ეს დიეტა შედგება პროდუქტების სამი ძირითადი ჯგუფისგან: ცილები, ნახშირწყლების შემცველი პროდუქტი, ნედლი ხილი და ბოსტნეული.

პირველი და მესამე სახის პროდუქტები უნდა მივიღოთ კვირაში ოთხჯერ, ნახშირწყლების შემცელი კი – კვირაში სამჯერ.

ცილოვან დღეებში უნდა მივირთვათ ნებისმიერი მოხარშული ხორცი, ქათამი, თევზი გარნირის გარეშე, სურვილისამებრ შეიძლება ცოტა მცენარეული ცხიმის დამატება. ნებადართულია ნებისმიერი ყველი, რძე და რძის პროდუქტები ხილისა და შაქრის გარეშე.

ნახშირწყლების დღეებში შეიძლება ბურღულეულის ფაფები, მაკარონი, პური, კარტოფილი, ნამცხვარი, კანფეტი, მაგრამ იკრძალება რძის პროდუქტები, ხორცი, ნედლი ხილი და ბოსტნეული.

ხილისა და ბოსტნეულის დღეებში შეგიძლიათ მთელი დღის მანძილზე შეუზღუდავი რაოდენობით მიირთვათ ნედლი ხილი და ბოსტნეული მარილის, ცხიმის, შაქრის, დანამატების გარეშე. შეგიძლიათ მაღალკალორიული პროდუქტების გამოყენებაც.

ყოველდღე ნებადართულია უშაქრო ჩაი ან ყავა რამდენიც გნებავთ, ნახშირწყლოვან დღეებში კი შეგიძლიათ ამ სასმელების ტკბილი სახით მიღება.

ეს დიეტა დაგეხმარებათ დაიკლოთ წონაში და გაიძლიეროთ იმუნური სისტემა.

ჯანმრთელი კვების ექსპერტები გვაფრთხილებენ: ზოგიერთ კომბინაციაში, სასარგებლო პროდუქტები კარგავს თავის თვისებებს, რომლებიც ძვირფასია სხეულსა და ჯანმრთელობაზე. კერძოდ, ხორცის და ყველის ერთად გამოყენება არ შეიძლება. ხორცისა და ყველის დუეტს შეუძლია შექმნას სერიოზული პრობლემა საჭმლის მონელების პროცესში, ვინაიდან თითოეული ამ პროდუქტის შთანთქმისას საჭიროა ფერმენტები, მათ გადამუშავებაში სხვადასხვა სახის ფერმენტი მონაწილეობს, ყველი ხელს უშლის ხორცის შეწოვას, ხორცი-პირიქით.

ამ მიზეზით არ შეიძლება თევზის და კვერცხის ერთად მიღება. ნამცხვარი, ფუნთუშა, პეჩენია ჩაის ნაცვლად უმჯობესია ყავასთან ერთად მიირთვათ. ჩაიში არის ტანინები, რომლებიც ხელს შეუშლის ნამცხვრის გადამუშავებას საჭმლის მომნელებელ სისტემაში.

თუ იოგურტთან ერთად მიირთმევთ კივს, მოგიწევთ სასწრაფოდ უარი თქვათ, ორივე პროდუქტი ჯანსაღი და სასარგებლოა, მაგრამ როგორც ჩანს მათი კომბინცია საზიანოა ჯანმრთელობისთვის. კივი შეიცავს ენზიმებს, რომელიც შლის რძის ცილას, სწორედ ამ მიზეზით დაირღვევა საჭმლის მონელების პროცესი.

კიდევ ერთი პოპულარული კომბინაცია – ალკოჰოლი და ტკბილეული. ერთი ბოკალი ღვინო შოკოლადთან ან ნამცხვართან ერთად საზიანოა პანკრეასისთვის და ხელს უშლის მონელებას. ეს კომბინაცია მაღლა სწევს სისხლში შაქრის დონეს და ეს ხდება ძალიან სწრაფად.

ყველა პრობლემა ჩნდება იმის გამო, რომ არ ვიკვებებით სწორად, გონივრული კვება ჯანმრთელობის გარანტიაა.

თუ თქვენ ოცნებობთ გახდომაზე, მიირთვით ჯადოსნური მწვანე კოქტეილი. ზოგიერთი ადამიანი ამჯობინებს მის მიღებას გაღვიძებისთანავე, საუკეთესო საუზმეა და თან ორგანიზმი გაღვიძებისთანავე მიიღებს ვიტამინებსა და მინერალებს. ზოგი კი მას მიირთმევს სამჯერ დღეში, 1 პორცია 1 სრულფასოვანი კვების ტოლფასია, ეს დაგანაყრებთ და თავიდან აგაცილებთ მაღალკალორიული საკვების მიღებას. ნებისმიერ შემთხვევაში ეს კოქტეილი არის საუკეთესო საშუალება წონის დასაკარგად.
არსებობს მრავალი სტანდარტული რეცეპტი, მაგრამ მათი ეფექტურობა ყოველთვის ეჭვქვეშ გვაყენებს. პოპულარულია ეგზოტიკური ხილის კოქტეილები, არა მარტო სასარგებლო, ძალიან გემრიელიცაა. მაგრამ საუკეთესო არჩევანი მაინც იყო და არის დუკანის მწვანე კოქტეილები, ექსპერტები ამბობენ, რომ ეს არის სასაცილო კალორიებით მიღებული საოცარი შედეგი. არსებობს რამოდენიმე ვარიანტი, აირჩიეთ ერთ-ერთი და დაიკელით 10 დღეში 4-5 კგ.

კოქტეილი კიტრით:

2 ახალი კიტრი

თითო-თითო ღერი პიტნა, ნიახური და კამა

3 ს/კ დარიჩინი

1 ჭიქა წყალი

დაჭრილი ინგრედიენტები ბლენდერით ათქვიფეთ, დაუმატეთ წყალი, გააჩერეთ 15 წთ. და მიიღეთ უზმოზე.

კოქტეილი ვაშლით და მსხლით:

1 ჭიქა იოგურტი

1 ვაშლი

1 მსხალი

1 ღერი პიტნა

1/2 ჭიქა წყალი

ეს კოქტეილი მიიღეთ უზმოზე და საღამოს, ძილის წინ.

კოქტეილი ბროკოლით:

150 გრ. ბროკოლი

1 ფურცელი ისპანახი

1 ახალი კიტრი

6 წითელი პომიდორი

4 ფურცელი სალათის ფოთოლი

1 ჭიქა წყალი

ეგზოტიკური კოქტეილი კივით:

1 კივი

1/2 ლიმონი კანიანად

1/2 ჭიქა კეფირი

1 ღერი პიტნა

1 ღერი ოხრახუში

მომზადებული კოქტეილი მიიღეთ წყალთან ერთად, შეგიძლათ შეუზღუდავი რაოდენობითაც მიღება.

ავოკადოს კოქტეილი:

2 ღერი ნიახური

1/2 ავოკადო

1/2 წითელი ხახვი

6 ცალი სალათის ფურცელი

2 ჭიქა ანადუღარი წყალი

ეს კოქტეილი გაყავით სამად და მიიღეთ დღის მანძილზე.

მხოლოდ კოქტეილებით კვება წონაში ვერ დაგაკლებინებთ, ეს მხოლოდ დამატებითი საკვებია, არ გამოიყენოთ წინასწარ მომზადებული კოქტეილი, მას უკვე დაკარგული ექნება სასარგებლო თვისებები. ეფექტურობისთვის მიირთვით მომზადებისთანავე.

სილამაზის ინდუსტრიას სამართლიანად შეიძლება ეწოდოს მეგა წარმატებული. ყველა ცდილობს გამოიყურებოდეს მიმზიდველად, დარწმუნებულები არიან ადამიანები რომ სილამაზეზე ზრუნვა წარმატებული ცხოვრების საწინდარია. ბევრისთვის უცნობია, რომ ეს დამოკიდებულია კვებაზე.

რას აკეთებთ კანის გასათეთრებლად, თვალის უპეების შეშუპების მოსაცილებლად, თმის მოსავლელად, მაკიაჟის მოსაცილებლად, აღმოჩნდა, რომ სულაც არ არის საჭირო პროფესიონალური პროცედურების ჩატარება. სილამაზეზე ზრუნვა სახლის პირობებში, სამზარეულოს პროდუქტებითაც შეიძლება.

თუ შენიშნეთ, რომ იღლიის ქვეშ კანი გამუქდა, რასაც ანტიპერსპირანტების და დეზოდორანტების ხშირი მოხმარება იწვევს, შეგიძლიათ გამოიყენოთ სპეციალური გამწმენდი კრემები, მაგრამ ზოგჯერ მათ სასურველი შედეგი არ მოაქვთ და მგრძნობიარე კანს არ უხდება. ამ შემთხვევაში ბუნებრივი გზით მიიღებთ შედეგს.

კარტოფილი გახეხეთ წვრილ სახეხზე, გამოწურეთ წვენი და მასში დასველებული ტამპონით გაიწმინდეთ გამუქებული ადგილები, მეტი ეფექტურობისთვის პროცედურა ჩაიტარეთ ხშირად.

თმა რომ ბზინავდეს ჯანმრთელად გამოიყურებოდეს, გამოიყენეთ მუქი ფერის ლუდი, ღამით მოხადეთ ლუდს საცობი და დილამდე დატოვეთ. დაიბანეთ თავი ჩვეულებისამებრ, შემდეგ გადაივლეთ ლუდი და 15 წთ.- ის შემდეგ ჩამოიბანეთ წყლით.

თვალის მოსავლელად უამრავ საშუალებას იყენებენ, მაგრამ მგრძნობიარე თვალისთვის ყველაფრის გამოყენება არ შეიძლება. შეარჩიეთ ანტიალერგიული ნაოჭების საწინააღმდეგო და დამამშვიდებელი თვალის კრემი და თხელ ფენად წაისვით თვალის გარშემო 3-5 წუთით, ეს კრემი უხდება თვალის კანის ანთებას.

გაფცქვენით მწიფე ბანანი და ქერქი შიგნითა მხრიდან მიიმაგრეთ კბილებზე, 10 წთ.-ის შემდეგ პირის ღრუ გამოივლეთ თბილი წყლით.

სახიდან მაკიაჟის მოსაცილებლად გამოიყენეთ ზეითუნის ზეთი, იმ შემთხვევაშიც თუ ჯერ კიდევ გაქვთ რომელიმე მაღალი ხარისხის კოსმეტიკური კრემი. ზეითუნის ზეთი არა მარტო წმენდს კანს, არამედ კვებავს კიდეც.

თუ თვლით, რომ ბუნებრივი ინგრედიენტებით სახისა და სხეულის მოვლა უკეთესია, სცადეთ ეს მარტივი პროცედურები და კმაყოფილი დარჩებით, დიდხანს შეინარჩუნებთ სილამაზეს და ახალგაზრდობას.

თუ მთელი დღის მანძილზე მიირთმევთ ამ წვნიანს, 2 კგ.-ს დაიკლებთ. ძირითადად იკვებეთ სასწაულმოქმედი წვნიანით და სამ თვეში საკუთარ თავს ვერ იცნობთ. კალორიები მასში თითქმის არ არის, 100 გრამზე სულ 25 კალორიაა. მე პირადად
ამ დიეტას პიველ ადგილს მივაკუთვნებდი.

დიეტური წვნიანის მიღების 3 გზა არსებობს. მიირთვით დღეში ერთხელ საღამოს, ამით შეამცირებთ დღის განმავლობაში მიღებულ კალორიებს. მოაწყეთ ამ წვნიანით განტვირთვის დღეები- მიირთვით 3-ჯერ დღეში ან გამოიყენეთ როგორც წვნიანის
დიეტა და 3-5 დღის მანძილზე დღეში 3-ჯერ იკვებოთ მხოლოდ დიეტური წვნიანით.

ცხიმის წვის სწრაფი ეფექტის საიდუმლო მარტივია – უმეტეს რაოდენობას მასში შეადგენს ტომატი, დანარჩენი ინგრედიენტები საჭიროა მრავალფეროვნებისთვის.

100 გრ ნიახური ფესვი
3 სტაფილო
3 ხახვი
3 პომიდორი
1 ბულგარული წიწაკა
1 ლიტრი ტომატის წვენი
1 კბილი ნიორი
ახალი მწვანილი
მარილი, პილპილი გემოვნებით
გასუფთავებული და გარეცხილი ბოსტნეული დაჭერით, სტაფილო გახეხეთ, მოათავსეთ ჭურჭელში და დაასხით ტომატის წვენი. შეგიძლიათ სახლში მომზადებული ან ქარხნული წესით დამზადებული გამოიყენოთ, სურვილისამებრ გაათხელეთ წყლით.

წვნიანი დადგით მაღალ ცეცხლზე და მიიყვანეთ ადუღებამდე, შემდეგ დაბალ ცეცხლზე ხარშეთ 10 წუთის განმავლობაში. დაუმატეთ გატარებული ნიორი და მწვანილი, გადმოდგით და 10 წუთი დატოვეთ თავდახურული.

თუ ჩვეულ რეჟიმზე უარს ვერ იტყვით, სადილზე მიირთმევთ ამ წვნიანს და საუზმესა და ვახშამზე კუჭს გადატვირთავთ ცხიმებითა და ნახშირწყლებით, რა თქმა უნდა ვერ დაიკლებთ. ამ წვნიანის მიღების განმავლობაში უარი უნდა თქვათ ტკბილეულზე, შემწვარ და შებოლილ პროდუქტებზე, უნდა შეამციროთ მარილის მიღება. თუ შიმშილი შეგაწუხებთ დალიეთ სუფთა წყალი ან მიირთვით ერთი ცალი ვაშლი.

დამეთანხმებით ნამცხვარი, ღვეზელი ან სხვა ფქვილოვანი ნაწარმი ყველაზე გემრიელი და მაღალკალორიული საკვებია. მისი მომზადებისას თუ სწორად არ მივყევით თანმიმდევრობას, არ აიწევს და გამოსაცხობი დარჩება. გამოცდილი ადამიანებისთვის მისი მომზადება ისეთივე მარტივია, როგორც სალათის მომზადება. მზარეულებს აწუხებთ კითვა-როგორ შეამცირონ ფქვილოვან ნაწარმში კალორიულობა, რათა თავიდან ავიცილოთ გასუქება.

გამომცხვარ პროდუქტებში 100 გრამზე საშუალოდ 300-დან 500 კკალორიაა. მისი ხშირად მირთმევა უსაშველოდ გასუქებას უწყობს ხელს. მიუხედავად ყველაფრისა, ზოგჯერ ადამიანს მაინც აქვს სურვილი თავი გაინებივროს რომელიმე არომატული გამომცხვარი პროდუქციით.

გამოსავალი ყოველთვის არსებობს, მსოფლიოს ნიჭიერმა მზარეულებმა შემოგვთავაზეს დაბალკალორიული კექსების რამოდენიმე ვარიანტი, სადაც გამოყენებულია ფქვილის მცირე რაოდენობა. თუ გაწუხებთ გასუქებაზე მუდმივი შიში, მაგრამ უარს ვერ ამბობთ დესერტზე და გამომცხვარ პროდუქტებზე მიირთვით რომელიმე და მიხვდებით, რომ გემოვნებით არ ჩამოუვარდება მაღალკალორიულ ნაწარმს, ამავე დროს წონაში მომატების ნაცვლად შეიძლება დაიკლოთ კიდეც.

ქათმის ღვეზელი – 130 კკალ

0,5 ლ კეფირში იმდენივე კალორიაა, რამდენიც ამ ღვეზელის ორ ნაჭერში.

300 გ ქათმის ფილე
3 ხახვი
160 გრ ფქვილი
2 კვერცხი
200 მლ კეფირი (1% ცხიმი)
2 ს/კ. მზესუმზირის ზეთი
0.5 ჩ/კ. სოდა
მარილი და შავი პილპილი გემოვნებით

ნაყიდ ფარშში გამოყენებულია ქათმის ყველა ნაწილი და თავისთავად მაღალკალორიულია, ამიტომ გირჩევთ ფილესგან თქვენ თვითონ მოამზადოთ ფარში.

ხახვი დაჭერით დამოშუშეთ ზეთში, აურიეთ დაფქვილ ფილეში, გემოვნებისთვის შეგიძლიათ დაუმატოთ როზმარინი, მარილი, შავი პილპილი.

ცომის მოსამზადებლად კეფირს დაუმატეთ სოდა, გააჩერეთ 5 წუთი, დაუმატეთ კვერცხი, მარილი და ფქვილი, უნდა გამოვიდეს სქელი არაჟნის სისქის.

გამოსაცხობ ცხიმწასმულ ფორმაში ჩაასხით ცომის ნახევარი, მოათავსეთ ზედ მომზადებული ფარში და მეორე ნახევრით დაფარეთ. გამოაცხეთ 180 გრადუსზე 40 წუთის განმავლობაში.

კარგად რომ გამოშრეს, 20 წუთის შემდეგ, ზემოდან დაჩხვლიტეთ და ისევ 20 წუთით შედგით გამოსაცხობად.

ტკბილი ღვეზელი ვაშლით- 83 კკალ

100 გრ. შავ შოკოლადში იმდენივე კალორიაა, რამდენიც 6 ნაჭერ ვაშლის ღვეზელში.

200 გ უცხიმო ხაჭო
50 გრ ჰერკულესი
3 ვაშლი
2 კვერცხი
1 ს/კ მზესუმზირის ზეთი
1 ჩ/კ გამფხვიერებელი
შაქრის ბუნებრივი შემცვლელი გემოვნებით.

შაქრის შემცვლელი ათქვიფეთ კვერცხთან ერთად გათეთრებამდე, დაფქვილი ჰერკულესი და გამაფხვიერებელი შეურიეთ ათქვეფილ კვერცხში, დაუმატეთ ხაჭო და გააგრძელეთ თქვეფა ერთგვაროვანი მასის მიღებამდე. ვაშლი გაფცქვენით, დაჭერით თხელ ნაჭრებად და აურიეთ ცომში. ცხიმწასმულ ტაფაში ჩაასხით და გამოაცხეთ დაბალ ცეცხლზე გაწითლებამდე.

წითელი თევზის ღვეზელი-150 კკალ

სადღესასწაული სუფრისთვის შეგიძლიათ მოამზადოთ თევზის ღვეზელი. 3-4 ნაჭერი სრულყოფილი სადილის ტოლფასია. შეგიძლიათ გამოიყენოთ თეთრი ფერის თევზიც, მაგრამ უკეთესი ვარიანტია ორაგულით მომზადება.

თქვენ დაგჭირდებათ:

400 გრ ორაგული
6 ს/კ ხორბლის ფქვილი
150 გრ არაჟანი
2 კვერცხი
200 მლ რძე
0.5 ჩ/კ სოდა
მზესუმზირის ზეთი, მარილი და შავი პილპილი გემოვნებით

კვერცხი ათქვიფეთ რძეში, დაუმატეთ ფქვილი, არაჟანი, სოდა და აურიეთ. ცომის ნახევარი ჩაასხით ცხიმწასმულ თუნუქის ფურცელზე, დაალაგეთ ზედ თევზის ნაჭრები, დაასხით დარჩენილი ცომი და 150 გრადუსზე 45 წუთის განმავლობაში გამოაცხეთ.

ქათმის, ყველის და მწვანილის ღვეზელი – 140 კკალ

დელიკატური ღვეზელი კვირა დღის ლანჩისთვის. რას აირჩევდით- 1 ჭიქა ჩირს თუ 3 ნაჭერ ასეთ ღვეზელს?

თქვენ დაგჭირდებათ:

200 გ მწვანე ხახვი
150 გ ქათმის ფილე
150 გ ბუნებრივი იოგურტი
160 გრ ფქვილი
70 გ უცხიმო ყველი
1.5 ც. გამაფხვიერებელი
0.5 ჩ/კ სოდა
3 კვერცხი
მზესუმზირის ზეთი, მარილი და შავი პილპილი გემოვნებით.

მოხარშეთ ქათმის ფილე, გაატარეთ ხორცსაკეპში მწვანე ხახვთან. კვერცხი ათქვიფეთ, დუმატეთ მარილი, იოგურტი, გამაფხვიერებელი, სოდა, შეურიეთ ფარშში და კარგად აურიეთ. ცხიმწასმულ თუნუქის ფურცელზე ჩაასხით გამზადებული ცომი და 180 გრადუსზე გამოაცხეთ. როცა სიწითლეში შევა, ზემოდან მოაყარეთ გახეხილი ყველი და 7 წუთით ისევ შედგით ღუმელში.

ბოსტნეულის ღვეზელი-170 კკალ

თქვენ დაგჭირდებათ:

360 გ სტაფილო
180 გ ყაბაყი
350 გრ ხორბლის ფქვილი
50 გ ზეთისხილის ზეთი
4 კვერცხი
1 ჩ/კ სოდა
1 ს/კ დარიჩინი
მარილი და პილპილი გემოვნებით

ბოსტნეული გახეხეთ საშუალი ზომაზე, ფქვილი დარიჩინთან და სოდასთან ერთად აურიეთ, დაამატეთ კვერცხი, მარილი, წიწაკა, ზეთი და ბოსტნეული და აურიეთ ყველაფერი ერთმანეთში. მოათავსეთ ფორმაში და 180 გრადუსზე 45 წუთის განმავლობაში გამოაცხეთ.

ცხოვრების ახალი რიტმი არ გვაძლევს საშუალებას გავჩერდეთ ერთ ადგილას. ვცდილობთ ყველაფერი მოვასწროთ, გვინდა ყველაფერი დღეს და სწრაფად. გახდომაც კი ძალიან მოკლე დროში გვინდა, მითუმეტეს თუ ეს გვჭირდება განსაკუთრებული შემთხვევებისთვის.  ამასთან ერთად დღის წესრიგში დგება კითხვაც- რამდენად დასაშვებია ჯანმრთელობისთვის  გახდომა ძალიან მოკლე დროში? ბევრია ამ თემაზე ვერსიები და არგუმენტები. თუ გადავწყვეტთ წონაში დაკლებას, უნდა მივიღოთ გადაწყვეტილებაც, რადგან სურვილი ოცნებად არ იქცეს.

დიდი ხნის დაგროვილი ცხიმის სწრაფი მოცილება ჯანმრთელობის გაუარესების გარეშე არ მოხდება. ამიტომ უნდა ვიმოქმედოთ გონივრულად. უნდა მივმართოთ დიეტოლოგს და მივიღოთ კონსულტაცია მისგან, თუ ჯანმრთელობის პრობლემას გამორიცხავს, შევარჩიოთ ჩვენზე მორგებული რომელიმე სწრაფი დიეტის ვარიანტი.

დიეტის დაწყების წინ სასურველია გაითვალისწინოთ:

აირჩიეთ თქვენთვის მისაღები დრო კვებისთვის ისე, რომ არ დაარღვიოთ. ეს დაგეხმარებათ გაუმკლავდეთ შიმშილის გრძნობას.

ჭამამდე ნახევარი საათით ადრე დალიეთ ერთი ჭიქა თბილი წყალი. მთელი დღის მანძილზე აუცილებელია ორ ლიტრამდე წყლის დალევა, რადგან სწრაფი დიეტის დროს გამოიყოფა მავნე ნივთიერებები და წყალმა ხელი უნდა შეუწყოს მათ გამოდევნას. გაღვიძებისთანავე და ძილის წინ ერთი ჭიქა, ყოველი ჭამის წინ ასევე თითო-თითო ჭიქა უნდა მიირთვათ.

კვების უმეტესი წილი ბოსტნეულზე უნდა მოდიოდეს, მიირთვით ბოსტნეული უმად. ეს აჩქარებს მეტაბოლიზმს და ხელს უწყობს ცხიმის სწრაფ წვას.

ჯანმრთელობისთვის უვნებელია მოხარშული, დაკონსერვებული, რამოდენიმე  სახის საკვების მიღება. გამორიცხეთ რაციონიდან შემწვარი, შებოლილი, მარილიანი საკვები. საერთოდ უარი თქვით გაზიან სასმელებზე.

სწრაფი დიეტის წინ შეამზადეთ საკუთარი თავი როგორც ფიზიკურად, ასევე მორალურად. შეხედეთ ყველაფერს პოზიტიურად.

ოთხდღიანი სწრაფი დიეტა:

ეს დიეტა მკაცრად შეზღუდულია და შედგება 4 საკვები პროდუქტისა და 4 სახის სასმელისგან, რომლებიც შეუზღუდავი რაოდენობით შეგიძლიათ მიირთვათ,  მწვანე ჩაი და ვაშლის წვენი უშაქროდ, ქათმის ხორცი და ბრინჯი უმარილოდ და უცხიმოდ.

პირველი დღე: მოხარშული ბრინჯი და ახლადგამოწურული ვაშლის წვენი

მეორე დღე: მოხარშული ქათმის ფილე, ვაშლის წვენი და მწვანე ჩაი.

მესამე დღე: უცხიმო ხაჭო და ნაკლებცხიმიანი კეფირი.

მეოთხე დღე: ნებისმიერი უცხიმო ყველი და მწვანე ჩაი.

დასვენების დღეებში უნდავიზრუნოთ საკუთარ  თავზე, ვივარჯიშოთ, მოვაწყოთ განტვირთვის დღეები და ორშაბათს დილით სარკეში ჩახედვისას ისე კმაყოფილი დავრჩებით, რომ მომავალი კვირა  დამღლელად და აუტანლად აღარ მოგვეჩვენება. შეგიძლიათ პარასკევს აუკრძალოთ თავს ტკბილეული და ფქვილოვანი ნაწარმი, ამით გაგიადვილდებათ ორდღიანი მკაცრი კვების რეჟიმი.

შაბათი

საუზმე: 1 ჭიქა. 2.5% კეფირი, 1 ჭვავის პურის სენდვიჩი ყველით.

სადილი: ბოსტნეულის სალათი მწვანე ბარდით ან დაკონსერვებული სიმინდით და ბოსტნეულის ზეთით.

ვახშამი: 150 გ უცხიმო (სასურველია ზღვის თევზი), 1 ჭიქა კეფირი.

კვირა

საუზმე: 1 ჭიქა მწვანე ჩაი, 2 ორცხობილა.

ვახშამი: 2-3 პატარა კარტოფილი და კომბოსტო სალათი  პურით, ბოსტნეულის ზეთით.

ვახშამი: 100 გ ქათმის მკერდი, მცენარეული ან ხილის სალათი, 1 კვერცხი, 1 ჭიქა კეფირი.

მჟავე კომბოსტოს სასწაულმოქმედი ექსპრეს დიეტა:

მჟავე კომბოსტო შეიცავს ბაქტერიას, რომელიც ხელს უწყობს საჭმლის მონელების პროცესს, ორგანიზმიდან გამოდევნის შლაკებს და მავნე ნივთიერებებს. კომბოსტოს დიეტა ძალიან სასარგებლოა და შეიძლება 3 დღეში 2 კილოგრამიც დავიკლოთ.

საუზმე: შვრიის ფაფა, 250 გრ. ხილი, 1 ჭიქა უშაქრო იოგურტი( ან ერთი ნაჭერი პური, 1 ნაჭერი მოხარშული ხორცი და კომბოსტო )

სადილი: 1  კარტოფილი, კომბოსტო და 1 კვერცხი.

ვახშამი: კომბოსტო, დაკონსერვებული თევზი, ჭარხალი ან კომბოსტოს წვნიანი კარტოფილით და მწვანილით.

შვრიის ფაფას ინგლისელები თვლიან მთავარ კერძად. ის ხელს უწყობს დილით ორგანიზმის გაღვიძებას და ჯანმრთელობის შენარჩუნებას. ფაფა მზადდება წყალზე შვრიის ფანტელებისგან და არა მზა ფაფებისგან. შვრიის სასარგებლო თვისებების შესახებ ბევრმა არ იცის.

შვრია აქვეითებს ორგანიზმში ქოლესტერინის დონეს.

ყოველ დილით შვრიით საუზმობა აფერხებს კიბოს რისკს, საუკეთესო პროფილაქტიკური საშუალებაა.

მასში არსებული  აუცილებელი ცხიმების შემცველობის გამო, შვრია კვებავს სისხლის უჯრედებს, რაც დადებითად მოქმედებს სისხლის მიმოქცევაზე. ყოველდღიურად შვრიის ფაფის მიღება 30%-ით ამცირებს გულისა და ფილტვების დაავადებებს.

შვრია  სხვა დანარჩენი საუზმეებისაგან განსხვავებით, დიდი ხნით ანაყრებს ორგანიზმს და ხელს უწყობს ნაკლები კალორიების მიღებას. ფიზიკურ აქტივობასთან ერთად ეს შესანიშნავი საშუალებაა წონაში დასაკლებად. შვრიის ფაფაში დაბალანსებულია ამინო მჟავები, პროტეინები და ცხიმოვანი მჟავები. თუ გარკვეული დროით გიწევთ უარის თქმა ხორცზე, შვრია დაგეხმარებათ მიიღოთ საჭირო რაოდენობის ცილები.

შვრია შეიცავს კანის მოვლის საშუალებების კომპლექტს, საუკეთესოდ კვებავს კანს და ბევრ შემთხვევაში კურნავს ქრონიკულ დაავადებებს.

დილიდან ორგანიზმს სჭირდება არა მარტო ენერგია, არამედ ვიტამინების ახალი პორცია. ორივე შემთხვევაში შვრია კარგი საშუალებაა. ის შეიცავს უჯრედისს, რკინას, იოდს, ფოსფორს, კალიუმს, კალციუმს, ასევე ვიტამინებს A, B1, B2, B6, E, K, PP.

ბევრი სასარგებლო თვისების გამო შვრიას ბევრი ადამიანი სწორად ირჩევს. რაც უფრო წვრილადაა დაფქვილი, მით მეტად აქვს დაკარგული სასარგებლო თვისებები. მზა ფაფებში ბევრია კონსერვანტებიც.

უმჯობესია შვრია გამჭვირვალე პაკეტებში შეფუთული ვიყიდოთ, რომ უკეთ შევაფასოთ. მუყაოს ყუთებში მეტი ტენიანობაა, რაც შვრიას უკარგავს სასარგებლო თვისებებს. არ გვაქვს გარანტია იმისა, რომ ეს მუყაოს ყუთები ინახება მშრალ პირობებში. რაც უფრო მსხვილია ფანტელები, მით უფრო დიდხანს უნდა ვხარშოთ ფაფა.

თუ თვლით, რომ მართლაც საუკეთესოა შვრიის ფაფის საუზმე, შეგიძლიათ გამოიყენოთ ეს რეცეპტი, რომელიც დაკვირვებამ აჩვენა, რომ არის ჯანსაღი, გემრიელი და ნოყიერი.

შემადგენლობა:

3ს/კ შვრია(ჰერკულესი)

300 მლ კეფირი

3 ჩ/კ თაფლი

ჩირი ან თხილი გემოვნებით.

მომზადება და გამოყენება

საღამოს შვრიას დაასხით კეფირი და შეინახეთ მაცივარში დილამდე. შვრია შეიწოვს კეფირს, გაფუვდება და დილით უკვე გამზადებული ფაფა დაგვხვდება.დანარჩენი ინგრედიენტები დაამატეთ დილით. შეგიძლიათ დაამატოთ ასევე ვაშლი ან რომელიმე ნედლი დაჭრილი ხილი, თუ ტკბილ ხილს გამოიყენებთ, თაფლის დამატება საჭირო აღარ არის.

ასეთი საუზმე უფრო გემრიელი და სასარგებლოა, ვიდრე ნებისმიერი მზა იოგურტი, რომელიც მრავლადაა სუპერმარკეტებში.

არ დაიზაროთ და სცადეთ ამ ჯადოსნური რეცეპტის დახმარებით ყოველ დილით საუზმის მომზადება და მერწმუნეთ, ერთ თეში თავს ვერ იცნობთ.

ეს დიეტა გათვალისწინებულია ორ კვირაზე. რეკომენდაციას იძლევა სწორ კვებაზე, რომლითაც არა მარტო 10-14 კგ. -ს დავიკლებთ, არამედ შევინარჩუნებთ მიღწეულ შედეგს. დიეტა გათვლილია სამჯერად კვებაზე, მაგრამ სურვილისამებრ შეგიძლიათ გადაანაწილოთ 4-5 მიღებაზე.

პირველ კვირას

ორშაბათი

საუზმე: 2 მოხარშული კვერცხი, ყავა ან ჩაი რძისა და შაქრის გარეშე.

სადილი: სუპი ბოსტნეულის ბულიონით, 100 გ ფრინველის ფილე.

ვახშამი: ჩაშუშული კომბოსტო 250 გრამი,  მცენარეული ზეთით.

სამშაბათი

საუზმე: 200 გრ უცხიმო  ყველი  ახალი მწვანილით, სუნელით და ნიორით, ჩაი ან ყავა სასურველია რძისა და შაქრის გარეშე.

სადილი: 200 გ ბოსტნეულის სალათი  მცენარეული ზეთით, მოხარშული, შემწვარი ან გამომცხვარი თევზი.

ვახშამი: 1 ნებისმიერი ხილი, ბანანის, ყურძნის და ატმის გარდა.

ოთხშაბათს

საუზმე: 100 გრამი უცხიმო ყველი, ჩაი ან ყავა რძისა და შაქრის გარეშე.

სადილი: 200 გრ თევზი, დამზადებული ნებისმიერი ფორმით, 1 ვაშლი.

ვახშამი: 175 გ თევზის კონსერვი საკუთარი წვენით ან მისგან მომზადებული წვნიანი, 250 მლ ტომატის ან ბოსტნეულის წვენით.

ხუთშაბათი

საუზმე: 150 გრამი წიწიბურა, ჩაი ან ყავა რძისა და შაქრის გარეშე.

სადილი: 200 გრ მოხარშული ხორცი, 2 საშუალო ზომის ვაშლი.

ვახშამი: 200 გ ბოსტნეულის სალათი 1 ს/კ მცენარეული ზეთით.

პარასკევი

საუზმე, სადილი, ვახშამი: ნებისმიერი ბოსტნეული უმი, მოხარშული, დაკონსერვებული ან გამომცხვარი, გარდა კარტოფილისა.

შაბათი

საუზმე: 1 მოხარშული კვერცხი, ჩაი ან ყავა რძისა და შაქრის გარეშე.

სადილი: სუპი ბოსტნეულის ბულიონი, 100 გ ფრინველის ფილე.

ვახშამი: 175 თევზის კონსერვი საკუთარი წვენით, 1 ნაწერი ჭვავის პური.

კვირა

საუზმე: 100 გრამი მოხარშული ბრინჯი, ჩაი ან ყავა რძისა და შაქრის გარეშე.

სადილი: 1 ნებისმიერი ხილი ბანანის, ყურძნის და ატმის გარდა.

ვახშამი: 200 თევზი დამზადებული ნებისმიერი ფორმით.

მეორე კვირას

ორშაბათი

საუზმე: 200 გრამი უცხიმო იოგურტი, ჩაი ან ყავა რძისა და შაქრის გარეშე.

სადილი: 200 გრ მოხარშული საქონლის ხორცი.

ვახშამი: 250 გრამი კომბოსტო მცირე რაოდენობის მცენარეული ზეთით.

სამშაბათი

საუზმე: 1 მოხარშული კვერცხი, ჩაი ან ყავა რძისა და შაქრის გარეშე.

სადილი:ახალი კომბოსტოს სალათი,  ბოსტნეულის ბულიონის წვნიანი.

ვახშამი: 1 მოხარშული ფრინველის თეთრი ხორცი, 250 მლ ტომატის წვენი.

ოთხშაბათს

საუზმე, სადილი, ვახშამი: კეფირი, კომბოსტო, კიტრი ნებისმიერი რაოდენობით.

ხუთშაბათი

საუზმე: 1 მოხარშული კვერცხი, 2 საშუალო ზომის პომიდორი.

სადილი: 100 გრამი მოხარშული ბრინჯი.

ვახშამი: 200 გრ თევზი, ნებისმიერი ფორმით მომზადებული, 1 ჭიქა უცხიმო კეფირი.

პარასკევი

საუზმე, სადილი, ვახშამი: მოხარშული ფრინველის ფილე.

შაბათი

საუზმე, სადილი, ვახშამი: ნებისმიერი ბოსტნეული უმი, მოხარშული,

დაკონსერვებული ან გამომცხვარი, გარდა კარტოფილისა.

კვირა

საუზმე, სადილი, ვახშამი: თევზი ნებისმიერი ფორმით მომზადებული.

ეს დიეტა მრავალფეროვანია, შიმშილს ნამდვილად ვერ იგრძნობთ და არც მოსაწყენია.