუცილებლად გამოიყენეთ ცივ, ქარიან და წვიმიან ამინდში, რადგან ტუჩები იყოს დატენიანებული და არ გამოგიშრეთ.ის ასევე მოგანიჭებთ სილამაზის განსაკუთრებულ ეფექტს.

წყარო: https://www.maccosmetics.co.uk

არსებობენ ქალები, ვინც მარტივად და მართლაც იდეალურად იკეთებს მაკიაჟს, მაგრამ ბევრისთვის ეს პრობლემაა.

მაშ, როგორ უნდა გავიკეთოთ სწორად თვალის იდეალური მაკიაჟი?

ვიწყებთ გაწმენდით.

ეს ეტაპი ეხება არა მხოლოდ თვალებს, არამედ მთელ სახეს. იქამდე, სანამ მაკიაჟს წავისვამდეთ სახეზე და კერძოდ კი თვალებზე, აუცილებელია, ჩავიტაროთ კანის გასუფთავების პროცედურა. ამისათვის გამოიყენეთ გამწმენდი ტონიკი, კრემი ან დასაბანი გელი. რაც შეეხება თვალის ირგვლივ ტერიტორიას, ის ფაქიზად უნდა შეიმშრალოთ ხელსახოცით და არა პირსახოცით.

გაწმენდის შემდეგ თვალის ირგვლივ ვისვამთ მკვებავ კრემს და ველოდებით მის მთლიანად შეწოვას. შემდეგ თვალის ირგვლივ მიდამოზე ვისვამთ ტონალურ კრემს.

ჩრდილების გაკეთება.

ჩრდილების წასმა შეგვიძლია სხვადასხვაგვარი ფუნჯით, რომლებიც თვალის მაკიაჟისთვის არის განკუთვნილი, ან აპლიკატორით. თუ ფუნჯს მიანიჭებთ უპირატესობას, მაშინ აირჩიეთ არა წახნაგური წვერით, არამედ გაშლილი. თუ თხევად ჩრდილებს იკეთებთ, შეგიძლიათ გამოიყენოთ თითების ბალიშები.

ჩრდილები უნდა წაისვათ შემდეგი მიმართულებით: ქუთუთოს გარე ნაპირიდან თვალის შიდა კუთხისკენ.

თვალის ჩრდილები ყველაზე მეტად გამოკვეთს თქვენს მაკიაჟსა და სილამაზეს, ამიტომ ყურადღება მიაქციეთ მის სწორ წასმის ტექნიკასა და გადანაწილებას.

წყარო: https://marao.ge/

ექსპერტები ამბობენ, რომ კანის მოვლის რუტინას აქვს თავისი შესანიშნავი სამეული: SPF, C ვიტამინი და რეტინოლი. თუ ამ სამი საშუალებით შეიარაღდებით, გლუვი, ნაზი და სხივოსანი კანი გექნებათ.

ერთ-ერთი კვლევის თანახმად, C ვიტამინი თავის მოვლის იმ საშუალებათაგანია, რომლებსაც ბოლო დროს ყველაზე ხშირად ეძებენ გუგლის საძიებო სისტემაში.

აქვე უნდა ითქვას, რომ სახის მოსავლელად C ვიტამინის გამოყენება არ არის სიახლე, უბრალოდ, ბოლო ხანს ტრენდული გახდა. თანამედროვე შრატები თუ დამატენიანებელი კრემები მას უხვად შეიცავს. მის მნიშვნელობაზე ბევრს საუბრობენ ბიუთი ბლოგერებიც.

C ვიტამინი ანტიოქსიდანტია. ესე იგი, ოქსიდაციურ დაზიანებასთან მებრძოლი ძლიერი აგენტი. ის ანეიტრალებს თავისუფალ რადიკალებს, რომლებიც განსაზღვრულ პირობებში, მათ შორის – დაბინძურებისა და ულტრაიისფერი სხივების ზემოქმედების შედეგად, წარმოიქმნება ჩვენს ორგანიზმში.

არ არსებობს განსაზღვრული ასაკი, როცა რეკომენდებულია სახის მოვლის რუტინაში C ვიტამინის ჩართვა. უმჯობესია, ეს საკითხი პირად დერმატოლოგსა ან კოსმეტოლოგთან კონსულტაციის საფუძველზე, თქვენი კანის ტიპისა და მდგომარეობის მიხედვით გადაწყვიტოთ. მაგრამ ნამდვილად უკეთესი იქნება, თუ მის გამოყენებას მანამდე დაიწყებთ, სანამ სახეზე პირველი ნაოჭები გაჩნდება.

C ვიტამინს ბევრი სასარგებლო თვისება აქვს: აბალანსებს და ერთგვაროვნებას ანიჭებს კანისსტრუქტურას და ფერს, ამცირებს პიგმენტაციას, ხელსუშლის კანიდან კოლაგენის გამოდევნას, ბზინვარებას მატებს კანს, აქრობს წვრილზედაპირულ ნაოჭებს. C ვიტამინი ჩემპიონიადაბერების საწინააღმდეგო საშუალებათა შორის.

C ვიტამინი ანთების საწინააღმდეგო საშუალებაცაა. მისი შემცველი შრატი აქრობს სიწითლეს დაგამონაყარს. C ვიტამინს აკნესგან დარჩენილინაწიბურების სამკურნალოდაც იყენებენ. იმისთვის, რომ კანმა ის კარგად შეიწოვოს, ექსპერტებიგვირჩევენ, სახე ჯერ კარგად გავიწმინდოთ სკრაბით, დავიტენიანოთ ტონიკით და მერე წავისვათ C ვიტამინის შემცველი შრატი.

ამიტომაც აუცილებელია გამოიყენოთ C ვიტამინი და შეუნარჩუნოთ თქვენს კანს სიგლუვე და ელასტიურობა.

წყარო: https://www.aversi.ge/

დინამიკური ნაოჭები ჩნდება მიმიკური კუნთების რეგულარული შეკუმშვის შედეგად. მათ “მიმიკურ” ნაოჭებსაც უწოდებენ. იმ უბნებში, სადაც კუნთების მომატებული მოძრაობაა, მიმიკური აქტივობისასწარმოქმნილი კანის ნაკეცები სრულად ვეღარ სწორდება და უკვე 20 წლის ასაკისთვისწარმოიქმნება დინამიკური ნაოჭები.

ყველაზე ხშირად პირველი მიმიკური ნაოჭები შუბლზე ჩნდება, მოგვიანებით – თვალის გარეთაკუთხეებში. დაახლოებით 30 წლის ასაკისთვის ფორმირდება ნაოჭები ზედა ქუთუთოებზეც.

მათი გაჩენა განპირობებულია კანის დაბერების როგორც ბუნებრივი, ასევე ხელოვნური პროცესით(მოწევით, ულტრაიისფერი სხივებითა და გარემოს სხვა უარყოფითი ფაქტორებით გამოწვეული).კანის დაბერებისას მასში ნელდება სისხლის მიმოქცევა, მცირდება კოლაგენის, ელასტინის,ჰიალურონის მჟავას შემცველობა, რაც აქვეითებს კანის ელასტიკურობას და ადუნებს მას.

ნაოჭების კორექციის უამრავი მეთოდი არსებობს, ესენია:

 კონტურული პლასტიკა – უნივერსალური მეთოდია, სხვადასხვა სიმკვრივის გელის გამოყენებით შესაძლებელია ზედაპირული და ღრმა ნაოჭების მოშორება.

ბოტოქსი და დისპორტი – მათი შეყვანა დინამიკურ ნაოჭებთან ბრძოლის ძირითადი მეთოდია. ისინი დროებით თრგუნავენ მიმიკური ნაოჭების აქტივობას და ზემოქმედებენ მათი აღმოცენების მიზეზზე.

RF-ლიფტინგი გადაჭიმვის ეფექტს უზრუნველყოფს, კანის ფართობი მცირდება, რაც განსაკუთრებით გამოხატულია კისრისა და ნიკაპის ასაკობრივი ნაოჭებისას.

ზედაპირული პილინგი – აჩქარებს ეპიდერმისის უჯრედების განახლების პროცესს. ის ნაოჭების გაჩენის პროფილაქტიკაა. მისი გამოყენებისას თანაბრდება კანის მიკრორელიეფი, სწორდება წვრილი ნაოჭები.

საშუალო პილინგი უფრო ღრმად მოქმედებს. მისი საშუალებით შესაძლებელია საშუალო-ღრმა ნაოჭების მოშორება და პარალელურად, სხვა მრავალი ესთეტიკური პრობლემის გადაჭრა.

LPG-მასაჟი სახის ქსოვილების სისხლის მიმოქცევას აუმჯობესებს, კუნთებს ტონუსს უბრუნებს (რაც ძალიან მნიშვნელოვანია გრავიტაციული ნაოჭებისას), ააქტიურებს “ახალგაზრდობის უჯრედებს” – ფიბრობლასტებს, რომლებიც კოლაგენისა და ელასტინის გამომუშავებას აძლიერებენ.

ბიორევიტალიზაცია – კანის მიერ ტენის დაკარგვა ნაოჭების წარმოქმნის პირველი ფაქტორია. მისი საშუალებით არა მარტო ნაოჭების გაჩენას შეიძლება აღვუდგეთ წინ, არამედ უკვე არსებული ზედაპირული ნაოჭებიც მოვიშოროთ.

მეზოთერაპია კანისთვის საჭირო ნივთიერებების შეყვანის შესაძლებლობაა. იგი ნაოჭების სამკურნალო მეთოდი არაა, ის ეფექტური პროფილაქტიკაა. კოსმეტოლოგს შეუძლია ინდივიდუალურად შეარჩიოს პრეპარატის შემადგენლობა.

ტრედლიფტინგი 3D – მეზოძაფები – კანქვეშ ძაფების შეყვანა კანის გადაჭიმვის ეფექტის მიღებას უზრუნველყოფს და ასწორებს ნაოჭებს კანის დამჭერი შინაგანი კარკასის შექმნით.

გახსოვდეთ, არ შეუქმნათ ხელოვნურად თქვენს კანს ნაოჭების გაჩენის საშუალება.დაიტენიანეთ კანი მუდმივად, გაიწმინდეთ სახე ყოველდღიურად და აუცილებლად წაისვით მზისგან დამცავი.

წყარო: https://mkurnali.ge/

თმის თერმო დამცავი არის სპეციალურად მხოლოდ თმისთვის განკუთვნილი პროდუქტი, რომელიც გეხმარებათ თავიდან აიცილოთ თმის დაზიანება დასწორებისას ან დახვევისას.იგი შექმნილია იმისათვის, რომ შექმნას ბარიერი თქვენს თმასა და სითბოს შორის, რაც ამცირებს მაღალი ტემპერატურით გამოწვეული ზიანის რაოდენობას. გარდა ამისა, თუ ირჩევთ თერმო დამცავ საშუალებას მკვებავი თვისებებით, ის ხელს უწყობს ტენიანობის შეკავებას, სიმშრალის თავიდან ასაცილებლად და თმას ბზინვარებას.

სითბოს დამცავი საშუალებების გამოყენება გადამწყვეტია რამდენიმე მიზეზის გამო. პირველ რიგში, ის ხელს უწყობს თქვენი თმის დაზიანების თავიდან აცილებას მაღალი სიცხის გამო. ცხელ ხელსაწყოებს შეუძლიათ მიაღწიონ ტემპერატურას 450°F-მდე, რამაც შეიძლება თმა მშრალი და მტვრევადი გახადოს.

ამიტომ, როცა გადაწყვეტთ თმის დახვევას ან დასწორებას არ დაგავიწყდეთ გამოიყენოთ თერმო დამცავი, რათა მაქსიმალურად აიცილოთ თავიდან თმის დაზიანება, მტვრევადობა, გაყოფილი ბოლოები.

წყარო: https://marianila.com/