კლასიკური ანტიცელულიტური მასაჟი წარმოადგენს ცელულიტისგან გათავისუფლებისა და სხეულის კორექციის საუკეთესო საშუალებას, რადგან ის ხელს უწყობს კანში ლიპოიდური ბორცვაკების გაქრობას ქირურგიული და აპარატული მეთოდების გამოყენების გარეშე.ანტიცელულიტური მასაჟი პრობლემურ ზონებზე კეთდება და ინიშნება სპეციალისტის მიერ 8-15 პროცედურა პრობლემიდან გამომდინარე.
ანტიცელულიტური მასაჟის შედეგად:
უმჯობესდება მიკროცირკულაცია, რაც, დროთა განმავლობაში, უზრუნველყოფს პრობლემურ ზონებში ცელულიტის დარბილებას და შემდგომ მის შემცირებას
გამომდინარე იქედან, რომ ცელულიტის განვითარების ზონებში ლიმფის დინება შეზღუდულია და ლოკალურ შეშუპებასაც აქვს ადგილი, ანტიცელულიტური მასაჟის დროს ლიმფოდრენაჟი ხელს უწყობს ამ შეშუპების მოხსნას, გათხევადებული ცხიმის, შლაკებისა და ტოქსინების გამოდევნას პრობლემური ზონებიდან.
ანტიცელულიტური მასაჟი ასევე კეთდება თაფლითაც.ნატურალური თაფლის სამკურნალო თვისებები, მისი ანტიოქსიდანტური მოქმედება უზრუნველყოფს თაფლის ანტიცელულიტური პროცედურების ეფექტურობას. ამ პროდუქტით ჩატარებული თერაპია მიმართულია პრობლემურ ზონებში სისხლის მიმოქცევის გაძლიერების სტიმულაციისკენ.
ძლიერდება ნივთიერებათა ცვლა და ცხიმოვანი უჯრედების ლიზისი (დაშლა). თაფლის ანტიოქსიდანტური თვისებები კი პრობლემურ ზონებში არსებულ თავისუფალრადიკალურ პროცესებს აღკვეთავს და აუმჯობესებს ამ ზონებიდან შლაკებისა და ტოქსინების გამოდევნის პროცესს.
კარგი მაკიაჟის მთავარი პირობა, რა თქმა უნდა, კარგი კოსმეტიკაა, მაგრამ კარგი ხელსაწყოების გარეშე კარგ მაკიაჟზე ნურც იოცნებებთ. სხვადასხვა ზომის ფუნჯები და სპონჟები სწორედ ის ატრიბუტებია, რომლებიც ჩვენი განუმეორებელი სილამაზის ხაზგასმაში გვეხმარება.
მოუვლელ ფუნჯებსა და სპონჟებზე სახიდან აქერცლილი მკვდარი ეპიდერმისი, ცხიმი და მაკიაჟის ნარჩენები გროვდება. ასეთ გარემოში შესანიშნავად მრავლდებიან ბაქტერიები და მაკიაჟის გაკეთების დროს ჩვენს სახეზე გადმოინაცვლებენ, ეს კი, როგორც ხვდებით, სულაც არ არის კარგი.
დაბინძურებულმა ფუნჯმა და სპონჟმა შესაძლოა თვალის ინფექციაც გამოიწვიოს. ექიმები ხშირად ხვდებიან ამ მიზეზით გამოწვეულ კონიუნქტივიტს.
თუ ფუნჯების საწმენდ სპეციალურ სითხეს იყენებთ, გულდასმით წაიკითხეთ და შეასრულეთ ინსტრუქცია, რომელიც მას მოჰყვება. თუ ასეთი სითხე არ გაქვთ, ანტიბაქტერიული თხევადი საპონი ან შამპუნიც გამოგადგებათ.
გიზიარებთ რჩევებს, თუ როგორ უნდა გაწმინდოთ მაკიაჟის ხელსაწყოები:
გახსენით საპონი ან შამპუნი პატარა ჯამში.
ფუნჯები სათითაოდ დაასველეთ ნელთბილი გამდინარე წყლით, მერე ჯამში ჩაყავით და თითებით ნაზად დაზილეთ, რომ შერჩენილი ჭუჭყი მოშორდეს.
არსებობს ფუნჯების საწმენდი სპეციალური სილიკონის მოწყობილობებიც, რომლებსაც სილიკონისავე პატარა კბილანები აქვს. ამ კბილანებზე ხახუნი ძალიან კარგად აშორებს ფუნჯს ყოველგვარ ჭუჭყს.
გასაპნილი ფუნჯი 4-5 წამით შეუშვირეთ ნელთბილ გამდინარე წყალს და თითებით ნაზად მოსრისეთ, რომ საპონი მოსცილდეს.
თუ ფუნჯს თავდაპირველი ფერი დაუბრუნდა, ესე იგი კარგადაა გარეცხილი. თუ ტონალურის`რუჟის`თვალის ჩრდილის ფერი გავლების შემდეგაც შერჩა, პროცედურის გამეორება მოგიწევთ.
გაითვალისწინეთ: მხოლოდ ბეწვი უნდა დაასველოთ, რომ არ დაიშალოს წებო, რომლითაც ის ტარზეა მიმაგრებული.
ბოლოს ფუნჯი საგულდაგულოდ გაწურეთ, მერე კი თითებით გააფუმფულეთ. ღერები ერთმანეთზე მიკრული არ გააშროთ!
დააწყვეთ სველი ფუნჯები მშრალ პირსახოცზე ან ქაღალდზე ისე, რომ ერთმანეთს არ ეხებოდეს და გაშრობა აცადეთ.
სპონჟი ძალიან ადვილად იწოვს კანიდან ცხიმსა და ჭუჭყს, ამიტომ საგულდაგულოდ უნდა გაირეცხოს. სპონჟების სარეცხი სპეციალური საშუალებაც არსებობს, რომელიც მართლაც ეფექტურია და სწორედ იმდენ ალკოჰოლს შეიცავს, რომ სპონჟი არ გამოაშროს და არ გააუხეშოს.
თუ სპეციალური სითხე არ გაქვთ, ჩვეულებრივი საპონიც გამოგადგებათ.
იოგა უფრო მეტია, ვიდრე მხოლოდ ვარჯიშის ფორმა. ბევრი მას ერთგვარ არსებობის გზას უწოდებს. ის თქვენი ცხოვრების ყველა ასპექტს აკავშირებს. თვით სიტყვა “იოგა” სანსკრიტზე “გაერთიანებას” ნიშნავს. როდესაც თქვენ იოგით დაკავდებით თქვენს აზრებსა და თქვენს ფიზიკურ ყოფას შორის, ფაქტობრივად, არანაირი სხვაობა აღარ იქნება. თუმცა, იოგის დაწყება მანამდეც კი შეიძლება, ვიდრე იოგის ხალიჩაზე ფეხს დააბიჯებთ. ამიტომაც, სანამ მედიტაციას დაიწყებდეთ, პირველ რიგში, დააფასეთ ის მდგომარეობა, რომელშიც იმყოფებით, დააფასეთ თქვენი სხეული და სული.
შეეცადეთ ყურადღება გაამახვილოთ იმაზე, რასაც აკეთებთ და არ დატვირთოთ გონება ზედმეტი მოლოდინებით. მიუხედავად იმისა, რომ თქვენ ცდილობთ, დაიწყოთ იოგა ფიზიკურად, ჩვენ გეტყვით, რომ უფრო მნიშვნელოვანი საამისოდ მენტალური მზადყოფნაა.იოგა არ ეხება მკვეთრ მოძრაობებსა და მოქნილობას, ასევე მისი მიზანი ლამაზი ფორმების ჩამოყალიბება არაა.ეს ეხება სუნთქვას, მედიტაციის საშუალებით შინაგანი ძალის პოვნას და სხეულში თავისუფლების შეგრძნების ჩამოყალიბებას იოგის ძირითადი პოზებით.ასე რომ, ნუ იდარდებთ წონის დაკლებაზე. ამის ნაცვლად, გაიგეთ, რომ იოგა არის პროცესი და ცხოვრების წესი.
დაიწყეთ: იოგის ასანებით, მაგალითად, მოსიარულე ძაღლით, ბავშვის პოზით და სავასანათი.თითოეულ პოზაში ყურადღება გაამახვილეთ იატაკზე ხელების ან ფეხების დაჭერაზე, ხერხემლის გაწელვასა და თეძოების მოდუნებაზე. თუ ამას გაითვალისწინებთ, თქვენ იმუშავებთ თითოეულ პოზაზე ზუსტად ისე, როგორც ყველაზე მონდომებული პრაქტიკოსი.
ქერტლი მაშინაც კი შეიძლება გაჩნდეს, როცა თმის მოსავლელად არაფერს იშურებ. ქერტლის საწინააღმდეგო საშუალებები მის ერთხელ და სამუდამოდ გაქრობას გვპირდებიან, მაგრამ მოლოდინი ყოველთვის არ მართლდება.ქერტლის წარმოქმნა უწყვეტი პროცესია. ეპიდერმისი, კანის ზედა შრე, რამდენიმე ფენად განლაგებული უჯრედებისგან შედგება. უჯრედები განუწყვეტლივ მიგრირებენ შიგნიდან გარეთ, საბოლოოდ კი იხოცებიან და ცვივიან, მათ ადგილს კი ახლები იკავებენ.
როცა კანის განახლების პროცესი ნორმალურად მიმდინარეობს, ის თითქმის შეუმჩნეველია, მაგრამ ზოგჯერ ჩვეულებრივზე მეტი უჯრედი კვდება და ჩამოიფქცვნება ან ჩამოფცქვნილი უჯრედები ერთად გროვდებიან. სწორედ ამ დროს ჩნდება ქერტლი.
ქერტლი არის ორნაირი:მშრალი და ცხიმიანი.
მშრალი ქერტლი თეთრია. მას ძირითადად თავის კანის სიმშრალე იწვევს, რასაც შესაძლოა ხელი შეუწყოს:
* არასწორმა მოვლამ, მაგალითად, აგრესიული შამპუნით ბანამ, ძალიან ცხელი ჰაერით გაშრობამ;
* ჰორმონულმა პრობლემებმა (ხშირად ქერტლი თან ახლავს მენოპაუზას).
გარდა ამისა, ქერტლს აჩენს კანის ზოგიერთი დაავადება, მაგალითად, თავის თმიანი მიდამოს ფსორიაზი ან ატოპიური ეგზემა.
ქერტლი შესაძლოა კონტაქტურმა ალერგიამაც გამოიწვიოს. მაგალითად, თავის მოვლის ან კოსმეტიკური საშუალებების ზოგიერთ ინგრედიენტზე ზოგიერთის ორგანიზმი ქავილით ან ქერტლით რეაგირებს.
ცხიმიანი ქერტლის გაჩენისკენ მიდრეკილება აქვთ ცხიმიანი თავის კანის მქონე ადამიანებს. ამ დროს ქერტლის ელემენტები შედარებით დიდი ზომისაა, ვიდრე მშრალი ქერტლის შემთხვევაში, რადგან ჩამონაფქცვენი წებოვანია და ერთმანეთს ეკვრის.
როგორ უნდა მოიქცეთ ქერტლის გაჩენის შემთხვევაში.
სწორად გამოიყენეთ ქერტლის საწინააღმდეგო შამპუნი. ამ ტიპის საშუალებები ხელს უშლის ქერტლის ხელახალ წარმოქმნას, თუმცა ხშირად შეიცავს სოკოს საწინააღმდეგო აგენტს, მაგალითად, თუთიის პირითიონს, ამიტომ მათი ყოველდღიური ან ხანგრძლივი მოხმარება, როგორც წესი, არ არის რეკომენდებული.
* ქერტლის საწინააღმდეგო შამპუნმა შედეგი რომ გამოიღოს, მოქმედება უნდა აცადოთ – ერთი-ორი წუთი გაიჩეროთ და მერე ჩამოიბანოთ.
* თუ მშრალი თავის კანი გაქვთ, თავს ყოველდღე ნუ დაიბანთ. შამპუნით დაბანის შემდეგ თმა კარგად ჩამოიბანეთ სუფთა წყლით. ნუ გამოიყენებთ ფენს, უკიდურეს შემთხვევაში, ეცადეთ, ჰაერის მეტისმეტად ცხელი ჭავლით არ გაიშროთ. გამოიყენეთ რბილი შამპუნი, რომელიც განკუთვნილია მშრალი, მგრძნობიარე კანისთვის.
* თავის ყოველდღიური ბანა, ცხელი ჰაერით შრობა და სპეციალური შამპუნის ხანგრძლივი გამოყენება ცხიმიანი თავის კანის შემთხვევაშიც არასასურველია.
* ნუ გამოიყენებთ თმის მოვლის ნაირ-ნაირ საშუალებას – კონდიციონერს, მუსს, ლაქს, თმის გელს, ზეთს და ა.შ., თორემ კანი უფრო მეტად გაღიზიანდება.
* მზის ჭარბი სხივები არა მარტო თმას, არამედ კანსაც აზიანებს, ამიტომ გირჩევთ, მზის აბაზანების მიღებისას თმა თხელი თავსაბურავით დაიფაროთ.
* ყურადღება მიაქციეთ კვებას. ალკოჰოლი, თეთრი ფქვილი, შაქარი და ყავა კანს არ უხდება. ზედმეტად ცხიმიან საკვებსაც ერიდეთ. ნაცვლად ამისა, გაიმდიდრეთ მენიუ A, E და B7 ვიტამინებით მდიდარი საკვებით.
* დაბანისას თავის კანს ძლიერად ნუ გაიხეხავთ – კანი გაღიზიანდება, შესაძლოა, დაიკაწროს კიდეც, ნაკაწრებიდან კი მასში ადვილად შეიჭრება მიკროორგანიზმები.
* დაბანამდე თმა დაივარცხნეთ – ქერტლი უფრო ადვილად ჩამოცვივდება.
* ხშირად რეცხეთ სავარცხელი, განსაკუთრებით მაშინ, თუ ქერტლი გაქვთ.
ზოგიერთი ქალისთვის მკერდის გადიდება უფრო თავდაჯერებულობის საშუალებაა. სხვებისთვის ეს მკერდის აღდგენის ნაწილია სხვადასხვა მიზეზის გამო.მკერდის გადიდება – ასევე ცნობილია როგორც გადიდების მამოპლასტიკა – არის ოპერაცია მკერდის ზომის გაზრდის მიზნით. ის გულისხმობს მკერდის იმპლანტანტების განთავსებას მკერდის ქსოვილის ან გულმკერდის კუნთების ქვეშ.
თუ მკერდის გადიდებას განიხილავთ, ესაუბრეთ პლასტიკურ ქირურგს. დარწმუნდით, რომ გესმით, რას მოიცავს ოპერაცია, შესაძლო რისკების, გართულებებისა და შემდგომი მოვლის ჩათვლით.
მკერდის გადიდება იწვევს სხვადასხვა რისკებს, მათ შორის:
ნაწიბუროვანი ქსოვილი, რომელიც ამახინჯებს მკერდის იმპლანტის ფორმას (კაფსულური კონტრაქტურა)
მკერდის ტკივილი
ინფექცია
ძუძუს და მკერდის შეგრძნების ცვლილებები
იცვლება იმპლანტის პოზიცია
იწყება იმპლანტის გაჟონვა ან რღვევა
ამ გართულებების გამოსწორებას კი შესაძლოა მეტი ქირურგიული ჩარევა დასჭირდეს, იმპლანტების ამოსაღებად ან ჩანაცვლებისთვის.თუ შეამჩნევთ რაიმე ცვლილებას თქვენს მკერდზე ან იმპლანტზე, მიმართეთ ექიმს. მუდმივი შემდგომი ვიზიტები და შესაბამისი სკრინინგის ტესტებით შეიძლება აღმოაჩინონ და მოაგვარონ შესაძლო გართულებები, რომლებიც დაკავშირებულია მკერდის გადიდების ოპერაციასთან.
ოპერაციამ შესაძლოა გააუმჯობესოს თქვენი სხეულის იმიჯი და თვითშეფასება. მაგრამ შეინარჩუნეთ თქვენი მოლოდინი და ნუ ელით სრულყოფილებას.
ასევე, თქვენი მკერდი გააგრძელებს დაბერებას გადიდების შემდეგ. წონის მატებამ ან წონის დაკლებამ შესაძლოა შეცვალოს თქვენი მკერდის გარეგნობაც. ხოლო თუ თქვენ უკმაყოფილო ხართ, შესაძლოა დაგჭირდეთ მეტი ოპერაცია ამ პრობლემების გამოსასწორებლად.
ლიპოსაქცია გულისხმობს ცხიმოვანი ქსოვილის ვაკუუმით მოშორებას. პროცედურა იძლევა სხეულის კონტურის კორექციის შესაძლებლობას, კანის დაზიანების გარეშე.
ცხიმოვანი ქსოვილი არის ორგვარი: ფუნქციონალური და სერეზერვო. ფუნქციონალური კანქვეშა ქსოვილი სხეულის ზედაპირზე თანაბრად ნაწილდება და განსაზღვრავს ქალის და მამაკაცის სხეულის ფორმას. გახდომისას აქვს სწრაფად შემცირების უნარი; სარეზერვო ცხიმოვანი ქსოვილი წარმოადგენს უფრო ღრმად განლაგებულ ცხიმოვან გროვებს, რომელიც ლაგდება სხეულის განსაზღვრულ მიდამოში და ცვლის სხეულის მოხაზულობას ანუ კონტურს. გახდომისას მისის შემცირება უმნიშვნელოდ ხდება, რადგანაც სწორედ მათგან ხდება ყველაზე ბოლო ცხიმოვანი ქსოვილის განლევა.
ცხიმოვანი ქსოვილის განლაგება განისაზღვრება გენეტიკური წინასწარგანწყობით. წონის შემცირებისას, სხეულის მოხაზულობა რჩება უცვლელი. დიეტამ და ვარჯიშმა შეიძლება შეცვალოს გროვების სიდიდე, მაგრამ არა სხეულის კონტური.
ლიპოსაქციის საშუალებით, შესაძლებელია ძალიან სწრაფად და ეფექტურად მოხდეს ცხიმის მოშორება, პრობლემური ზონებიდან; სხეულის ნაწილებს შორის ნორმალური პროპორციის მიღება; სხეულის ფორმების გაუმჯობესება, რაც პაციენტს ანიჭებს ბედნიერებას და ცხოვრებას ქმნის ჰარმონიულს.
ლიპოსაქცია შეიძლება ჩატარდეს: ბარძაყის, მუხლის, წვივის, თეძოს, მუცლის, ზურგის, ყელის, სახის, მხრების და მკერდის არეში.
ლიპოსაქცია არ არის წონაში კლების ოპერაცია!ის მოწოდებულია სხეულის ფორმის კორექციისთვის. ოპერაციის ჩატარებისთვის ასაკობრივი შეზღუდვა არაა, თუმცა უნდა აღინიშნოს, რომ ასაკის მატებასთან ერთად ქვეითდება კანის ელასტიურობა და ოპერაციის შედეგი არ არის ისეთი ეფექტური, როგორც ახალგაზრდა პაციენტებში. ლიპოსაქცია შეგვიძლია ვურჩიოთ პაციენტს , რომელსაც აქვს სხეულის ზოგიერთ მიდამოში ცხიმის ჭარბი დაგროვება, მაგრამ ამასთანავე შენარჩუნებული აქვს სეულის ნორმალური წონა და კანის ელასტიურობა. ლიპოსაქცია არ კეთდება ზოგადი გაცხიმოვნებისას და მოშვებული კანის ჩამოკიდებისას.
ოპერაციამდე 10 დღით ადრე არ შეიძლება ასპირინის და მისი შემცვლელების მიღება. ოპერაცია არ ტარდება თუ პაციენტს აქვს გულსისხლძარღვთა დაავადებები ან შაქრიანი დიაბეტი.
ოპერაციამდე პაციენტს უტარდება გამოკვლევები, ქირურგი განსაზღვრავს წინასწარ ოპერაციის ზონებს. შესაძლოა გაკეთდეს კომპიუტერული მოდელირება.
გაუტკივარების მეთოდი და ოპერაციის ხანგრძლივობა:
ლიპოსაქცია ტარედება ადგილობრივი ანესთეზიით. შეიძლება ჩატარდეს ზოგადი ანესთეზიაც.
პოსტოპერაციული გართულებები თითქმის არ აღინიშნება. ცუდ შედეგად შეიძლება ჩაითვალოს , როდესაც ცხიმოვანი გროვების მოშორების შემდეგ ვითარდება ჭარბი კანი _ კანის დაბალი ელასტიურობის გამო ან ცხიმოვანი ქსოვილის ჭარბად მოშორებისას.
რინოპლასტიკას შეუძლია შეცვალოს ცხვირის ზომა, ფორმა ან პროპორციები. ეს შეიძლება გაკეთდეს ტრავმის პრობლემების მოსაგვარებლად, თანდაყოლილი დეფექტის გამოსასწორებლად ან სუნთქვის პრობლემების გასაუმჯობესებლად.თუმცაღა, აუცილებლად უნდა გაითვალისწინოთ ის, რომ რინოპლასტიკას შესაძლოა სერიოზული გართულებები მოჰყვეს.
ეს გვერდითი მოვლენები გახლავთ:სისხლდენა, ინფექცია, რეაქცია ანესთეზიაზე, ცხვირით სუნთქვის პრობლემები, მუდმივი დაბუჟება ცხვირში და მის გარშემო,
არათანაბარი გარეგნობის ცხვირის შესაძლებლობა, ტკივილი, ფერის შეცვლა ან შეშუპება, რომელიც შეიძლება გაგრძელდეს, ნაწიბურები, ხვრელი კედელში მარცხენა და მარჯვენა ნესტოებს შორის. ამ მდგომარეობას ძგიდის პერფორაციას უწოდებენ.
შესაძლოა საჭირო გახდეს დამატებითი ოპერაციის გაკეთება, ასევე ყნოსვის შეგრძნების ცვლილება.
რინოპლასტიკის დაგეგმვამდე აუცილებლად შეხვდით ქირურგს. ისაუბრეთ ისეთ საკითხებზე, რომლებიც განსაზღვრავს, იმუშავებს თუ არა ოპერაცია თქვენთვის.
თმის ცვენა ყველა დროის ყველაზე დიდი პრობლემაა ქალებისთვის.ლამაზი და ჯანსაღი თმა სილამაზისა და იმიჯის გამომხატველია.თუ თმა დაზიანდა და ატყობთ, რომ ცვენას იწყებს აუცილებლად მიჰყევით შემდეგ რეკომენდაციებს.
. უპირველეს ყოვლისა, მიმართეთ დერმატოლოგს. რაც უფრო მალე მიაგნებთ თმის ცვენის მიზეზს, მით უფრო მეტია სასურველი შედეგის მიღების შანსი.
. თავის დაბანისას მოერიდეთ მის ტრავმირებას. როცა თმა თხელდება ან ცვივა, ის მყიფეა და ადვილად ზიანდება, ამიტომ გამოიყენეთ ნაზი შამპუნი, რომელიც თმას არ აშრობს, ყოველი დაბანის შემდეგ წაისვით დამატენიანებელი კონდიციონერი. კონდიციონერი ამცირებს თმის მტვრევადობასა და ბოლოების გაყოფას. გამოიყენეთ ლეავე-ინ ცონდიტიონერ – კონდიცინერი, რომელიც თმაზე უნდა დაიტოვოთ დაბანის შემდეგ – ან დეტანგლერი.
. უარი თქვით თმის ცხელი ზეთით სამკურნალო პროცედურებზე – ამ დროს თმა ცხელდება და უფრო მეტად ზიანდება.
. თმის შეღებვა, დახვევა, ქიმიური გასწორება, რელაქსირება ჩაიტარეთ სალონში, სადაც პროფესიულ დონეზე მოგემსახურებიან. ნუ გარისკავთ ასეთი პროცედურების შინ ჩატარებას.
. ფენი ყველაზე დაბალი სითბოს რეჟიმზე დაააყენეთ. ეცადეთ, თმა ბუნებრივად გაიშროთ. ამისთვის მიკრობოჭკოვანი პირსახოცი შემოიხვიეთ.
. ნუ ატარებთ უკან გადაწეულ და მჭიდროდ შეკრულ თმას (გრაგნილს, ცხენის კუდს, კიკინებს). თმის მუდმივმა დაჭიმვამ შესაძლოა ტრაქციული ალოპეცია გამოიწვიოს.
. თუ თმის თითებით ტრიალისა და ქაჩვის ჩვევა გაქვთ, შეეცადეთ გადაეჩვიოთ – ასეთმა მოპყრობამ შესაძლოა უფრო მეტად დაასუსტოს ისედაც მყიფე თმის ღერები და თმის ცვენა გამოიწვიოს.
. თუ ეწევით, შეწყვიტეთ. მოწევამ შეიძლება თმის ცვენა გააძლიეროს.
. მიიღეთ რკინით, ცილებით მდიდარი საკვები.
. თმის ცვენა შეიძლება გამოიწვიოს კალორიების მნიშვნელოვანმა სიმცირემაც, ამიტომ იკვებეთ დაბალანსებულად.
. შეგიძლიათ მიიღოთ თმის ზრდის ხელშემწყობი დანამატები, მაგრამ აჯობებს, ჯერ გაარკვიოთ, გაქვთ თუ არა მათი დეფიციტი. გაითვალისწინეთ, რომ სელენის, A ვიტამინის, E ვიტამინის და ზოგიერთი სხვა დანამატის ჭარბმა მიღებამ შესაძლოა, პირიქით, ხელიც კი შეუწყოს თმის ცვენას.
21-ე საუკუნეში პერმანენტული მაკიაჟი სულ უფრო პოპულარული ხდება…
თანამედროვე ტექნოლოგიებითა და სწავლებით აბსოლუტურად შესაძლებელია, მიიღოთ ისეთი შედეგი, რომელიც თქვენ გსურთ.
პერმანენტული მაკიაჟის უპირატესობა კი ის გახლავთ, რომ ის მაქსიმალურად გინარჩუნებთ ბუნებრივობას. თუ გადაწყვეტთ პროცედურის გაკეთებას აუცილებლად მიმართეთ სპეციალისტს და შეარჩიეთ სასურველი დიზაინი. Shenisilamaze.ge გთავაზობთ ინტერვიუს პერმანენტული მაკიაჟის სპეციალისტ მარიამ კარელიძესთან:
-რა იყო თქვენი მოტივი, გამხდარიყავით პერმანენტული მაკიაჟის სპეციალისტი?
-2013 წელს გავიკეთე პერმანენტული მაკიაჟი და გამიფუჭეს, გამილურჯდა. იმის გამო, რომ ასეთ მდგომარეობაში აღმოვჩნდი, გადავწყვიტე, მენახა სპეციალისტი… გავიკეთე პროცედურა და მეც ძალიან დავინტერესდი, ძალიან შემიყვარდა ის საქმე, რასაც ეს სფერო მოითხოვდა.
საბოლოოდ, მივხვდი, რომ ეს საქმიანობა ჩემთვის ყველაზე დიდი სიამოვნება იყო, რადგან მსურდა, მომხმარებლები გახარებული და კმაყოფილი წასულიყვნენ ჩემგან.
-რამდენი წელია, ამ სფეროში მოღვაწეობთ?
-თავიდან ჩავაბარე სამედიცინო უნივერსიტეტში ფარმაციის განხრით, ამ სფეროში კი უკვე 6 წელია, ვმოღვაწეობ… შევისწავლე პერმანენტული მაკიაჟის გაკეთება პროფესიონალურ დონეზე და გავიარე კურსები. მაშინ, როცა საკუთარ თავზე გამოვცადე პროცედურის უკუჩვენება, მინდოდა, მე თვითონ შემესწავლა ეს სფერო და სხვას იგივე არ დამართნოდა.
-გვესაუბრეთ თქვენს კარიერულ მიღწევებზე ამ სფეროში.
-ჩემი ყველაზე დიდი მიღწევა ისაა, რომ ადამიანებს ვხედავ ბედნიერს და კმაყოფილს ყველა პროცედურის შემდეგ…
ქართველი ემიგრანტები კი დიდ სითბოს ავლენენ ჩემ მიმართ, რაც ყველაზე მეტად მახარებს.
-რომელი პროცედურაა შედარებით უმტკივნეულო?
-ყველაზე უმტკივნეულო მაინც გახლავთ წარბი…
-როგორ ურჩევთ მომხმარებელს სასურველ დიზაინს და რამდენად ბუნებრივია ეფექტი?
-ჩემი მთავარი მიზანია, ჩემთან მოსული ადამიანი გავუშვა ბუნებრივი ნამუშევრით და ამავე დროს კმაყოფილი… ვფიქრობ, წარბი აუცილებელია, ბუნებრივი იყოს. როდესაც მომხმარებელი მომმართავს მაშინვე ვამჩნევ, როგორი წარბი მოუხდება, ასევე ვცდილობ, გამოვკვეთო ტუჩის კონტური.
ლაინერს რაც შეეხება, თვალის ჭრილს გააჩნია და ყველას არ უხდება, თუ ლამაზად არ გამოჩნდება თვალზე მაინცდამაინც არ არის სასურველი გაკეთება, ამ დროს წამწამს შორის დაფერვაა უკეთესი.
-რამდენად უსაფრთხოა ჯანმრთელობისთის აღნიშნული პროცედურების ჩატარება და პრეპარატის ორგანიზმში შეყვანა.
– უამრავი პიგმენტი არსებობს, რომელიც აღწევს კანში, რა თქმა უნდა, ყველაფერი გამოიყენება ერთჯერადად, რადგან ხელახლა გამოყენება არაა რეკომენდებული. მე პირადად ვიყენებ იტალიურ უმაღლესი ხარისხის პრეპარატს…
-რა განსხვავებაა მიკრობლეიდინგსა და დაფერვას შორის?
-არავის ვურჩევ მიკრობლეიდინგის გაკეთებას, რადგან კანი ზიანდება, არ ხდება სიღრმის კონტროლი, იწყება წარბის ღეროვანი ცვენა, ზოგჯერ ლურჯდება და შრამიც რჩება, ბევრი ასეთი პაციენტი მიმიღია და დავხმარებივარ ჩემი ძალებით… დაფერვა კი ძალიან ნაზად და ბუნებრივადაა შესაძლებელი.
-რამდენად დიდი შანსია იმისა, რომ პროცედურამ დაფაროს სახის ნაკლოვანებები?
-დიახ, შესაძლებელია, უმეტესად შრამის გადაფარვა.
-იწვევს თუ არა პროცედურა უკუჩვენებებს?
-არანაირად არ იწვევს უკუჩვენებებს. მე პირადად ტუჩის მაკიაჟის პროცედურამდე ერთი დღით ადრე ვნიშნავ მედიკამენტს, რათა არ გაჩნდეს ჰერპესი და არ შემიშალოს ხელი მუშაობაში.
-რომელია ყველაზე მოთხოვნადი პროცედურა თქვენი მომხმარებლის მხრიდან?
-ყველაზე მოთხოვნადი წარბია, შემდგომ ტუჩი.
-რამდენად ხშირად გსტუმრობენ ქართველი ემიგრანტები?
-ძალიან ხშირად… მათგან ბევრ რამეს ვსწავლობ. ვფიქრობ, რომ აქაური ემიგრანტები მაქსიმალურად ცდილობენ, რომ პურის ფული იშოვონ, ან თუნდაც მარტოხელა დედები, რომლებსაც სურთ შეისწავლონ სპეციალური კურსები, მაგრამ ფინანსური მდგომარეობა ხელს არ უწყობთ.
-განსხვავდება თუ არა პროცედურის ღირებულება საქართველოსა და საბერძნეთის მოხმარებლებისთვის?
-სიმართლე, რომ გითხრათ, ღირებულება განსხვავდება, მაგრამ ზოგჯერ ფასდაკლებას ვაკეთებ, რათა ყველასთვის ხელმისაწვდომი იყოს პროცედურა… საკმაოდ დიდ თანხას ვიხდი პიგმენტებში, გამაყუჩებლებში და ვცდილობ გავახარო ადამიანები ჩემი პროცედურებით და შედეგით. ჩემთვის მთავარი არაა მხოლოდ შემოსავალი, უფრო მნიშვნელოვანი გახლავთ – ყველამ შეძლოს პროცედურის გაკეთება სურვილისამებრ.
-რამდენ ხანს ინარჩუნებს პერმანენტული მაკიაჟი პირვანდელ სახეს და არის თუ არა საჭირო კორექცია ეტაპობრივად?
-პროცედურიდან ერთი თვის შემდეგ ვაკეთებ კორექციას, რადგან კორექციის გარეშე, დიდხანს არ ძლებს პროცედურა, ამიტომ აუცილებელია დაფერვა. ყოველთვის მაქვს კონტაქტი ჩემს პაციენტებთან, როგორ არიან ან რაიმე ხომ არ აწუხებთ პროცედურის შემდეგ.
-აპირებთ თუ არა საქართველოში დაბრუნებას უახლოეს მომავალში და რა ინოვაციებს შესთავაზებდით ქართველ მომხმარებლებს?
-რა თქმა უნდა, ვაპირებ საქართველოში დაბრუნებას, მაქვს ძალიან დიდი გეგმები და ვნახოთ, რამდენად გამომივა. მინდა, რომ იმ ადამიანებს, რომლებსაც უჭირთ, მაგალითად, მარტოხელა დედებს – შევასწავლო ეს პროფესია და დავეხმარო დასაქმებაში, მასალების ყიდვაში და ასევე მსურს კიდევ მრავალმხრივ განვავითარო საკუთარი თავი ესთეტიკის მიმართულებით. რაც დრო გადის, მეტ გამოცდილებას ვიღებ და ვფიქრობ, ადამიანმა არასდროს არ უნდა თქვას უარი თავის მიზნებზე.
ეთერზეთები მცენარეებისგან მიიღება მათი დისტილაციის ან აორთქლების გზით. ისინი უმთავრესად არომატულობის წყალობითაა ცნობილი, მაგრამ ჯანმრთელობისთვის სასარგებლო ბევრ ნივთიერებასაც შეიცავს.მის გაჯანსაღების უნარი მათი ერთ-ერთი სასარგებლო თვისებაა. სხვადასხვა ეთერზეთს სხვადასხვა ეფექტის მოხდენა შეუძლია თმაზე, ზრდით დაწყებული, ბზინვარებისა და ძალის მინიჭებით დამთავრებული.
რომელი ეთერზეთები გამოგადგებათ თმის ზრდისთვის?
ლავანდის ეთერზეთი აჩქარებს თმის ზრდას. ამასთან, აქვს ანტიმიკრობული და ანტიბაქტერიული თვისებებიც, რითაც ხელს უწყობს თავის კანის გაჯანსაღებას.
შეურიეთ რამდენიმე წვეთი ლავანდის ეთერზეთი სამ სუფრის კოვზ ზეითუნის ან ქოქოსის ზეთს და წაისვით თავის კანზე. ათი წუთის შემდეგ შამპუნით ჩამოიბანეთ. ამ პროცედურის ჩატარება კვირაში 2-3-ჯერ შეიძლება. შედეგად ჯანსაღ თავის კანს და სწრაფად მზარდ ჯანსაღ თმას მიიღებთ (თუ რაიმე პრობლემა არ გაქვთ, რომელსაც მხოლოდ ლავანდის ეთერზეთი ვერ მოაგვარებს).
თუ თქვენი მიზანი თმის გასქელება და ზრდის დაჩქარებაა, როზმარინის ეთერზეთი ფასდაუდებელ დახმარებას გაგიწევთ უჯრედთა ზრდის ხელშემწყობი თვისებების გამო.ცდებმა აჩვენა, რომ როზმარინის ეთერზეთს იგივე მოქმედება აქვს, რაც მინოქსიდილს, რომელიც თმის ზრდის ხელშემწყობი ცნობილი საშუალებაა, ოღონდ როზმარინის ექსტრაქტი არ იწვევს თავის კანის ქავილს და სხვა გვერდითი მოვლენებიც ნაკლებად აქვს გამოხატული.
ჩაის ხის ეთერზეთს ძლიერი გამწმენდი, ანტიბაქტერიული და ანტიმიკრობული თვისებები აქვს. გარდა ამისა, ის ხელს უშლის თმის ღერების შეწებებას და ვარცხნას აადვილებს.ჩაის ხის ეთერზეთი ფართოდ გამოიყენება ქერტლის საწინააღმდეგოდაც.
